مذكرات واحد واقف فى طابور عيش








كنت اقف فى طابور العيش كالعاده يوم الجمعه عندما قال صاحب الفرن بانه لن يبيع عيش باكثر من جنيه وكان كثير من الناس يشترون عيش باكثر من عشره جنيهات ويبيعوه فى الارياف او يطعموه للفراخ وتحايلوا على ذلك الموضوع بان يقفوا فى الطابور لاكثر من مره

وكان يقف امامى رجل فى الطابور كان يكلم صاحبه حول الغاء الدعم وكيف ان هؤلاء الناس ولاد الكلب (على حد تعبيره) معدوش هيلاقوا عيش يكلوه وان مجلس الشعب اقر قانونا بذلك من بدايه السنه المقبله وان رغيف العيش 130جرام هيبقى 160جرام لكن بعشره قروش وانبوبه البوتاجاز هتبقى ب24 جنيه هنا قال له احد الواقفين فى الطابور انت بتكلم بجد فقال له امال بهزر انتوا مش عايشين فى الدنيا دى خالص وقعد يشتم فى الحكومه وفى الشعب الجبان الذى كما يقولون يتفرق بصفاره ويتلم بكرباج ..............الى هنا انتهى كلام الرجل الذى اخذ عيشه ومشى لكن كلامه لم يفارق ذهنى والسؤال ان ذلك الرجل الذى يحسب على عامه الشعب تبرأ من الشعب وكذلك الاخوان(اقرأ المقاله السابقه) فانا لم اعد اعلم مين هو الشعب....الناس العوام اتبراوامنه والاخوان اتبرأوا منه حد يعرف مين الشعب ده موجود لسه ولا انقرض

0 تعليق:


لو صندوق التعليق مش ظاهر ممكن تعمل ريفرش

next previous