خد يمين لاخر الشارع وبعدها خد شمال








(خد يمين لاخر الشارع وبعدها خد شمال ) اظن ده شعار اهل القاهره البواسل حينما يسالهم

الغرباء عن المدينه عن اى مكان جرب حتى لو انتا من ابناء القاهره واسال اى شخص عن

اى مكان هيقولك خد يمين فى شمال

انا جربت الموضوع جيت اسال واحد عن المكان اللى عايز اروحه لقيته بيقولى (خد يمين
فى شمال ) الصراحه انا مصدقتهوش لانى حاسس انه كذااااب سألت واحد تانى : قالى
طريق تانى خالص
وواحد تالت قالى ( خد الشارع لاخره واسأل هناك )
وبعدها لقيت نفسى وصلت للمكان اللى انا بدات منه
مش عارف السكان مش عارفين القاهره والشوارع بجد ولا بيتوهوا الناس الغرباء عن
المدينه عشان ميروحوش القاهره تانى على اساس انهم سبب الزحمه ( سبب وجيه )

حتى عسكرى المرور سألته فقام قايلى ( انا لسه جديد والله ودى اول مره اقف هنا روح

اسال امين الشرطه اللى هناك ده ) رحت سألت امين الشرطه لقيته مش بيرد وعامل نفسه مهم .
الخلاصه ان اهل القاهره غيروا المثل (ان اللى يسال مايتوهشى ) الى ( اللى هيسأل هيتوه

واللى تايه ميسالش عشان ميتوهش اكتر ).

نصيحه الى غير سكان القاهره : ماتسافروش القاهره الا اذا كان معاكم حد عارف الطريق

كوووويس والا متسافروش)

*****************

صور عن انتخابات المحليات


اللجان فاضيه خااالص
واضح طبعا الحبر السرى وهو مرمى على الارض فى بدايه اليوم الانتخابى

صوره عجبتنى جدا جدا لخصت حاجات كتيير تظهر جمله ويبقى الاسلام هو الحل امام لجنه انتخابيه

24 تعليق:

  • مهندس مصري

    أنا كنت مؤمن بكده لحد ما إضطريت أروح مصر كذا مرة ورا بعض الشهرين اللي فاتوا و سبحان الله سألت و الناس دلتني صح
    فقلت الله امال كانوا بيقولوا الناس في مصر بتتوه الغريب ليه
    ما اللي يسأل ما بيتوهش اهوه
    يمكن أنا كان بختي حلو:)

  • فزلوكة

    مرة فى ذات المرات كنت مع عمو فى منطقة فى القاهرة بس ما أعرفهاش
    المهم عمو بيسأل واحد عن الطريق راح قايلوا
    بس تعالى الناحية التانية عشان أعرف أوصفلك وطلعنا كوبرى مشاة كدا وبعديها راح قايلنا
    بص إنت ترجع الكوبرى تانى وبعدين مش عارفة تروح فين وفين
    طب ما كان من الأول
    لازم تلففنا معاك
    بس على فكرة مش كل سكان القاهرة بيتوهوا الناس

    لو الصور إللى فى البوست تصويرك فمشاء الله تصويرك حلو
    بس عرفت تصور إزاى

  • alshared

    الموضوع أن فيه ناس في القاهره أصلا مش بتكون عارفه المنطقه فلما بتسألهم بيقولك علي أي حاجه والسلام علشان ما يحرجش نفسه

    المحليات

    الناس كلها كانت عارفه أن ده اللي هايحصل أنا شخصيا عارف من سنتين لما ميعاد الانتخابات أتغير

    الموضوع كان واضح جدا لأي مراقب أو حتي شبه مراقب

    في أعتقادي ان الاخوان غلطوا لما دخلوا سباق هما عارفين أنهم هايخسروه وده اللي خلاهم قبل يوم واحد من الانتخابات ينسحبوا ومايكملوش اللي بدئوا فيه

    ودي كانت غلطه تانيه

    عموما لازم النظام يعمل كده لانه نظام جبان وعلي وشك الانهيار

    بالنسبه للصوره بتاعة المدرسه أنا معاك أن رجوع الناس لدينهم هو الحل

    تخيل فيه ناس كتير جدا لما بنهاجم الاخوان أو بنختلف معاهم يبقي علي طول بنختلف مع دين ربنا

    أنا ضد أحتكار الدين في جماعه بعينها

    تحياتي

  • خبيب

    ( اللى هيسأل هيتوه ، واللى تايه ميسالش عشان ميتوهش اكتر ).

    هههههه

    معاك حق

    ---

    الناس بتنكسف تقول : "معرفش"

    إذا كنا بنفتي في الدين
    مش هنفتي في الطريق ؟!!

  • Hosam Yahia حسام يحى

    مهندس مصرى

    شكرا لمرورك


    الناس اللى قابلتهم كانوا طيبيبن اوى

  • Hosam Yahia حسام يحى

    فزلوكه

    شكرا لمرورك

    انا اتفق مع حضرتك ان مش كلهم بيتوهوا

    فيه ناس قالت بجد


    والصور من تصويرى بس انا مش شايف فيها اى احترافيه


    والصور بتاعه الحبر الفسفورى دى من معهدنا

  • Hosam Yahia حسام يحى

    الشارد

    شكرا لمرورك اولا

    ثانيا : الناس اللى بيهاجموا الاخوان مش بيهاجموا الدين

    هاجمك براحتك بس بموضوعيه

    ومتخافش محدش هيكفرك :D

  • Hosam Yahia حسام يحى

    خبيب

    شكرا لمرورك

    عجبتنى بجد مقوله

    اذا كنا بنفتى فى الدين مش هنفتى فى الطريق

  • *سمر*

    اولا نورت القاهرة :)
    بس انت جاى وسايب امتحاناتك فين ;)

    انا شايفة ان الناس بتعمل كده ..علشان كل واحد عايز يبين انه فزلوك ..يعنى فاهم فى كل حاجة..بيتكسفوا يقولو منعرفش ..مع انه فى الحالة دى انا شايفة انه من قال لا اعلم فقد افتى

    تحياتى لك :)

  • شهيدة

    واحده من صفات شعبنا الكريم انه بيحب " يفتي " في كل حاجه ..


    اما الانتخابات ... تلك دور ظلم لن تلبث حتى تهدم على رؤوس اصحبها باذن الله

  • يورو

    مش غريبه
    الظاهر انها بقت طبيعه فينا
    لازم نكون فاهمين وعارفين فى كل حاجه
    عموما معلش
    بالنسبه للانتخابات
    مش هفكرك بالنكته الى بعتها على الماسنجر
    عادى
    م بقتش حاجه غريبه

  • ammar

    مش اوى كده ياعم حسام
    لا تصدق فعلا ده اللى بيحصل
    واحد صاحبنا كان فى الجيش
    فى الشرطة العسكرية
    اخو واحد صاحبنا يعنى
    المهم جه واحد بيسأله
    اروح المكان الفلانى منين
    قاله من الناحية دى علطول
    الراجل قاله بس الناحية دى مصر الجديده
    قاله يبقى الناحية التانية وعلطلو برده
    هههههههههههههههه
    تحياتى ياحسام
    واوعى تفكر تدخل مدونتى
    تشششششششش

  • وومن

    هههههههههه تستاهل انا مش قولتلك متسأش حد ده انا اللي من القاهرة بتحصلي المواقف دي كتير
    الأنتخابات
    كنت متوقعة دي حاجة بتحصل عندنا من سنين نفسي مرة واحد اشوف حد رايح بنتخب ونفسي اعرف بينجحوا ازاي

  • noureleslam

    بالنسبه لموضوع اللى يسأل ميتوهش فدا مش صح عشان انا توهت كتير قبل كدا بسبب انى بسأل الناس حتى لما اكون رايحه منطقه فى المنصوره مثلا مش روحتها قبل كده وأسأل حد بيلففونى جامد وفى الأخر مش بوصل برضه :)

    -----------------------

    أما الإنتخابات بقى فدا معروف مكنش فى انتخابات أصلا لأنها زورت من المنبع

    وطبيعى انهم يمنعوا الإخوان والمعارضين من المشاركه مش احنا هنا فى مصر برضه ؟!!

  • رُدَّ إلى َّ روحى

    سبحان الله فعلا

    جزاكم الله خيرااااا واضحك الله سنك يااااااااااارب

  • عمر

    أنا لقيت البوست اللي قبل ده كان 15 كمنت قلت بقى لازم نغير العدد ... لا ياعم بهزر ، هو احنا هنلاقي احسن منك نعلقه ( قصدي نعلق عنده ) ياعم حسام

    بصراحة أنا مش من القاهرة ، وغالبا ما بروحشي إلا للمشاوير الضرورية فقط ، وغالبا برضه بيكون معايا حد عارف المكان اللي رايحينه .. يعني كافي خيري شري ، وباعد عن الشر وباغني له

    بالنسبة للانتخابات .. أنا اللي مشفق عليه هو الفلوس اللي اتصرفت من المرشحين اللي هم أصلا عارفين انهم هيتعينوا هيتعينوا ، طاب ما كانوا استفادوا بالفلوس دي أحسن من اليفط والبوسترات اللي مالهاش لازمة

    وأخيرا .. اللهم أصلح أحوال هذه الأمة واكشف عنها الغمه

    تحياتي

  • hosam

    سمر

    شكرا لمرورك

    صدقت

    الفزلكه سيده الموقف

  • hosam

    شهيده

    شكرا لمرورك


    والافتاء طلعه موضه بس الايام دى

  • hosam

    عماااار


    شكرا لمرورك

    بس فين مدونتك يا عم مش لاقيها

    انتا هربت منها ولا ايه

    ؟؟؟؟؟؟؟؟؟؟؟؟؟

  • hosam

    يورو


    شكرا لمرورك


    بس انتى كده فكرتينى بيها خلاص

  • hosam

    وومن

    شكرا لمرورك


    وموضوع التوهان ده عادى

    ههههههه

  • hosam

    نور الاسلام


    نحن فعلا فى مصر


    تحياتى

  • hosam

    رد الى روحى


    شكرا لمرورك

  • hosam

    عمر

    ماشى يا عم

    انتا عارف بورصه التعليقات عندى نزلت للارض


    بس التعليقات عندى مش 15
    اظن ان هى 24


لو صندوق التعليق مش ظاهر ممكن تعمل ريفرش

next previous