الاخوان والنظام الرشيد








يؤلمنى كثيرا ما يحدث لشعبنا العظيم وما يحدث خصيصا لجماعتى من ضربات امنيه

متلاحقه من النظام المصرى ولن تكون المحاكمات العسكريه الضربه الاخيره ..........

لكن المنى اكثر صمت قيادات الاخوان على هذه الضربات المتلاحقه مع ان شباب الاخوان

او اغلبيتهم الكاسحه يتحمسون لاى رد من جانبنا

ويتساءلون لماذا ندير للنظام المصرى خدنا الاخر ليضربوه بعد كل ضربه يوجهوها لنا

اتساءل لماذا لا نتحرك : أنحن أضعف من ذلك

قال الامام حسن البنا : يجب علينا ان لانتعجل ثمره دعوتنا وأنتم تقولون ذلك لكن اذكركم

بأن الشهيد حسن البنا قال ذلك منذ اكثر من خمسين عاما فى بدايه تأسيس الاخوان كانت

الثمره لم تنضج فعلا لكن الان اظن انها نضجت وحتى وان لم تنضج الان فانها لن تنضج ابدا

نظرا لان الاخوان قد وصلوا لقمه ما تصله الجماعات وبدأت طور التراجع اتساءل متى

تنضج الثمره !!!!!

لماذا لم يعد الاخوان ينزلون الى الشوارع (مظاهرات وغيرها)ا

هل ذلك ملاينه لتخفيف الحكم على المحالين للمحاكمه العسكريه

ام انها خوفا من ضربات جديده

ام انها (سياسه وأنها لسه صغير ومش فاهمها ) كما يقول لى احد معارفى كلما واجهته بسؤال من تلك النوعيه

يجب ان نعيد حساباتنا فى التعامل مع جميع الاطراف التى نتعامل معها

انا لا اطالب بثوره من الاخوان على النظام

لكنى اطالب بمقابله ضربات النظام بضربات منا تجاهه وليس اداره الخد الاخر له ............

لقد انتهت لعبه المحليات قبل ان تبدأ وبدا ان النظام سيحل مشكله الانتخابات وفضائح


التزوير المعلنه امام العالم بسياسه المنع من المصدر

ويرد عليهم احد قيادتنا باننا نستخدم سياسه النفس الطويل .......أؤكد أن نفسنا اتقطع ولم نعد نطيق الانتظار

20 تعليق:

  • أسامه جابر

    أخى الحبيب ليس الشباب صغار كما ذكرت لكننا بفضل الله كبار وجميل تلك الحماسه الطيبه
    اما عن صمت القيادات فهو ليس صمت او توجيه الخد الاخر يعتدى عليه . لا ياخى
    فليس الاخوان من يصمتوا او يركنوا لكنه الهدوء الذى يسبق العاصفة . وياحبيب قلبى لم تكن الدعوات والرسائل لها شأنا الا بالصبر العظيم والسعى الحسيس وما أصابت قطرات المياه الصخره الا باستمرارية السقوط . فابشر اخى ونحن الشباب كما ربونا اساتذتنا وقبلهم الاسلام وقدوتنا العدنان
    بالمرصاد للباطل فى كل مكان وهو قريب
    اما من قال لك انت صغير فهو معيب اشد العيب لاننا نحن الشباب والشباب هم نبض كل دعوة ورسالة بل كل امة وبدونهم تسقط وتنهار الامم التى لا تملك شباب نابض طامح نسأل الله ان نكون منهم
    أخوك / أسامه جابر

  • Hosam Yahia حسام يحى

    اسامه جابر

    شكرا على مرورك

    لكن الصبر خلاص معدش ليه حدود

    احب ان ابشر حضرتك انه لاتكون هناك اى عاصفه ولا اى شئ

    لكن ننتظرها ان حدثت

    تحياتى

  • آفاق الحرية

    السلام عليكم
    بالرغم اني من شباب الاخوان الا اني دائما ما اعترض علي الاخوان في هذه النقطة
    يمكن لو قرأهذه التدوينة احد من قيادات الجماعة هينزعج كثيرا لكن للاسف هي ده الحقيقة
    بس ليس امامنا الا ان ننتظر ما سيحدث
    هل فعلا سنظل ندير خدنا الايمن بعد لطم الايسر
    ام سندير بعد ذلك رقابنا للسيوف
    ليس امامنا الا الانتظار والمشاهدة
    تحياتي

  • دعاء مواجهات

    أحييك طبعا ع شجاعتك وربنا معااك ومعاانا هنقوول إيبة يااارب

  • Reham Mahmoud

    بجد برافو عليك
    على موضوعك الجميل
    بس يارب الناس تعمل بيه
    يارب
    يارب
    تحياتى
    ريهام

  • Hosam Yahia حسام يحى

    افاق الحريه

    شكرا لمرورك

    ويارب حد يستجيب

    وبلاش الملاينه دى

  • Hosam Yahia حسام يحى

    دعاء مواجهات

    شكرا لمرورك

  • Hosam Yahia حسام يحى

    reham mohamed

    شكرا لمرورك

  • مدحت محمد

    عاجبنى حبك وحماستك ياحسام
    جدا
    وعاجبنى رفضك
    وعاجبنى الاغنية
    اه والله
    ربنا يكرمك ياحسام
    ولو انت صغير
    مكنتش هتحس باللى بيحصل حواليك
    انت كبير اوى
    تحياتى ليك

  • Hosam Yahia حسام يحى

    مدحت محمد

    شكرا على المرور

    ايه ياعم انتا هتحسسنى بانى كبييييييير

    ولا ايه

    عموما

    جزاك الله خيرا

  • الـــصـــــارم

    صديقى - حسام يحى
    اهلا بيك واتشرفت بمعرفتك جدا
    طبعا انا اتمنى انك متزعلش من نقدى - كلنا نخدم فكر الحرية - عشان كدى المفروض منزعلش ابدا من النقد طالما انوا بعيد عن التجريح -
    نخش فى موضوعنا
    انتا يا حسام متالم عشان خاطر الاعتقالات اللى بتزيد دايما فى التطورات السياسية - بس انا عايزك تبص على اللى عملتوا حماس - قتلوا اخوة من فتح - خونوا فتحاوين - مش بس كدى - دول قاوموا مظاهرات لفتح بعد صلاة الجمعة - يعنى لو هنحلل الامر - هنلاقى - ان الاخوان المتمثلة فى حماس قتلت ومعملتش حتى محاكمة عسكرية اللى هيا مزعلا الاخوان - انا طبعا ضد المحاكمات من النوع دا
    وبعدين عازين يفتحوا صفحة جديدة مع فتح - مش كانوا خونة - ؟ عجبى
    - يبقا فين الحرية - اللى الاخوان بيدعوها ؟؟
    بس فية حاجا عجيبة قرتها منك اعتقد انها زلة لسان -
    او اغلبيتهم الكاسحه يتحمسون لاى رد من جانبنا
    طبعا اكيد الاخوان ماعلنوش دولتهم - صح ولا لا- اكيد هوما مسالمين زى ما بيقولوا - اكيد مبيحبوش انهم يتهوروا زى بتوع فلسطين - ولو عملوا كدى - اكيد هيلاقوا رجالة مصرين يردوا عليهم من الشعب نفسة - مصر تقدر تحمى نفسها من اى تهديد داخلى او خارجى
    *بص يا حسام فية كلام خطير جدا انا قريتة فى تدوينك دى - كلام اعتقد انوا طلع فى وقت غضب مش اكتر - انت لسا صغير
    اتمنى تراجع كلامك -
    اتمنى لك حياة سعيدة -
    تحياتى

  • Hosam Yahia حسام يحى

    الصارم

    شكرا على مرورك اولا

    بس احب اوضح لك انك فهمت كلامى غلط

    اولا انتا بتبص على حماس وكانها هيا قتلت ناس من فتح

    الاتعلم ان فتح قتلت العشرات من حماس

    وعذبت الالاف فى سجون الامن الوقائى

    وتقول بانهم ضربوا مظاهرات فتح بعد الجمعه

    لولا ان مفيش صور فى التعليق كنت اجيبلك شويه صور عن الفتحاويين وهما بيسمعوا خطبه الجمعه اياها

    كانوا بيعملوا ايه كان في منهم ناس بتشرب سجائر

    وبعدين حماس ضربتهم وفتح مابتعملش حاجه خالص

    حماس اللى وحشه بتضرب بتوع فتح من غير سبب
    وانته بتقول انا غلطت فى كلمه اللى احنا مستنين رد من جانبنا اى من جانب الاخوان

    وبتقول انتوا مش دوله عشان تردوا
    انا قلت عايزين نعمل ثوره انا مقلتش كده ونافيه فى المقال
    اقراه تانى
    انا باطالب برد رسمى مظاهرات مثلا

    وانتا بتقول ان فيه ناس هتتصدى لنا لو فكرنا نعمل حاجه ومصر هتحمى نفسها من اى تهديد داخلى

    احب اطمنك ان مافيش اى تهديد داخلى غير حسنى مبارك والنظام بالكامل والناس اللى زى حضرتك طبعا اللى مصرين على ان الاخوان ناس من الفضاء جايه تعيش فى مصر
    احنا من مصر
    واجدادنا من مصر

    وموضوع اللى احنا خطر على الامن القومى
    انا أفضل اللى انا متكلمش فيه لانى هالخبط لو اكلمت فيه

    تحياتى من القلب

  • elmancy

    السلام عليكم
    أحب أبشرك انا كمان إن بقى مفيش أمل أى حاجة تحصل بس ما علينا ماهو الرد إللى حضرتك منتظره من الإخوان ضد النظام هل هو محاربة النظام والبلد تتقسم إتنين وحرب أهلية و
    إللى مايشترى يتفرج ولا إيه بالظبط
    موضوعك جامد ياحسام بس بشوية صبر ممكن يتحقق مش بالعافية أى نعم الصبر طال بس قرب آلا إن نصر الله قريب
    وعلى ما أعتقد إن العنف مش من سمات الإخوان وكمان مش هاينفع مع الشعب ولا الحكومة المصرية

  • جيلان

    حساااااااااااام
    اعمل فيك ايه بس
    هو انتا مش نقصك انك تروح ورا زحل عاوز تودى بقيه الناس ورا بلوتو
    ارحمناااااااااا بقه وارحم نفسك
    عاوز تقوم الدنيا وانتا الى هتروح فيها
    اقلك على حاجه حلوة
    اكتب الى عاوز تكتبو وانا مش هعلق ومعرفكششششششششش
    جيلاااااااااااااان

  • Hosam Yahia حسام يحى

    elmansy

    شكرا لمرورك

    وطبعا العنف مش من سمات الاخوان

    انا لا اقصد الثوره كما اشرت فى المقال انا اقصد الرد عليهم بالمظاهرات مثلا

  • الـــصـــــارم

    اتفضل يا حسام الفديوا دا
    http://wwwyoutube.com/watch?v=HMHfjDsN1jo&feature=related
    دا فديوا صدتة حماس لكن اتنشر وياريتة متنشر
    ودا كمان
    http://news-all.com/sys.php?name=sanc&file=topic&sid=14846
    وعايزك تشوف دا
    http://www.youtube.com/watch?v=HqXiaXj6niw

  • Hosam Yahia حسام يحى

    جيلان

    شكرا على مرورك

  • الـــصـــــارم

    معلش فية رابط اتكتب غلط
    http://www.youtube.com/watch?v=SrZwTnQjozE


    الفديو دا فى جباليا

    http://www.youtube.com/watch?v=56_bFU1DT_8

    لو عايز اكتر ابحث على ايوتوب

  • ابو مفراح

    السلام عليكم
    اخى الكريم
    اعتقد بان هناك الكثير من النقاط التى اتفق معك فيها .

    و ارى ان هناك فعلا من الامور العظيمه التى نستطيع ان نفعلها ولا نقوم بها فى علاقتنا مع النظام.

    و لكن اريد ان اعرفك شىء بان القرارات السياسيه لها من الايجابيات و لها من السلبيات فوجهه نظرلاك لها ايجابياتها الكثيره و لها ايضا سلبياتها و الامور تدور حول اتخاذ القرارات و ليس اتخاذ التوجه


    تحياتى ابو مفراح

  • Hosam Yahia حسام يحى

    ابو مفراح

    شكرا لمرورك الكريم

    اتمنى من كل قلبى ان تكون تلك السياسه التى نسير عليها فى تعاملنا مع الحكومه تكون سياسه صحيحه

    تحياتى


لو صندوق التعليق مش ظاهر ممكن تعمل ريفرش

next previous