المحليات : الأمل الذى سيتم تزويره







بعد نجاح الاخوان وفوزهم ب88 مقعدا فى مجلس الشعب اعتقد النظام بأنه لابد ان ينهى الاخوان او يصفيهم فقام بحمله اعتقالات كبيره قام فيها باعتقال 40 رجلا من كبار الاخوان ومفكريهم (ومموليهم على حد تعبير النظام ) وتستمر المحاكمه الى يومنا هذا متجاوزه سنه ونصف منذ بدايه المحاكمه ..


جدير بالذكر ان النظام أجل انتخابات المحليات قبلا حيث كان يخشى من اكتساح الاخوان للمحليات كما اكتسحوا مجلس الشعب مع العدد القليل الذى تقدم بالترشيح ..


وكان ايضا يريد ان ينظم اوراقه من اجل القضاء قضاءا باتا على جماعه تنتشر فى اكثر من سبعين دوله حول العالم ..


وكان من بشائر المعركه والتخطيط الجهنمى العبيط اعتقال الاخوان وتحويلهم الى المحاكم العسكريه


حيث كانوا يهدفون من وراء حمله الاعتقالات هذه الى الضغط على الاخوان حتى لا يتقدموا بطلبات ترشيح فى المحليات


لكن قرر الاخوان التحدى ونزول المحليات بقوه على حد تعبير المرشد العام للجماعه


ولكن الحكومه النظيفه من اى سجل للشرف ابت ذلك حيث منعت مرشحى الاخوان من الحصول على اوراق الترشيح فبدلا من تزوير الانتخابات كالمعتاد قامت بتجفيف المنابع


حيث منعتهم اصلا من التقدم باوراق ترشيحهم


ولكن ذلك لن يثنى الاخوان عن اكمال مشوارهم ولن نخضع ولن نستكن


وسنستمر فى حمله اصلاح شعبنا العظيم




وحتى تاتى ثمره ذلك المجهود ويتم الاصلاح باذن الله منا لمصر


الف سلاااااااام
لمزيد من الاخبار على موقع الجماعه الرسمى

20 تعليق:

  • محمد مارو

    حسام

    هما فعلا اجلوا الانتخابات لحد ما يقدروا يشموا نفسهم بعد الهزيمه الساحقه لهم

    و كمان ع اما امريكا تبطل كلام عن الحريه و الديمقراطيه و تتكلم عن الاستقرار زى الايام دى

    هما الان ناوين نيه سودا

    و ناوين انهم يزورا الانتخابات
    و ده امر مفروغ منه

    بس احنا نعمل اللى علينا و خلاص
    و نروح ننتخب برضه
    حتى لو انربنا او اعتقلنا

  • Hosam Yahia حسام يحى

    محمد مارو

    شكرا على المرور

    ياريت بس يقبلوا الورق الاول

    هما ماقبلوش الورق يعنى احتمال محدش يخشالاتخابات الا الحزب الوطنى بس!!!

  • ريهام

    السلام عليكم
    ازيك يا حسام ومعلش كان نفسى الحق اول تعليق لكن مارو دايما يسبقنى
    عموما الموضوع حلو ومهم كالعاده وجد جدا كالعاده وعن السياسه طبعا اللى انا متعقده منها وواخده منها موقف فى مدونتى
    بس عموما انت كل مواضيعك هايله ربنا يوفقك وبطل تعصب للاخوان شويه وفر شويه سياسه للزمن بلاش تطلع كل اللى عندك دلوقتى خلى فى عندك مخزون استراتيجى ( ايقون مبسوط شويه)

  • النجمة الصامدة

    حسبنا الله ونعم الوكيل

    ...

    هيهات هيهات يردعنا فعلهم عن الاصلاح

  • Hosam Yahia حسام يحى

    ريهام

    شكرا على المرور

    وانا مش متعصب للاخوان

    انا معتدل

    واتشرف انى من الاخوان

  • Hosam Yahia حسام يحى

    النجمه الصامده

    شكرا على المرور

    ومهما فعلوا لن يوقفوا دعوتنا

  • al_qassam

    بسم الله
    السلام عليكم
    بعد التحيه ياااااااحساااااااام عاوزاك تنتبه للدراسه وتخف شويه عن السياسه انتا يابنى لسه بترس وخايفه عليك يشدوك استنا اما تتعين هههههه
    بجد خف شويه او استنا اما الكل يكتب هتقول عليا هبله بس معلش اسمع الكلام وابعد شويه عن السياسه
    والعمر قدامك ياعم طويل
    تقبل مرورى
    وعلى العموم كلو تزوير فى تزوير بس متفقدوش الامل وحسبى الله ونعم الوكيل
    والله المستعان اكتنفيت بك ربى خير وكيل وشهيد

  • سمية-بنت البنا-

    السلام عليكم ورحمة الله وبركاته

    المدون الفاضل..حسام يحي

    بارك الله فيكم..
    دائما متميزون فيما تكتبون..


    نحن..لن ندع بابا شرعيا للاصلاح الا وسنطرقه..
    مهما كانت العواقب
    ومهما كانت النتائح..

    وسنسير علي طريق الخق ونعلي رايته..
    ولن نخشي في الله لومة لائم...

    فاللهم انصرنا واعلي راية الاسلام وثبتنا علي طريق الخق

    جزيتم خيرا

  • مدحت محمد

    انا فعلا عجبنى جدا لما سمعت ان الاخوان هيرشحو نفسهم وهم داخل سجونهم
    والاعتقال ده دليل قاطع انى مصر بتعانى
    من الديكتاتورية فى الحكم
    تحياتى

  • walaa

    مش عايزين الاخوان يدخلو اى انتخابات امال هما
    عملوا الدستور الجديد دول
    بيقولك لما بوش كان هنا فى زيارته الاخيييره لمصر
    عطى الضوء الاخضر ليهم للاخوان ومبارك طبعا كلب ليهم
    شغال اعتقال ليهم
    ومش هينحجوا صدقنى مينهم الا البهدله من عملاء امريكا
    وحيصل تزوير فى الانتخابات
    اذا كان شالوا القضاء من الاشراف يبقى فييين النزاهه
    تحياتى ولاء

  • د/اجدع بنوته

    ربنا يوفق كل م ف نيته خير لمصر

    تحياتى

  • د/اجدع بنوته

    ربنا يوفق كل م ف نيته خير لمصر

    تحياتى

  • صحفية روشة

    حسام كل حاجة فى البلد دى فيها انتخابات فيها تزير حتى لو كانت ملهاش لازمة اوى يعنى
    يعنى عندك منصب امينة المراة فى الحزب الوتنى عن حى واحد بس مش عن محافظة بقة
    اكن فى تزوير واستعانو بناس مش من الحزب الوتنى عشان يزودوا الاصوات ولحدة هما عاوزنها تكسب
    واقسم بالله انه حصل قدام عينى
    واتعرض عليا انى اعمل كدة رغم انى مش منتمية للحزب الوتنى
    لكن انا مش بتاعه الكلام دة
    انا مبعش دماغى لحد

  • Hosam Yahia حسام يحى

    كتائب القسام

    شكرا على المرور

    وانا ماجبتش سيره السياسه لسه

  • Hosam Yahia حسام يحى

    سميه بنت البنا

    شكرا على المرور

  • Hosam Yahia حسام يحى

    مدحت محمد

    شكرا على المرور

  • Hosam Yahia حسام يحى

    اجدع بنوته

    شكرا على المرور

  • Hosam Yahia حسام يحى

    صحفيه روشه

    شكرا على المرور

  • Hosam Yahia حسام يحى

    walaa

    شكرا على المرور

  • Abd El-fatta7

    السلام عليكم

    سعادتك نورت مدونتي

    اول زيارة عندك ليبهرني التميز الجميل لمدونتك " نفس التيمبلات احنا الاتنين "

    بالنسبة للانتخابات فهي البشاير هلت من الشوري وقبلها التعديلات الدستورية والغاء الاشراف القضائي وغيره

    ربنا يستر لان لما هم بيعملوا كده في وقت الترشيح ح يعملوا ايه ايام الحملات وح يعملوا ايه يوم الانتخابات


    الله حسبنا ونعم الوكيل


لو صندوق التعليق مش ظاهر ممكن تعمل ريفرش

next previous