اجيال الحراميه تثبت انها قادره على التغيير والتظاهر







صوره جميله فكرتنى بفلسطين


ده بوست نشرته قبل كده

وفعلا اجيال الحراميه (نظرا لانهم اولاد الحراميه الاوائل بتوع السادات )عملت اضرابات تانيه


يعيش الحراميه واولادهم واولاد اولادهم

صوره من احداث امس



عندما ثار الشعب فى عهد السادات بسبب غلاء اسعار السكر والزيت سمى السادات هذه الثوره بثوره الحراميه
لكن عندما سيثور الشعب (ان شاء الله) فى عهد مبارك ماذا سيسميها




ثوره حراميه فى كى جى تو (لانهم مقدروش يعملوا زى الحراميه بتوع السادات)

اولاد الحراميه (نظرا لان اباء الثوار كانوا الحراميه ايام السادات)

ثوره قام بها مجموعه من مختلى العقول من ابناء الشعب وسيتم تحويلهم الى مستشفى العباسيه


..........................


ده المقال بالظبط الى كنت نشرته على المدونه قبل كده بس محدش كان جاوبنى


**********************


مقاطعه الاخوان المحليات اظن قرار متاخر اوى كان المفروض من زمان من يوم ما طلبات الترشيح اترفضت


************************


ومقاطعه الاخوان للاضراب انا متفق معاه لاسباب زى مثلا ان الوقت لا يسمح حيث ان المحاكمات العسكريه لقيادات الاخوان قربت ولا داعى لاى استعداء للنظام بس اظن ان ده السبب الحقيقى

مفيش بقه الاسباب بتاعه صفقه الاخوان مع الحكومه او الاسباب المعلنه من قبل الاخوان انفسهم من عينه المحافظه على النظام او الاضراب فوق هضبه الاهرام ......



28 تعليق:

  • شهيدة

    الفتره القادمه .. ستكون مختلفه على جميع الاصعده ا1ا شاء الله

    صحيح الثمن لن يكون سهلا ... لكنها ضريبه انتزاع الحق


    وسواءا اولاد حراميه او اولاد بلد :) فالمهم ان النتائج واحده

  • Hosam Yahia حسام يحى

    شهيده

    شكرا لمرورك

    يارب تكون النتائج على قد التضحيات

  • وومن

    حرامية حرامية احنا ولا حرامية وانتفاضة حرامية برضة بس البلد دي تعيش وهناخد حقنا
    قول انشاء الله

  • Hosam Yahia حسام يحى

    وومن
    شكرا لمرورك
    وادينى بقول

    ان شاء الله

  • غير معرف

    شكرا يعم حسام ع المجهود الجامد ده والصور الطبيعية دي واتمني مدونتك تبقي اجمل مدونة
    وهيا بالفعل من اجمل المدونات اللي زرتها
    محمود حلوه
    مدونة شمس الحق

  • مهندس مصري

    ربنا يستر المحلة دلوقت بتتعرض للتخريب و الموضوع كده خرج عن كل سيطرة

  • *سمر*

    هو الحصل ده ..واللى انت مصوره ..يعتبر مظاهرة حرامية ..بالذات الخراب المحزن اللى حصل فى المحلة ..بجد حاجة تنكد .. :(

    الناس مش فاهمة ..التغير مش هايجى كده ..لكى الله يا مصر ..
    ربنا يستر ..انا حاسة ان الفترة اللى جاية مطمنش
    تحياتى

  • A.SAMIR

    تفتكر الاخوان ممكن يعملوا ايه لو اتحكم عليهم عسكريا؟

  • بنوته مصرية

    ربنا يستر بجد من الجاي

    بس بجد اللي بيحصل في المحلة ابشع انواع التخريب والتهريج من الحكومه

    الحكومه بتطلع الرصاص الحي علي الشعب والقنابل ده نسمية ايه

    ربنا يسترها بجد عليهم

    تحياتي
    رودي

  • عمر المصرى

    السلام عليكم
    الإضراب حقق نجاحات كتيره أولها تنامى الوعى لدى الناس
    ووجود قوى سياسيه تعمل بجوار الإخوان المسلمين وهذا هو المراد
    ولم يكن موقف الإخوان هو عدم المشاركة ولكن الأفراد شاركوا وبدعوه غير صريحة من فضيلة المرشد بأن الإضراب حق لمن هو متضرر

  • سمية-بنت البنا-

    السلام عليكم ورحمة الله وبركاته


    المدون الفاضل .. حسام يحي ..



    كم هو مؤلم ومحزن أن نر تلك الصور بمصر ..
    أعتقد أننا أًبحنا أسوأ من بغداد والعراق ..

    قتلي وجرحي في كل مكان وسط صمت مريب من الداخلية ...

    حسبنا الله ونعم الوكيل ..

    سيدي .. رغم ان حكم السادات لم يجد بالجيد ولكن يكفي ان الشعب كان يقف طوابير للفراخ ..
    وليس طوابير للعيش ..


    هذا أولا ..


    أما ثانيا .. فسيكون حديثي عن موقف الاخوان ..الذي اتفق معه ..

    ولي تعليق علي ما كتبتموه سيدي ..

    ولكن باذن الله تعالي في وقت لاحق لاستعجالي الان ..

    بوركتم

  • ammar

    ماشاء الله عليك ياحسام والله
    بس انت فى عندك حتة كده
    البانر بتاع المدونة مكتوب عليه الاخوان المسلمين
    وارائك فى الاخوان مش عارف مالها كده
    يعنى كاتب ان السبب الحقيقى هو المحاكمات العسكرية
    وضارب بالاسباب اللى قالتها الجماعه عرض الحائط
    ده تناقض ياعم حسام ...شغل عقلك شوية بدل مازعل منك
    وبعدين لادى اول محاكمات عسكرية للاخوان ولا الاخوان كانو وقفوا شغلهم قبل كده علشان المحاكمات
    وكمان اللى بيتحاكمو دول مستعدين لاى حاجه لو وصلت للاعدام والله
    ماتجيش بقه تقولى اصل ده السبب والكلام ده
    او ابقى اكتب ان ده رأى شخصى منك ياعم حسام
    ماشى ؟
    معلش بقه اصلى اتغظت بس شوية
    وابقى ازعل انت كمان ؟؟(ايقون واحد بيشد شعره)

  • tamooh

    الاخوان لم يقاطعوا الاضراب أخى
    الاخوان قالوا متروك للفرد وان الاضراب عمل ايجابى لصالح المجتمع
    يعنى مش قاطعوه .. هم باختصار لم يشاركوا فى تنظيمه
    ليس لذلك علاقة بمهاودة النظام وعدم الاحكتكاك معه
    يا اخى الكريم الاخوان اعلونها انه ليس فى خطط الجماعة التخطيط لثورة وتنظيمها ..اما ان يريد الشعب ذلك فتكون شعبية واما لا..
    أخى فى مقال جميل للدكتور جمال حشمت بيوضح كل ده
    وفى كمان حاور مع الدكتور محمد عزت على اخوان اون لاين

    جزاكم الله خيرا... ان شاء الله التغيير قادم

  • شقاوة شعب

    جميل
    بس انا حاسة ان السبب الرئيسى وراء مقاطعة الاخوان للاضراب انه غير مأمون العواقب
    يعنى لو كان حصل فيه شغب اكتر من كدة والدنيا باظت كان الاخوان هما اللى هيلبسوها ونلاقى الجرايد تانى يوم تقولك الاخوان خربوا البلد

    تحياتى
    شيماء

  • بذرة امل

    ما شاء الله عليك ياستاذ حسام
    بفرح اوى لما بلاقى حد فى ثانوية عامة ومهتم بشئون مصر والمسلمين والمشاكل اللى بتحصل
    ياربت تأ ثر فى اللى حواليك وتحاول بصقافتك دى تشرحلهم الوضع عامل ازاى

  • Hosam Yahia حسام يحى

    محمود حلوه

    شكرا على مرورك ياباشا



    ومدونتك اجمل

  • Hosam Yahia حسام يحى

    مهندس مصرى

    شكرا لمرورك

    انا ضد التخريب

  • Hosam Yahia حسام يحى

    سمر

    شكرا لمرورك

    احنا نرفض العنف عشان كده مشاركناش فى الاضراب

    مكانش فيه تنظيم

  • Hosam Yahia حسام يحى

    a .samir

    مش هيعملوا اى حاجه
    :D

  • Hosam Yahia حسام يحى

    بنوته مصريه

    شكرا لمرورك

    المحله بيحصل فيها ثوره حقيقيه

    او بروفه لثوره

    والتخريب ده من بلطجيه مش من الاهالى

  • Hosam Yahia حسام يحى

    بنت البنا

    شكرا لمرورك

    منتظر رايك

  • Hosam Yahia حسام يحى

    ammaar

    شكرا لمرورك

    انا مقدرش ازعل منك

    بس ده مش راييى الشخصى

    :D

  • Hosam Yahia حسام يحى

    طموح

    اود الا اتكلم فى ديموقراطيه الاخوان او انهم تركوها حسب اختيار الفرد

    هم قالوا انهم قاطعوها

  • Hosam Yahia حسام يحى

    شقاوه شعب

    شكرا لمرورك

    برده ده سبب وجيه اخر

    بس هما لبسوها برده

    ومن غير ميشاركوا فيها

  • Hosam Yahia حسام يحى

    بذره امل

    شكرا لمرورك

  • قلم رصاص

    والله يا حسام انا مش ها اقولك اكتر من اللي اتقال قبل كدة وانا كلمتك فيه وموقف الاخوان واضح وعمر الاخوان بيعملوا حاجة علي حساب حاجة ليس زي ما انت بتقول امتناع الاخوان عن المشاركة ان المحاكمة العسكرية قربت كان من الافضل للاخوان بقي انهم ما يشاركوش في انتخابات المحليات مع العلم ان كان في جلسة في وقت تقديم الورق وكان الاخوان اخدوها صفقة زي ما الناس بتقول مع النظام ياريت ما تروجشي اشاعات فارغة اعم حسام والاخوان موقفهم واضح وصريح والاخوان مش بوشين علي فكرة علشان يقولوا كلام غير المنطقي يا حسام وارجع اقولك انت لسة صغير ههههههههه

  • Hosam Yahia حسام يحى

    قلم رصاص


    شكرا لمرورك

    انا مش هارد عليك هاسيب الزمن هوا اللى يرد


    هههههههههههه

  • Hosam Yahia حسام يحى

    قلم رصاص


    شكرا لمرورك

    انا مش هارد عليك هاسيب الزمن هوا اللى يرد


    هههههههههههه


لو صندوق التعليق مش ظاهر ممكن تعمل ريفرش

next previous