المنتخب عندما يسجد ويرقص !!!!!....صور







فى حفله المنتخب التى كانت باستاد القاهره احتفالا بفوزه بالكاس الافريقيه اختلطت الرقصات بالاغانى بهتاف الجماهير مش لللعيبه زى ما متعودين




لئه ده بيهتفوا لنانسى عجرم



وسبحان الله عباد كوماسى الذين كانوا يسجدون بعد كل هدف وحاملى المصاحف قبل
المباراه يتحولون الى مصفقين لمغنيه !!!
بدايه عاديه للاحتفاليه



وفى حضور حراميه البلد (جمال وعلاء ) كان ناقص ابوهم عشان الموضوع يكمل لكن وجودهم برده شئ عادى



وتصوير نظيف وزاهر مع المنتخب برده شئ عادى
لكن فجأأأأاه انا اطصدمت لقيت اللى ماتسماش داخله


وهاتك من الاغانى يا معلم طب ماكنتوا تجيبوا مغنيه لو لازم يعنى يبقى فى اغانى بس مغنيه مصريه مش لبنانيه (مش لازمهم تشجيع الصناعه الوطنيه حتى فى الاغانى ).!




واللى ادهشنى بجد حسن شحاته وهو فرحان وهى بتغنيله معجبه مغرمه

وياريتها جت على الانبساط بس لئه ده كان بيصقف (الله عليك يا ابو على ) !

وده احمد سليمان فرحان اوى وبيكلمها وبيضحك ..ياله ماهى هيصه ومحدش شايف حاجه

حتى منتخب مشجعى مصر .....اصبح منتخب مشجعى نانسى وبيهتف ..نانسى ..نانسى




لم يعجبنى فى الموضوع ده كله الا عصام الشوالى وهو يقول عن ابو تريكه وهو يعرفه انه الاعب صاحب القضيه والمبدأ الذى ذكرنا بالقضيه الفلسطينيه


وما دامت الاحوال هكذا( سجود عند الحاجه وغناء عند انتهائها )


وداعا ايها الكأ س فلعلى لا القاك بعد عامى هذا

حتى يأذن الله لمصر باصلاح احوالها

وحتى يحدث ذلك

سلام منا

لمصر



25 تعليق:

  • ريهام

    السلام عليكم
    ازيك يا حسام ومبسوطه اوى انى اول واحده اعلق على موضوع احتفاليه المنتخب دى ودلوقتى بس عرفت ليه مدونه من مدوناتك اتقفلت مهو لازم بعد الكلام اللى بتكتبو ده انها تتقفل

    يامفترى كاتب عينى عينك الحراميه وكمان بالصور ؟
    عموما الموضوع هايل وعجبنى جدا ويشرفنى انى اعلق عليه فى مدونتك بس خف الشتايم شويه خليها فى الخفاء بلاش علنى كده

  • Hosam Yahia حسام يحى

    ريهام شكرا على المرور

    وان شاء الله اخف الشتايم المره الجايه

  • النجم القادم

    السلام عليكم
    حسام باشا
    ازيك عامل ايه
    ياعمنا فكك دول عاملين زى واخد مزنوق وعنده امتحان لما ربنا يكرمه وينجح
    خلاص فكك هم عملوا كده فى البطولة عمالين يصلوا وكده ولما خلاص خدوها بيرقصوا ويغنوا مع نانسى حسبنا الله ونعم الوكيل فى الناس الا عاوزين يشوهوا صورة الاعبين المحترمين
    بس بالحق قولى ايه رايك فى الا عمله ابوتريكة انا سمعت انه اعتذر واستأذن عندما دخلت الفاشلة نانسى الا ارض الملعب مش عارف ده صح ولا ايه بس ده خبر قريته على الملتقى خير ان شاء الله
    والف مبروك ياعمنا

  • only spot

    السلام عليكم
    تعرف اننا شعب بيجرى ورى الهيصه والدوشه وخلاص وقله تتعد على الصوابع الى عندهم فكر بجد وللاسف من كتر حرق الدم ربنا يسترها عليهم
    الشعب تقريبا مغيب ولا مصاب بالبلاهه بالنسبه للقضايا الهامه بحياتنا يعنى متصوره افتح صفحة الرياضه بكره الاقى مظاهره لهرب السد العالى اقصد الحضرى وان الشعب والرئيس يستنكرو ذلك وتكون اول مظاهره يتحالف فيها الشعب مع الحكومه ماهم كده بيجو فى الهيفه ويتصدروا
    بجد اقدم اعتذارى للطريقه الهجوميه الى بتكلم بيها بس صعبان عليا ناس بتموت من الفقر والجوع وناس عندها تخمه من كتر الاكل والاحتفالات
    بالذمه فين التكافؤ الاجتماعى الى كان ياما كان فاقعنا بيه زمان
    خالص تحياتى

  • virus

    اذيك ياعم حسام

    ايه ياعم انتي بتحك في موضوع قدم ومات

    هو اه مش من زمان بس اتردم بالتراب

    وانت جاي تكلم عن علاء وجمال

    وزعلان من بنت عجرم الي قامت بالواجب

    يعمر حرام عليك ادعي ليها او عليها

    بس مش عاوزين نتكلم عليها علشان

    انت فهمني اكيد ........

    وانت عاوز تروح في دهيه ايه الحراميه دول اعمل نفسك مش شيفها وشلها

  • Hosam Yahia حسام يحى

    النجم القادم

    اولا شكرا على الزياره

    ثانيا احب اقولك ان ابوتريكه مشى فعلا من المنصه بعد مجيئها

    وذهب تجاه الجماهير

  • Hosam Yahia حسام يحى

    only spot

    شكرا على المرور

    واحب اقولك زى ما انتى قولتى

    ان هما بييجوا فى الهايفه ويتصدروا

  • Hosam Yahia حسام يحى

    vireus
    شكرا على التعليق

    انا عامل نفسى مش شايفها لغايه امته

    لازم نواجه الواقع

    انا لو منك هاخش فى موقع الحكومه الالكترونيه
    واضرب فيرس هناك

  • al_qassam

    بسم الله
    موضوعك حلو ياحسام ومتزعلش نفسك هنعمل ايه حسبى الله ونعم الوكيل
    ولعل الله يصلح الامه دى من جديد والاسلام يرجع زى زمان هنقول ايه..ربنا يهدى الجميع
    والله المستعان

  • Hosam Yahia حسام يحى

    al_qassam

    شكرا على المرور

    ولعل الله ييسر لهذه الامه مافيه صلا حها

    والى ان يحدث ذلك

    ندعوا الله ان يفرج عنا من الطغاه والمنافقين

  • مدونة المكتبيين بالمنوفية

    السلام عليكم ورحمه الله وبركاته
    بجد موضوع كويس اوي لانه بتعرضه فعلا بحقيقته وبكل اللي جواك لا خداع ولا نفاق ودي احسن حاجه في الزمن اللي بقي نادر ان حد يعرض حاجه في بلدنا ويقول رأيه فيها بصراحه لكن لازم يزيفها من عنده عشان خايف لكن بجد بسم الله ماشاء الله عليك
    وربنا يحفظك ويوفقك

  • سارة بندارى

    بجد أروع ما فى الحفلة دى

    خروج " أبوتريكة " البطل من الملعب

    مشيدا بهذا الموقف بعزة المسلم

    وفخره وانتماءه

    بجد موقف أثر فيا جامد

    نانسى مين وبتاع مين والناس نايمين

    بوست رائع يا حسام

    جزيت الجنة


    تحياتى

  • Hosam Yahia حسام يحى

    مدونه ا لمكتبيين

    شكرا جزيلا للمرور عندى

    والبلد محتاجه حبه نظام

  • Hosam Yahia حسام يحى

    شكرا ساره على المرور

    وانا معكى ان خروج ابو تريكه من الملعب يعتبر شعاع امل فى الرياضه المصريه

  • بنت الاسلام

    حسام والله معاك حق

    بس اذا كانت الامارات اول من فرح بيهم

    مش غريب ان نانسي تكون اول من غنالهم

    حتي افراحنا كترت علينا

    وبقوا غيرنا احق بيها

    معلش بقي

    برده الكاس الجاي

    هنفرحلهم

    ومن قلبنا

    عارف ليه انا مصري وابويا مصري

    ولاننا ملوك الجدعنة

    وسلم لي علي نانسي

    انا شكلي كدة هطالب بالجنسية اللبنانية وسحب الجنسية المصرية

    مابقالهاش لازمة ياجدع

    تحياتي لملاحظتك الهايلة



    لان

  • اسلام رفاعى

    مدونتك وموضعوك جمال
    مش جماا مبارك لا جميل وجميل يبقوا جمال
    المهم نفسى اطمن من حاجة قاقانى
    ابوتريكة فى الهيصة دى كلها كان فين
    واحمد فتحى كان فين
    هما الاتنينن دول اللى قلقنى
    ارجوك
    قولى سلوكهم كان ايه فى الحفلة دى

  • Hosam Yahia حسام يحى

    بنت الاسلام

    شكرا على المرور

    والحمد لله انا ملوك الجدعنه

    ولو خدتى الجنسيه اللبنانيه متنسينيش

  • Hosam Yahia حسام يحى

    اسلام الرفاعى

    شكرا على التعليق

    الحمد لله ابو تريكه خد نفسه ومشى قبل
    الموضوع اما يهيص

    بس مش فاكر احمد فتحى كان فين

  • سمية-بنت البنا-

    السلام عليكم ورحمة الله وبركاته


    كما يقولون سيدي ... شر البلية ما يضحك ..


    بلد فيها المتاقضات ..

    وياليتها في مصر عامة _سياسة_
    ولكن حتى في كرة القدم ..

    يلومون على الشريف اللالاعب الفاضل _أبو تريكة_ تركه للتكريم لوجود هذه التي تدعى نانسي عجرم ...

    ويكرمون من قبلوا لأنفسهم الاهانة والشبهات ...


    حسبنا الله ونعم الوكيل

    جزيتم خيرا

  • أنا إنسان

    نسوا الله فانساهم انفسهم

  • Hosam Yahia حسام يحى

    بنت البنا


    شكرا على المرور

    وفعلا

    كم ذا بمصر من المضحكات ولكنه ضحك كالبكا

  • Hosam Yahia حسام يحى

    انا انسان


    شكرا على المرور

  • mawhob

    "حسبى الله ونعم الوكيل"حرامية سرقناها ومبهدلنها وفضحنها.

  • مصر اللى مشفتهاش

    الانسان المحترم مبيناقدش نفسه .. واحد زى أبو تريكة ساب التهريج ده ومشى ..
    عامة انا اعتقد ان الاحتفال كان متعمد انه يغير وجهة نظر الشعب العربى كله عن المنتخب.. احنا كنا بدأنا ناخد عنه فكرة وحشة أوى وانهم ناس متدينين استغفر الله العظيم يعنى..بس الحمدلله جارى انقاذ الموقف من قبل الحكومة المبجلة ..

  • جسر الى الحياة

    بص يا ابنى البلد دى متلاقيش حد منصوف فيها الا لو كان لعيب كورة او الرقاصين عفوا الفنانيييييييييين
    يا سيدى ما تدقش يا ما دقت ع الراس طبول وربنا يورينا فيهم يوم


لو صندوق التعليق مش ظاهر ممكن تعمل ريفرش

next previous