نفرتيتى وجمال مبارك








اثناء قراءتى لهذه القطعه المقرره علينا والتى تتكلم عن الملكه نفرتيتى .. هذه القطعه مقرره علينا فى ماده الفرنساوى


طبعا هتقولولى انتا ماجبتش التايهه وماقلتش جديد

ايه يعنى اما القطعه تكون مقرره عليكم وتكون بتتكلم عن الملكه نفرتيتى

الجديد اللى وقفنى وانا باقراها ان هذه القطعه تتكون من خمس اسطر وتتحدث عن الملكه نفرتيتى ولم يرد بها ذكر زوجها (الملك الاصلى )اللى نفرتيتى خدت لقب الملكه لزواجها منه الا فى نص سطر ..حيث ذكر اسمه فقط (امينوفيس)


طبعا احنا بنتكلم عن الفراعنه فى الكتب كتاريخ لمصر القديم

لكن جه فى بالى ساعتها

ان الاجيال اللى جايه هتقول علينا ايه هل هيذكروا قطعه فى كتاب الفرنساوى عن جمال مبارك او سوزان وييجى نص سطر عن حسنى مبارك فوق البيعه

وييجى واحد زييى يكتب بوست يستغرب فيه ان سوزان او جمال اللى جه اسمهم ومبارك (الملك) ماجاش اسمه الا فى نص سطر


ياترى ايه اللى هيكتبوه عننا بعد 100 سنه

هيكتبوا ارتضينا بالظلم

ولا هيكتبوا اننا كنا رجاله وعملنا اول اضراب شاركت فيه كل طوائف الشعب يوم الاحد
6 \ 4 \ 2008


الصراحه مش عارف

43 تعليق:

  • رحاله

    ههههههه
    والله حلوة ياحسام
    ربنا يكرمك
    الى مزعلنى غعلا هو محاضرة الاقتصاد دى
    يلا خير
    تقبل تحياتى

  • مدحت محمد

    هيكتبو اهم دول اللى خرجو الشعب عن شعوره
    وجابولهم كل الامراض المستعصية والغير مستعصية ههههههههه

    هيكتبو ايه يعنى
    غير كدة
    التاريخ مبيكدبش ياحسام
    تحياتى

  • يورو

    التاريخ كتب عن جمال عبد الناصر فضله فى انه يخرج الانجليز من مصر
    وفضل السادات فى انه يخرج اليهود
    اما بقى عن مبارك وعائلنه
    اما هيكتب انه خرج المصرين من مصر

    او فعلا هيكتب اننا كنا رجاله ووقفنا مع بعض كلنا وقفة رجاله

    بوست جميل يا حسام
    وبيحمل رساله يارب توصل لكل الناس

    تحياتى

  • Hosam Yahia حسام يحى

    رحاله

    شكرا على مرورك

    فين الاقتصاد ده

  • Hosam Yahia حسام يحى

    مدحت محمد


    شكرا على مرورك

    ممممممممممم

    ربنا يرحمنا منهم

  • Hosam Yahia حسام يحى

    يورو

    شكرا على مرورك


    اظن انه هيكتب انه قد يخرجنا عن مصر

    ويمكن يخرجنا من الحياه خاااالص

  • بسمة ولكن..

    موضوع حلو اوى ياحسام
    بس المشكلة ان الناس فقدت الامل ف كل حاجة واى حاجة ولما اتكلمت مع ناس كتير ف الموضوع ده ظهرت على وجوههم البلاهة واليأس جزء منهم قال اننا المفروض نستغل فرصة ان المواصلات هتبقى فاضية وننزل احنا
    والجزء التانى كان رأيه اننا مهما عملنا محدش هيستجيب
    كل ده حلو وعندهم حق فيه بس على الاقل لما تجى لنا الفرصة نعترض مدام هو ده اللى باقى لنا

  • Hosam Yahia حسام يحى

    بسمه ولكن

    شكرا لمرورك

    انا معاكى طبعا

    ان كل فرد يستغل الفرصه دى

    وينزل الشوارع من غير زحمه
    ههههههههههه

    باهزر طبعا
    يارب الشعب كله يشارك

  • وومن

    برافو يا حسام كل مرة بتثبتلي وجهه نظري إن شاء الله مستنيك مستقبل هايل ربنا يحميك يارب

  • *سمر*

    لء ان شاء الله هيكتبوا ان احنا عملنا اضراب ..وعملنا اللى احنا عايزينوا ..وانتصرنا على الظلم و الفساد بارادتنا ..

    جميل اوى عرضك لموضوع الاضراب ..عرضته بطريقة مختلفة ..
    الى الامام دائما ان شاء الله

  • *سمر*

    http://wa7di-ofakker-137.blogspot.com/

  • Hosam Yahia حسام يحى

    وومن


    شكرا لمرورك

    اه والنبى (قولوا لا اله الا الله )ا
    ادعيولى بموضوع المستقبل وانا مش هنساكم

  • Hosam Yahia حسام يحى

    سمر

    شكرا
    لمرورك

    ولاشادتك مع ان فيها مبااااااااالغه كبيره


    بس مقبوله

    ههههههه

  • فزلوكة

    لو عملنا حاجة يوم 6\4 مش هيكتبوا عن جمال خالص

    لو فضلنا زى ما إحنا ومعملناش حاجة
    هيذكر التاريخ إن كان فى ناس مادفعوش عن
    آدميتهم

  • Hosam Yahia حسام يحى

    فزلوكه


    يارب التاريخ يذكرنا كعظماء

    والاضراب يتعمل بالصوره المطلوبه

  • ريهام

    ازيك يا حسام ليه بس عاوزنا نسبق الاحداث وعموما احنا مش هنكون موجودين عشان نقرا اللى هيتكتب عن جيلنا كمان 2000 سنه هنكون ارتاحنا الراحه الابديه بقى اهو احسن من القرف اللى احنا عايشين فيه ومتهيالى هيكتبوا اهو دا الشعب اللى مبارك جوعوا ومات من القهر

  • انا مسلمه

    اولا هنقول ان مادة الفرنساوى دى كانت مادة رخمة جدااااا
    لا بجد ممكن يقولوا ان الوقت اللى فكر الشعب يعمل فية اضراب ظهر كتير من المشككين فى نية الاضراب او بوجة اخر خايقفين يتعمل بطريقة بزرميطة
    ونصف الشعب لغاية دوقتى حيران هيضرب ولا لا انا نفسى موش عارفة

  • walaa

    والله يا حسام فعلا الناس عايزه تبقى ايجابيه بقه وكفايه سلبيه
    اما هيكتبوا عنا ايه هيكتبوا اللى احنا اكتر شعب سلبى مر بالتاريخ
    تحياتى ولاء

  • وائل المصري

    السلام عليكم

    الشعب المصري لا يرضي بالظلم والاحتجاجات والاعتصامات دليل علي هذا ..
    نطالب بحقنا في ظل حكومة مننا بحزم ولكن لا يتطور الامر الي احداث صراع داخلي لاننا في رباط الي يوم الدين ..
    التاريخ المصري بة الكثير من الاحداث المهمة ولكن اننا ممكن ان ننظر في جانب واحد فقط والتاريخ لكي تعرف معظم الحقيقة محتاج قرائة الكثير من الكتب وليس فقط قطعة صغير .. موجودة لغرد ما ..
    ويوم 6 يوم للاضراب في مصر لمن يحب ان يشارك
    وتحياتي

  • رُدَّ إلى َّ روحى

    ما شاء الله جميلة خالص

    هههههههههه

    ربنا يكرمك ياااااااارب

  • Hosam Yahia حسام يحى

    ريهام

    شكرا لمرورك


    لازم نعرف هيقولوا ايه

    فضول بس يعنى مش حاجه

  • Hosam Yahia حسام يحى

    انا مسلمه


    انا ضد الاضراااب

  • Hosam Yahia حسام يحى

    walaa

    شكرا لمرورك

    التاريخ من حقه يكتب اللى هوا عايزه

    ههههههههههه

  • Hosam Yahia حسام يحى

    وائل المصرى

    شكرا لمرورك

  • Hosam Yahia حسام يحى

    رد الى روحى

    شكر لمرورك


    وربنا يوفقك

  • خبيب

    ممكن يكتبوا زي ما كانوا بيكتبوا أيام التتار ..

    عن المرأة التترية اللي أوقفت أربعة رجال مسلمين وأمرتهم بالنوم على الأرض فناموا ثم أخذت حجرا وشدخت به رؤسهم جميعا !!!!

    وكان من الممكن أن يكتب التاريخ أن قتلوا مجاهدين ، لكن مصيرهم كان كما قرأت !

    ---

    لكن صدقني لو اتحركنا ، فأمثال اللي انت قلت عليهم لا مكان لهم في متن التاريخ ، بل يعيشون على حاشيته

  • Hosam Yahia حسام يحى

    خبيب
    شكرا لمرورك

    وان شاء الله مش هيكتبوا كده

  • آفاق الحرية

    السلام عليكم
    ان شاء الله ميجيش اليوم ده
    ان شاء الله ييجي اليوم اللي يقولوا ان كان فيه واحد اسمه جمال كان عايز يحكم لكن الشعب مرضاش بيع
    انا عارف انه حلم لكن يارب يتحقق

  • Hosam Yahia حسام يحى

    افاق الحريه

    شكرا لمرورك

    يارب يجيب الكلام دا

    بس اظن ان ده مش هيتحقق الا فى المشمش بس

  • ammar

    هههههههههههه
    مش هايقولو حاجه
    لو حد افتكر ان ده يوم مهم
    او حد كتب عنه فى التاريخ
    يبقى ليك الكلام
    هابقى اقابلك فى الفردوس بقه ان شاء الله ..التجمع الاول ..وهافكرك
    ربنا يجمعنا فيها
    اميييييييييييين

  • Hosam Yahia حسام يحى

    عمار

    دايما متاخر كده

    بس ماشى ابقا اقابلك ان شاء الله فى الفردوس الاعلى

    ويكتبوا عنى اللى هما عايزينه

  • tamooh

    التاريخ لا ينسى
    سيذكر كل شئ.. الظالم والمظلوم
    وصدقنى .. لو ينساه التاريخ يرحمه

  • monaliza

    لولا ماهو تاريخ كنت هقول طبعا محدش هيفتكر الحقبة الزمنية دى خالص
    بس مين عارف
    بس اللى انا واثقة منه انهم اكيد هيكتبوا اسمه لاسباب كتير احنا كلنا عارفينها

  • شهيدة

    المشكله ان اجيالنا احنا هيفتكروها بايه

    اما مبارك وسوزان .. مش هيتكتبوا اصلا الا في خانه اسؤ حقبه في حكم مصر

    اشكرك على الزياره

    شد حيلك

  • Hosam Yahia حسام يحى

    طموح

    شكرا لمرورك

  • Hosam Yahia حسام يحى

    Monaliza

    شكرا لمرورك


    والتاريخ مابينساش اى حاجه نهائى

  • Hosam Yahia حسام يحى

    شهيده

    شكرا لمرورك

    ان شاء الله التاريخ يقول عننا انا كنا

    عظماء

    بس مش عارف هيقول عظماء فى ايه

  • روينا

    الظاهر ان الناس لما تكبر بتبتدى تخاف
    يعنى ماشاء الله انت ومدونه اخوانى حتى النخاع سنكم صغير بس رجاله
    مدونتك جميله دى اول مشاركه ليا وان شاء الله هتتكرر
    اهو الاضراب خلص وللاسف الحال على ما هو عليه

  • Hosam Yahia حسام يحى

    روينا

    شكرا على مرورك

  • أنا إنسان

    لا
    هايكتبوا ان شعب مصر نام 89 سنه
    وصحي بعدها
    بس الاخوان ماكنوش من اللي صحوا الشعب
    !!!!!!!!!!!!!

  • Hosam Yahia حسام يحى

    انسان

    ماشى ياعم الاخوان مصحوش حد

  • دعاء مواجهات

    كلام جميل كلام معقوول

    بس فين الحقووق

    ابقى قابلنى......

  • Hosam Yahia حسام يحى

    دعاء مواجهات


    مش مهم حقوق


لو صندوق التعليق مش ظاهر ممكن تعمل ريفرش

next previous