سؤال :عندما تكون فى الخارج وتريد ان تعرف انك دخلت مصر ام لا ؟ الاجابه : بسيطه عندما تشاهد عسكرى امن مركزى....اهلا بك فى مصر







فى اى مكان تجد فيه تظاهره او او مؤتمر او ندوه او تجمع لابد وان تشاهد علامه مصر

او ماركتها الحضاريه (جنودنا البواسل الامن المركزى )

وهذا شئ اعتاد الشعب المصرى عليه ويبدو ان هذه الظاهره يريد النظام تصديرها للدول

المجاوره فبعد ازمه معبر رفح واستبسال الامن المركزى المصرى فى صد الفلسطينين

يجب على بعض الدول التى تعانى من مشاكل حدوديه من التعلم من ماركتنا الحضاريه

(الامن المركزى) .


وفى إطارالازمه الاخيره فى معبر رفح

فقد اشاد سليمان عواد المتحدث باسم الرئاسه بجنود الامن المركزى الذين استطاعوا

السيطره بالقبضه الحديديه على حدود مصر مع قطاع غزه مره اخرى بعد الحادثه

المعروفه من تفجير مسلحين فلسطينين بعض اجزاء السور وانهمارالفلسطينين على

الاراضى المصريه وبعد الاشتباكات الاخيره بين الفلسطينين واصابه 48 جندى امن

مركزى . خرج علينا عواد (المتحدث باسم الرئاسه ) ليقول بان الفلسطينين الوحشين قتلوا

كلبين حراسه مصريين ورفعوا العلم الفلسطينى على اراضى مصريه .


الكلبين عند عواد باشا اهم من الجنود ...وحكايه العلم اللى مرفوع فيكفى ان اسرائيل علمها

مرفوع فى مصر ومحدش بيقوله انتا فين مع ان علم اسرائيل به اشارات الى ان من حلم

اسرائيل فى دولتها الكبرى احتلال مصر

( الله يشفى اليهود ويشفى عواد معاهم) .


21 تعليق:

  • النجم القادم

    السلام عليكم حسام باشا
    بص والله هو الموضوع مش موضوع اجتياح اراضينا المصريه او الكلاب اكلوا او عضوا حد او الفلسطنين رفعوا العلم المصرى
    ياعمنا فكك ولا البتاع ده الا طالع يتكلم باسم الرئاسة المصرية انته عمرك شوفت رئاسة مصرية
    انا كنت شايفه من شويه بتجيب اوموووو
    هههههههههههههههه
    تحياتى ليك ياحبيبى
    بس ياريت تعمل التعليقات مقترنة بالموضوع بلاش فى صفحة منفصلة

  • Hosam Yahia حسام يحى

    وعليكم السلام اخى النجم

    انا فكيت خالص اهو عشان خاطرك انته بس

  • ض/خالد

    شكر الله لك يا استاذ حسام....
    على المعلومات القيمة..
    وعلى غيرتك على دين الله -سبحانه-

    :)

  • سمية-بنت البنا-

    السلام عليكم ورحمة الله وبركاته

    نعم .. اعتدنا ذلك من قوات الأمن ..
    اعتدنا أن نجدها في كل مكان ...


    وبما أن مصر تعتبر دولة نموذجية _ كما يقول عليها البعض _

    فإنها قدوة لغيرها من الدول ...

    في انتهاك حقوق الانسان وفي الاعتقالات وفي كل ما هو مسئ لنا ...

    حسبنا الله ونعم الوكيل


    اللهم فك أسر والدي وجميع اخواننا المعتقلين ...

    وجزيتم خيرا

    والسلام عليكم ورحمة الله وبركاته

  • سمية-بنت البنا-

    السلام عليكم ورحمة الله وبركاته

    نعم .. اعتدنا ذلك من قوات الأمن ..
    اعتدنا أن نجدها في كل مكان ...


    وبما أن مصر تعتبر دولة نموذجية _ كما يقول عليها البعض _

    فإنها قدوة لغيرها من الدول ...

    في انتهاك حقوق الانسان وفي الاعتقالات وفي كل ما هو مسئ لنا ...

    حسبنا الله ونعم الوكيل


    اللهم فك أسر والدي وجميع اخواننا المعتقلين ...

    وجزيتم خيرا

    والسلام عليكم ورحمة الله وبركاته

  • Hosam Yahia حسام يحى

    شكرا يا دكتور خالد على التعليق

    واتمنى تكرار الزياره

  • Hosam Yahia حسام يحى

    شكرا سميه على الزياره والتعليق

    ماشاء الله عندك موهبه فى الكتابه

    وجزيت خيرا على المرور

  • عاشقة الوطن

    السلامعليكم
    ازيك ياحسام

    يمكن فعلا من معالم مصر اللى بقت اساسية الامن المركزى
    انت عارف افراد الامن المركزى زى ما كلنا عارفين ماشيين لينفذوا الاوامر لانهم غلابة اوى ومفيش فى ايدهم حاجة غير تنفيذ الاوامر ديه نقطة
    النقطة التانية ان اللى يهموا الكلاب عن رجال الامن المركزى او اى فرد من البلد فبالتالى ميهموش البنى آدمين التانيين المحاصرين زى اللى فى فلسطين او غيره
    يبقي اكيد اكيد ده معندوش احساس وكمان ميعررفش ان ربنا هيحاسبه على الارواح اللى بتموت ومش بيهتم بيهم او يحافظ عليهم وشغله الشاغللا كام كلب اصيب او مات

    حسبي الله ونعم الوكيل

    السؤال مهم والموضوع مهم كمان
    تحياتى ليك ياحسام

  • أنا إنسان

    أنا فاكر قصيده كنت سمعتها مش فاكر مين اللي مالفها
    بس خلاصتها ان الولي كان عنده كلب
    والكلب ده عض واحد من الشعب
    فحوكم هذا الرجل
    المعضوض طبعا
    ويقول الشاعر
    "وجاء في التقرير الطبي
    أن كلب الوالي...تسمم"
    .......
    حسبنا الله ونعم الوكيل

  • Hosam Yahia حسام يحى

    عاشقه الوطن شكرا على الزياره واتمنى تكرارها .....

    طبعا الامن المركزى مش عارفين حاجه وعايزين يخلصوا جيشهم وخلاص ومش عارفين الالف من كوز الدره

    ونحن ندعوا الله ليهديهم ويهدى رؤساءهم

  • Hosam Yahia حسام يحى

    القصيده دى اللى قايلها

    شاعرنا الكبير احمد مطر (حفظه الله)

    مش الكلب بس اللى اتسمم الطبيب اللى بيعالج الكلب كمان
    !!!!!!!!!!!!!

  • فزلوكة

    سؤال
    هو الأخ عواد متحدث باسم الرئاسة المصرية ولا الفلسطينية ولا " الإسرائيلية "
    أعتتقد أن الأخيرة أوقع
    وقت ما باعوا المصريين وجوعوهم ...مش هيبيعوا الفلسطينين ويجوعوهم!!!!!!
    دول ناس باعوا القضية من زمان وباعوا معاها كل ذرة وطنية

  • بنت الاسلام

    الموضوع متشابك الصراحة

    والواحد بقي محتار

    ربنا يقدم الي فيه الخير

  • Hosam Yahia حسام يحى

    الاخت فزلوكه فينك من زمااااان

    المهم سليمان عواد يمكن عميل مزدوج مع النظام المصرى ضد الشعب المصرى ومع النظام الاسرائيلى ضد الشعب الفلسطينى

  • Hosam Yahia حسام يحى

    بنت الاسلام

    الامر واضح ولا تعقيد فيه

    الحلال بين والحرام بين فكذلك فى السياسه

    حب وطنك بين وخيانه وطنك واضحه

  • ضد الظلم

    ياباشا احنا خيفين على الفلسطينيين وبنحميهم اصل التجار المصريين جشعين وهيبعلهم الحاجه الضعف ف يموتو من الجوع احسن
    وماله علم اسرائيل يعنى ماله عشان يعنى الخطين الزرق دول رمز حمايه النيل والفرات من التلوث ولا ايه

    دى حاجة تغيظ

    تقبل تحياتى

  • Hosam Yahia حسام يحى

    ضد الظلم

    تصدق فكره .........ابعتها لعواد علشان يطلع يقول كده

  • عبد الرحمن مدني

    الله ينور علي الشغل الجامد ده

    بس ايه بس ليه عشان إية ....!!؟

    طيب ع العموم أنا مستني زيارتك ليه
    مدونة إخوان ستايل

  • أمير القلوب

    أمن مركزي
    يبقى أنت أكيد في مصر
    طبعاً ده شئ أساسي عندنا
    أصل الخوف من موجة الإسلام القادمة رغم أنفهم حيموتهم بدري وإن شاء الله الموجة حتغرقهم كلهم
    حياك الله

  • Hosam Yahia حسام يحى

    شكرا اخى عبد الرحمن مدنى على الزياره


    وانا زرت مدونتك

  • Hosam Yahia حسام يحى

    شكرا لك اخى امير القلوب على معاوده الزياره


لو صندوق التعليق مش ظاهر ممكن تعمل ريفرش

next previous