رحله مجانيه الى المريخ والشمس








الاسعار نزلت الحمد لله ورغيف العيش بيوزعوه على البيوت مجانا وبنفس سعر الرغيف السابق ابو طابور وطن الارز نزل بقى ب570جنيه بعد ماكان قرب على الالف والزيت بقا ب 5.5 بدل عشره جنيه والمرتبات ارتفعت والعلاوات الاجتماعيه ارتفعت كمان بنسبه 25%

والامتحانات اتاجلت كخطوه اولى لالغاء التعليم باكمله وحسنى مبارك اعلن اقاله مجلس الشعب ودعا الى انتخابات مبكره ...والحكومه كمان استقالت ..وانتخابات رئاسيه شفافه حره نزيهه واحمد عز اتسجن هوا وباقى شلته


عفوا انها كذبه ابريل ( وبخصوص الغاء التعليم فانها امنيتى انا فقط محدش ليه دعوه بيها ) ولوعندك اى احلام تانيه ابعتها على ص.ب قصر عابدين القاهرةمصرفاكس: +20223901998بريد إلكتروني: webmaster@presidency.gov
خلى بالك لو بعت حاجه ليها دعوه بالسياسه من قريب او بعيد قد تسافر المريخ وتخيم هناك ليلتين وبعدها هتكمل رحلتك الى الشمس او ورائها
وستكمل هناك باقى حياتك ومتخافش الرحله مجانيه ومواصلاتها مريحه وهى عباره عن عربيات كبيره زرقا زى لون السماء (عرفتوا لونها ازرق ليه ؟)

وميعاد بدايه الرحله غالبا بتبدأ من الساعه 1 الى الساعه 4 فجرا وهما اللى بييجوا يخدوك من البيت (شوفت الاهتمام بالمواطن المصرى وصل لقد ايه )
ابعت رغباتك وروح الرحله وادعيلى

:D

25 تعليق:


لو صندوق التعليق مش ظاهر ممكن تعمل ريفرش

next previous