ملحمه الصمود .....التحدى .....الانتصار ...................وحكايه شعب








فيما كنت فى رحلتى الاسبوعيه الى طابور العيش واقفا فى دورى كعادتى بلا اى كلام مع اى حد وكان دورى فى الطابور الاربعين تقريبا وبعد مايقارب ساعه الا ربع من الوقفه وقد قارب الطابور الى الانتهاء

اذا باحدهم من خارج الطابور ينقض على المقدمه ويقول بان هذا مكانه وانه سيادته كان حاجز دور وكان بيزعق وهو بيتكلم فلم يعترضه احد سوى بعض الهمهمات ذات الصوت الواطى وبعض الحسبنه ( حسبنا الله ونعم الوكيل ) .

.لكن الحمد لله الموضوع معداش ففيه واحد راجل رفض الوضع وقال للدخيل انتا حرام عليك وكلام من ده وفجأه لقيت الطابور دخل الزعيق ولقيت واحد بيقول للى ورا الدخيل فى الطابور (متبقاش راجل لو خد دورك )

وهنا صاح بالدخيل اللى وراه اللى مكنش بيكلم وعندما جاء الدور عليه اتخانقوا وكاد الطابور ينقلب مذبحه على الرجل الدخيل لولا صاحب الفرن

اظن ان هذه القصه تصلح حكايه لشعبنا !!!!!!!!!!!!!!!!


واظن اننا ما زلنا فى مرحله الراجل اللى بيزعق لوحده وعاوز الطابور كله يثور على الدخيل


والى ان يثور الطابور كله على الدخيل


(سلام منا لمصر )

53 تعليق:

  • al_qassam

    بسم الله
    الموضوع جميييييييييل جدا ياحسام ربنا يكرمك يارب والحكايه فعلا تنطبق علينا
    بس المهم انتا اخدت العيش ولا لاء هههههههه
    والله المستعان

  • Hosam Yahia حسام يحى

    لئه الحمد لله اخدت العيش

  • انا مش معاهم

    طبعا احنا شايفين اللي بيحصل في وسائل الاعلام
    ضد حماس وضد الفلسطينيين لدرجه ان احد
    هؤلاء الكتاب اقصد العملاء يكتب ويقول في الاخبار موضوع عنوانه
    الزهار واسرائيل في سله واحده
    وكمان غير الاذاعه التي تبين للمصريين ان
    مصر تمن وتتفضل علي الفلسطيينيين
    مع ان دخولهم الاراضي المصريه
    ادخل مايزيد عن النصف مليار دولار لمصر في اسبوع واحد
    انا اناشد كل حر في مصر للوقوف ضد هذه الحمله المنظمه
    واناشد ايضا اخواني المدونين الذين اصبحوا الان
    من الفئات التي يحسب لها النظام الف حساب
    ارجوا منهم ان بساهوا ولو بتشر الرساله في مدونتهم
    واي واحد يعرف يعمل تصميم او شعر
    او شعار او اي شيئ تراه مناسبا
    لهذه الحمله ضد العملاء
    تحياتي
    سيف الاسلام
    صاحب مدونه سيف مش معاهم

  • النجم القادم

    يابنى خلاص عيش ايه الا بتتكلم فيه
    كل شى بقى عليه طوابير وزحمه والناس بقت مخنوقه من كل حاجه
    حسبنا الله ونعم الوكيل فى هؤلاء الظالمين الغاشمين

  • Hosam Yahia حسام يحى

    النجم القادم


    الطوابير مش المشكله ...المشكله فى تسيير الطابور ده راييى

    وجزاك الله خيرا على المرور

  • Hosam Yahia حسام يحى

    فعلا اخى سيف

    موضوع العماله ريحته فاحت من كثير من الكتاب المشاهير

    امثال رئيس تحرير الاخبار والجمهوريه وروز اليوسف والهلال طبعا

    ولن اذكر اسمائهم حرصا على عدم القذاه فى مدونتى

    وشكرا على المرور

  • حبة حاجات (ايمان)

    فعلا موضوع وبوست حلو اوى يا حسام

    والحكايه دى فعلا شبهنا اوى شبه المجتمع المصرى
    واللى سبق اكل النبق

  • Hosam Yahia حسام يحى

    شكرا ايمان على الاشاده

    وانا اللى خلانى اكتب البوست ده شده الشبه بينه وبين واقع مجتمعنا

  • CheToS

    أنا لو فكرت أجيب وصف للى بيحصل فى مصر مش حلاقى أحسن ولا أفضل من الوصف الىل انت قولتله...أسلوب فى غايه الروعه وتشبيه جاااااامد
    والمهم جبت العيش ولا لا ..ماتقلقش حكومتنا الاكترونيه حتخليه هوم دليفرى حيجيلك لغيت البيت هههههه

  • عمرو سلامة

    باذن الله هنثور ومش هنفضل نزعق .. باذن الله هيجى اليوم وقريب جدا جدا جدا .. انتفض ايها الشعب بقى .. زهقنا من الدخلاء والحكام واللى واللى .. يارب انصرنا على ريسنا ...
    --- مدونتك اول مرة ازورها وهيا جميله جدا وربنايكرمك يارب

  • فزلوكة

    إسقاط جميل
    ولو فرضنا إن الأخ إللى زعق خلى الأخ الدخيل يضايق وجاب عشرة دخلاء معاه هتلاقى الطابور كله بيهاجم........
    الأخ إللى زعق
    ومابين الدخيل والأخ إللى بيزعق
    المخبز بيشطب

    كان الله فى عونك

  • appy

    عارف العيب فى ايه فى سلبيتنا وعدم تعودنا على النظام بس خلصت الحكايه

  • Hosam Yahia حسام يحى

    123456789123456789شكرا شيتوس

    وانا الحمد لله جبت العيش

    وعقبال ماييجى دليفرى

  • Hosam Yahia حسام يحى

    ان شاء الله هنثور يا عمرو


    وهننتفض على الدخيل اللى عاوز يا خد عيشنا

  • Hosam Yahia حسام يحى

    لئه يا فزلوكه المخبز ماشطبش
    والا صاحبه كان هيضرب

    هوا انا ساعتين وفى الاخر ما اخدش

  • Hosam Yahia حسام يحى

    appy


    شكرا على تلخيص الموضوع

    ويارب كلنا نتعود

  • سمية-بنت البنا-

    السلام عليكم ورحمة الله وبركاته

    ما كتبته حضرتك واقع يومي يحدث أمام كل مخبر للعيش ...


    ولكن ... من منا يتحدث ..؟؟
    من منا تكلأه العزة والإيجابية ليوقف تلك الإهانة لشعبنا ...؟؟

    من يدقع عن ذال الشعب حزنه وألمه حتى في الحصول على خبزه ..؟؟


    سيدي ... يال كلمات حضرتك المؤلمة المعبرة عن واقع يومي مؤلم

    لن ينتهي إلا بثورتنا نحن الشعب .....


    بورك فيكم

  • Hosam Yahia حسام يحى

    شكرا اخت سميه على المرور


    وبارك الله فيكى

  • يورو

    فعلا عندك حق
    الظاهر اننا هنفضل فى مرحلة الراجل الى بيزعق مستنين الفارس الى هيجى يخلصنا
    ولحد م يجى الفارس دا

    خلينى اقول معاك..سلام منا لمصر

  • Hosam Yahia حسام يحى

    شكرا يورو على المرور


    وسلام منا لمصر

  • أنا إنسان

    مبروك بنر المدونه الجديد
    ........................
    واما حكايه الشعب
    فالاسس اللي مبنيه علها قواعده لازم تتغير

  • السيفان

    عمار يا مصر
    لما تلاقى الناس واقفين فى طابور العيش اللى طوله مالوش حدود يبقى انته اكيد فى مصر

  • maha miho

    احنا شبه مواطن في طابور العييييييش،، بالظاااااااااااااااااابط كده تشبيه كويس،، محتاجين واحد مشاغب في الطابور يعمل قلق واتنين يساعدوه،، كلمة فغمزة فلمزة فخبطة فضربة فخناقة وعايزين دم عايزين الناس تتلم
    عشان احنا لسه بادري علينا اما نعرف يعني ايه نغير ويعني ايه نثور،،، محتاجين ثقافة من نوع اتلحلحوا وخلي عندكو دم،، محتاجين نحس بمعنى فقدان العزيز في سبيل الحرية
    جتنا نييييييييييييلة،، وفي الآخر كمان العيش حالته ما تسرش،، يبقى جتنا نيلة ولا لأ؟؟

  • Hosam Yahia حسام يحى

    انسان

    شكرا لمرورك

    وعن الاسس فان شاء الله نقدر نغيرها

    بس محتاجه وقت

  • Hosam Yahia حسام يحى

    السيفان شكرا لمرورك

  • Hosam Yahia حسام يحى

    maha mehi

    شكرا على المرور

    وخلاص ياستى ماتزعليش جتنا نيله

  • gannah

    بجد موضوع جذاب برافو عليك اصل موضوع العيش ده قرفنى اتمنى منك الكتابة عن ما هو اكبر من العيش

  • Hosam Yahia حسام يحى

    ganah

    شكرا على المرور

    وان شاء الله البوست الجديد

    اكلم عن موضوع اكبر من العيش

  • بنت الاسلام

    فكرتني بفكرة جت في دماغي من يومين اني انزل واروح وااقف في الطابور واشتري عيش

    لكن بعد ماقريت بوستك وبعد ماسمعت من كذا مصدر عن الي بيحصل

    لدرجة تصل للموت

    بقول


    ماله الرز

    نفطر

    نتغدي

    نتعشي

    رز

    وبلاها عيش

    هتقولي طب والغلابة

    خليهم في الطابور

    وبعدهاااااااااااالك

    يابلد

  • Hosam Yahia حسام يحى

    لئه نصيحه ماتحاوليش تجيبى عيش

  • shirry

    والله مش عارفة اقولك ايه هو فعلا واقع بيحصل كل يوم
    علي فكرة احنا عندنا بوكس بيجي ينظم العملية علشان في اتنين ماتوا بسبب الموضوع دا قبل كدة
    والله بجد

  • Hosam Yahia حسام يحى

    shirry

    شكرا على المرور

    واحنا عندنا محتاجين بوكس برده

    بس مش سياسى

  • nonoymm

    دي حاجة بسيييييييييطة اوي من اللي بيحصل كويس انك جبت عيش
    امال اقولك ايه ولا ايه على المنفذ اللي ادامي في العاشر من رمضان اللي للاسف ما عدتش ينفع اجيب منه ابدا لاني ببساطة لا بعرف اتخانق ولا ازعق ولا اكسف حد فمبعرفش اجيب عدل
    ربنا يرحمنا برحمته
    زيارتك لمدونتي توجتها اتمنى التواصل الدائم
    دمت بخير وواكل عيش بس من بتاع البني ادميين مش اللي بيعملوه لنا في الافران ومابنعرفش حتى نجيبه
    وجه بيعيط من الظلم اللي اصبحنا فيه

  • Abd-Alrahman & NOUR

    هههههههههههههههههه
    هذا هو الهم الذى يضحك
    فعلا طابور العيش ده هو اكتر حاجة بتوصف حال الشعب المصرى
    تلاقى يا عينى الناس بتصلى الفجر وتنزل عشان تلحق العيش
    وخناقات ومشاكل وناس مش بتستحمل الوقفة وبيغم عليها
    حاجة بهدلة
    وكل ده عشان رغيف العيش اللى مليان حصى وملهوش طعم
    لا حول ولا قوة الا بالله
    احنا اللى عملنا كده فى نفسنا عشان احنا ساكتين وسلبيين لاقصى درجة
    معلش طولت عليك بس فعلا الموضوع ده بيستفزنى اوى
    ميرسى اوى يا حسام على الصورة الرائعة اللى رسمتها لحال الشعب المصرى
    فعلا بوست راع ومميز
    NOUR

  • عاشقه الفردوس

    لاحول ولاقوه الا بالله
    اذا لم ناخذ حقنا واذا صمتنا
    سيسلب حقنا وستسلب كرامتنا

    قصه حلوه وفعلا تصلح لحالنا لانها اصلا جزء من حالنا

    العيش جبته ولا لا
    :))

  • سما الإسلام

    فعلا احنا محتاجين الطابور كله يثور
    و مازلنا في مرحلة الراجل اللي بيزعق لوحده

    ربنا يتولانا برحمته

  • النجمة الصامدة

    انا قريت العنوان قلت الموضوع كبير كبير

    لقيه طابور عيش

    كملت للاخر

    لقيت بجد .. الموضوع كبير

    :)


    تحياتي

  • Hosam Yahia حسام يحى

    nonoymm

    شكرا على المرور

    وان شاء الله يبقى فيه زيارات متبادله

  • Hosam Yahia حسام يحى

    NOUR

    شكرا على المرور

    وشكرا على الاشاده

    والصوره دى فى كل حته

    مش عندنا بس

  • Hosam Yahia حسام يحى

    عاشقه الفردوس



    شكرا على المرور

    والحمد لله انا جبت العيش

  • Hosam Yahia حسام يحى

    النجمه الصامده

    شكرا على المرور


    وهوا مش كبير ولا حاجه

    ده من ذوقك بس

  • Hosam Yahia حسام يحى

    سما الاسلام

    شكرا على الزياره

    وان شاء الله ربنا هيتولانا

  • مدونه المكتبيين بالمنوفية

    السلام عليكم ورحمه الله وبركاته

    بصراحه اول مره ادخل علي مدونتك
    بس بجد مدونة رائعه
    واسلوبك جميل اوي اوي
    وخيالك واسع
    وبجد انا استفدت من كلام
    وربنا يوفقك كمان وكمان ونشوف المزيد من كتاباتك الرائعه

  • Hosam Yahia حسام يحى

    مدونه المكتبيين بالمنوفيه

    شكرا جدا على التعليق

    واتمنى ان اكون عند حسن الظن بى

  • امام الجيل

    فعلا السلبية ذلك الخلق السيئ الذى انتشر فى هذا الشعب

    والذى تملك منهم بشكل صعب
    ونسال الله ان يفيقهم من ثباتهم

    وان الواحد على الاقل يشوف مصلحته بس بمنظور اكبرمش يومه وبس لا مستقبله

    ربنا يهدى

  • Hosam Yahia حسام يحى

    شكرا امام الجيل على المرور والتعليق


    وان شاء الله الناس تشوف مصلحتها بمنظور ابعد


    لكن مش عارف امته!!!!!!!!!!

  • مدونة يلا نفضحهم

    الآن وحصريا علي يلا نفضحهم أخطر قضية تعذيب وانتهاك لحقوق الإنسان في مصر الحاج عبد الله يروي قصته http://www.yallanefdahom2.blogspot.com/

  • ريهام

    سلام عليكم ازيك يا حسام وبجد الموضوع حلو اوى مفيش حد مش مر بتجربه الصمود دى اللى بتتعمل يوميا فى طابور العيش بقت حاجه زى طابور الصباح بتاع المدارس الله يمسيه بالخير بقى (كنت بكرهوا اوى عالفكرة) متهيالى كده الواحد لو وقف على فرن عيش من غير طابور ولا زحمه ولا خناقه ممكن الواحد يجيلو اندهاش فى الذاكرة ويلم ناس ويعمل طابور بنفسه اصل خلاص بقينا متعودين عالبهدله دااااااايما

    وعلى فكرة بقى احب استغل الموقف واقولك ان عندى بوست حلو ويهمنى رايك وشيفاك وانت بتقول ايه البت الاستغلاليه دى بس اهى فرصه ابعتلك الدعوة اجبارى هههه

  • ريهام

    معلش فى جمله واقفه فى زورى نسيت اقولها . كان فى مسلسل قديم اسمه عائله شلش بتاع صلاح ذوالفقار وليلى طاهر وكان عندهم بنت .. لاء اطمن مش هحكى المسلسل هههه المهم البنت دى كان ليها جمله حلوة اوى دايما تقولها .. كانت بتقول ( فعلا محدش بياكلها بالساهل) لقيتها جمله مناسبه اوى لموضوعك وبس رغى بقى مش عاوزة اطول لتقول انى احتليت المدونه

  • Hosam Yahia حسام يحى

    ريهام

    شكرا على المرور والتعليق

    وانا خشيت عندك

    بس ملقيتش بوست عندك جديد

  • حطم القيود

    السلام عليكم

    انا بسمي طابور العيش ده فعلا الماساة اليوميه
    اللى عايز يشترى عيش لازم يجهز دباباته ومدرعاته عشان يبدا يخوض حربه اليوميه
    وياريته بيطلع بحاجه عدله...الرغيف لازمله ميكروسكوب عشان يتشاف

    اللهم انا نشكو اليك،،،،

    تحياتى

  • Hosam Yahia حسام يحى

    حطم القيود

    شكرا على المرور والتعليق

    ياريت العيش يتشاف بميكرسكوب بس

    لئه ده عاوز يروح مغسله قبل مايتاكل

    عشان الهباب اللى عليه يروح

  • اتحاد المدونيين المصريين

    اخينا الفاضل
    كل الشكر لك رغبتك فى الانضمام الينا ونحن فى انتظار زيارتك للجنة العضوية وكتابة استمارة العضوية لتنظيم العمل بالاتحاد واختيار لجنة تناسب ميولك للتواصل مع باقى الاعضاء وخدمتهم ان امكن
    مع تحيات اخوك
    حسن توفيق


لو صندوق التعليق مش ظاهر ممكن تعمل ريفرش

next previous