ظاهره غريبه تجتاح عالم التدوين !!!!! اوقفوها أرجوكم ..غروب المدونات







لحظه غروب المدونه

انا ما كنتش مخطط لكتابه هذا البوست لكنى فوجئت بأمر ما جعلنى اكتبه
اكتب هذا البوست وانا مندهش من انسحاب بعض المدونين من عالمهم التدوينى بدون ابداء اسباب


انا فعلا مش عارف بيفكروا ازاى لما يعملوا الحركه دى بيكون قلبهم فين


هل سهل انك تسيب مدونتك كده ......حتى بأى اسباب مهما كانت قويه


انا مش عارف ..


انا عن نفسى فكرت اسيب المدونه واحذفها بس ما اتخيلتش نفسى بدون مدونتى فاضطريت اسيبها ..


انا جاى اعزيكم فى بعض المدونات كنت حاببها جدا ولقيت اصحابها قطعوا التدوين فيها




مدونه احلام ضائعه ( مدونه اكثر من راااائعه ) للا سف انقطع التدوين فيها


مدونه جمهوريه نفسى


مدونه تراااقيعو


وغيرهم من المدونات الكثييييييييييير

لكنى عن نفسى اعاهد الله انى لن اترك مدونتى باختيارى مهما كلفنى ذلك ابدا
ولو وضعوا الشمس فى يمينى والقمر فى يسارى لن اترك ايضا مدونتى
مدونتى هى سعادتى
انا لله وانا اليه راجعون
**********************************************

تحديث
قررت مدونه احلام ضائعه العوده الى الحياه فى العالم التدوينى والرجوع عن القرار
السابق بترك التدوين

وقررت مدونه اطلال قصر الرئاسه العوده للحياه ايضا


26 تعليق:

  • Abd El-fatta7

    السلام عليكم

    اول تعليق :)

    حاجة محزنة فعلا لما ناس تسيب مدوناتها بس مش كل الناس اكيد سابتها بسهولة

    ممكن ناس كان عندها اسباب

    او ناس كانت شايفاها مرحلة في حياتها وعدت

    عموما انا مش متخيل نفسي من غير تدوين مع اني لسه مبتدئ

    ربنا يثبتك وينفع بمدونتك

    تحياتي

    عبدالفتاح

  • مروة جمعة

    صباح الورد
    والله يا حسام معاك حق جدا
    هي ظاهرة مُحزنة بكل المقاييس
    خاصة لما أصحاب مدونات متميزة يعتزلوا
    أنا كل ما أسمع وأشوف حد اعتزل التدوين.. بازعل جدا
    معلش!
    خير إن شاء الله
    هي لسه ما تطورتش إلى حد الظاهرة
    تحياتي

  • Hosam Yahia حسام يحى

    عبد الفتاح

    شكرا على المرور

  • Hosam Yahia حسام يحى

    مروه جمعه

    شكرا على المرور

  • al_qassam

    ردا على الاشاعه الى طالعه دى ومليه البلد
    انا لم اقرر ترك التدوين اساسا حتى ارجع عن قرارى هذا كل الحكايه انه لدى بعض المشاكل واتمنى من الله الا يدمها وشكرا على الاشاعه ياعم حساااااام

  • ذو النون المصري

    انا ايضا ارتبطت بعدد من المدونات لكن بعضها للاسف اغلق مدونته الي غير رجعه فيها مدونات لم تذكرها في موضوعك و برضه مش متصور سبب الانقطاع عن التدوين
    فالتدوين لا يكلف اي تكاليف سواء في الوقت او النفقات
    فلماذا الانقطاع؟؟؟؟؟

  • بنت الاسلام

    ربنا يهدينا جميعا

    ويصلح احوالنا

    ونقدر بشجاعة نتغلب علي كل اواجعنا


    اللهم امين

    تحياتي

  • A.SAMIR

    توارد خواطر دة ولا ايه؟
    والله كنت بافكر في الموضوع دة فعلا
    تلاقي كل يوم مدونة ولا اتنين قفلوا
    حاجة غريبة جدا
    طب ليه؟
    تحياتي على هذا البوست الرائع

  • خبيب

    الله أعلم بظروف الناس

    وربنا يعين الجميع ويقويهم

    لكن المدونة ..

    دعوة

    ورسالة

    يا حبذا لو نحافظ عليها

  • النجم القادم

    السلام عليكم

    سمسم

    ازيك عامل ايه كله تمام الحمدلله

    بص بقى يا عمنا التدوين يعد وسيلة من الوسائل التى من خلالها يعبر الفرد عما بداخله وعما يدور بجانبه وحواليه تمام
    فان انقطع عن التدوين فانه سيكون لسبب ما لا يعلمه الا هو والله عزوجل

    فيكون لانه لايرى انه يقدم جديداً
    او انها وسيلة استخدمها من اجل ايصال فكرة وخلاص وجد ماهو افضل منها

    ربنا يعزك ويوفقك الى مافيه خير لنا ولامتنا

    وايه ياعمنا فين شغل المحليات انته مش متابع ولا ايه

  • د/اجدع بنوته

    وكمان رئيس جمهورية نفسه

    رجع للتدوين تانى الحمدلله

  • Hosam Yahia حسام يحى

    al-qassqm

    اتمنى ان هيا تكون اشاعه فعلا

  • Hosam Yahia حسام يحى

    ذو النون المصرى

    شكرا على المرور

    انا اظن ان اللى يسيب مدونته بيسيبها مش عشان النفقات ولا الوقت

    بيسيبها لان عنده مشااكل

  • Hosam Yahia حسام يحى

    بنت الاسلام

    شكرا على المرور

    ياااااااااارب

  • only spot

    منكرش انى جربت اسيب مدونتى بس مقدرتش بس احيانا الواحد بيحتاج اجازه من التدوين فتره كده ويرجع تانى للتدوين والعالم الى بجد حبيته جدا ولاقيت فيه نفسى
    خالص تحياتى

  • Hosam Yahia حسام يحى

    a-samir

    شكرا على المرور

    وان شاء الله مش ها خد منك مقال بعد كده

    هههههههههه

  • Hosam Yahia حسام يحى

    خبيب

    شكرا على المرور

  • Hosam Yahia حسام يحى

    النجم القادم

    شكرا على المرور

    عن المحليات

    انا متابع ولسه البوست اللى فات كان عن المحليات

    والتاج بتاعك لازم اجاوبه بس قدام شويه ان شاء الله

  • Hosam Yahia حسام يحى

    د\ اجدع بنوته شكرا على المرور والمعلومه

    انا حدثت الموضوع وقلت ان مدونه جمهوريه نفسى رجعت تانى

  • Hosam Yahia حسام يحى

    ONLY SPOT

    شكرا على المرور

    وانا عن نفسى فكرت فى ترك المدونه

    بس ماقدرتش

  • ريهام

    اسفه ياحسام على التاخير فى الرد وانى مكنتش متابعه مدونتك الايام اللى فاتت بس ده بسبب النت عندى
    عموما انا معاك فى رايك وان صعب اسيب مدونتى لانها اصبحت جزء مهم اوى فى حياتى ومقدرش اتخلى عنها ابدا يمكن بس اخد اجازة مؤقته لكن لن اعتزل التدوين
    ويارب الناس اللى بتقول هتتوقف عن التدوين ترجع تكتب تانى لان اكيد مدونتهم ليها دور مهم فى حياتنا لان دى صوتهم وصعب حد يكتم صوته للابد

  • Hosam Yahia حسام يحى

    ريهام

    شكرا على المرور

    وانا اتفق معاكى فى كل كلمه قولتيها

  • سما الإسلام

    احم احم
    علي فكرة أحيانا بتكون الأسباب قوية جدا
    بس فيه ناس أعرفهم (ناس كده أعرفهم من بعيد...ها؟ ) رجعوا تاني الحمد لله
    بس أوقات بجد بتكون الظروف قهرية
    و بيرجعوا برضه لظروف قهرية
    بس الظروف اللي بيرجعوا بيها عادة بتكون من نفسهم اللي اتعلقت بالتدوين و مش قادرة تسيبه
    بس حقيقي بتفرق
    يعني لو مسحت مدونتك يو م واحد بس و بعدين رجعتها تاني
    بتحس احساس غريب
    مش بيحس بيه غير اللي جربه

    عموما
    جزاكم الله خيرا
    ماتحطش ايدك في عش الدبابير تاني
    ها؟

  • Hosam Yahia حسام يحى

    سما الاسلام

    شكرا على المرور

    وحاضر معدتش هحط ايدى فى عش الدبابير تانى

  • على الزيبق

    ربنا يأخذ الظالم واعوانه
    يا جبار يا جبار خلص مصر من الأشرار

  • Hosam Yahia حسام يحى

    على الزيبق

    شكرا على المرور


لو صندوق التعليق مش ظاهر ممكن تعمل ريفرش

next previous