الازهر .....وسنينه








قديما كان مجئ ذكر كلمه ازهرى لابد ان يحضر فى ذهنك الرجل المحترم بالجلابيه والكاكولا ( كاكولا هى

ذلك الشئ الذى يرتدونه فوق الجلابيه حاجه زى الجاكت كدا ) والعمه وطبعا ذلك الرجل يحفظ القران عن

ظهر قلب وكذلك احاديث النبى صلى الله عليه وسلم وكذلك الفقه والتوحيد والنحو والبلاغه ااااااااااالخ ....

هذه الصوره القديمه التى استطاع شيوخنا الافاضل من الطنطاوى وامثاله ممن دمروا الازهر وجعلوا مجرد

ذكر كلمه ازهرى تكفى لتجنب الناس لذلك الشخص صاحب اللقب المخيف

فهذا اللقب يعنى للناس ان ذلك الشخص لاشك فى انه فاشل تعليميا وصايع اجتماعيا ومنحرف فكريا ..!!!

الطنطاوى صاحب الفتاوى المثيره والذى اتمنى نقله لاى جريده صفراء حتى يمارس دوره بشكل واسع

ولكى يخرج مخزونه الكامل من فتاوى (مضحكه )

يكفى ان تعرف رايه عن شرب السجاير فى نهار رمضان وهل هى مفطره ام لا وستصاب بالدهشه

والرغبه فى قول شئ ( غلط انى اكتبه )

ولا يكفى الطنطاوى الفتاوى الدينيه بل يصر على ان يفتى سياسيا ويكفى ايضا ان تعرف رايه فى قضيه

امير المؤمنين مبارك بيه وقضيه التوريث وستتفوه بالكلمه الغلط غصب عنك ومش هتقدر تمنعها من

الخروج من فمك

اتمنى من الاعلاميين ومن الذين يرددون الفتاوى ان لا يسبقون راي الطنطاوى بانه ذلك راى المؤسسه

الدينيه ... الازهر فوق المزايدات وفوق الطنطاوى نفسه ..

يكفى ان تعرف ايضا انه الشخص الوحيد الذى يجمع اركان المؤسسه التعليميه الازهريه بالكامل على كرهه

بل وسبه بالفاظ خااارجه .... من طلاب ومدرسين ووكلاء ومدراء

من اكثر الحداث التى ادهشتنى فى حياتى كامله عندما ذهبت الى مقر مجمع البحوث الاسلاميه فى القاهره

للامتحان فى القران

فى طريقى للذهاب كنت حاطط فى ذهنى صوره الشيخ الازهرى الكفيف اللى لابس جلابيه وكاكولا وعمه

واللى هيسالنى لغايه ما انا اعلن انسحابى من الامتحان وندمى الشديد على خوض تلك التجربه

الا ان ذلك الخوف والرعب الشديدين اتقلب فى لحظه رريتى للشيخ اللى هيسمعلى لاقيته لابس بدله

وسيجاره الكيلوبترا فى بقه !!!

عندها قلت فى نفسى انا نجحت يا جدعان ... وتم ذلك

وليسقط الطنطاوى واشياعه
.........................................

اكثر خمس اشياء حبيتها فى الازهر


1. القران طبعا 2.نظره الاحترام اللى الناس كانوا بيبصوهالى وانا صغير اما

يعرفوا انى ازهرى (قبل انتشار ظاهره الازهرى الفاقد طحححن)

3.ان الازهر بيخلص امتحاناته بدرى.....بدرى

4.انتخابات اتحاد الطلاب فى المعاهد الازهريه (مرحله ثانويه بس الامتحانات فى الجامعه بقا ماشاء الله كووووسه)

5. مفييييييييييييش
.............................................

اكثر خمس اشياء كرهتها فى الازهر

1. مفيش فيه كليه اعلام ولا حتى سياسه واقتصاد 2. الطنطاوى
المتوحش

3. نظره الناس ليا وانا كبير اما يعرفوا انى ازهرى ...........(متطرررف) ههههههه

4. يوجد مدرسين اما ييجوا الحصص تحس انهم بيرددوا ( الغصب الساطع ااااااااااات )
تحياتى للازهر

مع تحيات : ازهرى مكلوم


42 تعليق:

  • أدم ويحيى

    ههههههههههه
    ماشى يا حج حسام وأن كنت اختلف معك فى بعض النقاط
    الا انى اتفق فى عدد اخر
    أفتخر وامشى مرفوع الؤأس حقا انى طالب ازهرى ويكفينى ان من يعرف انى ازهرى يقول أن شاء الله هدخل اولادى الازهر
    وربنا يوفقك يارب

  • قلم رصاص

    السلام عليكم

    حسام باشا أولا يعني أن معاك في كل اللي قلته وموافقك عليه

    ولكن هناك من طلاب الأزهر مازالوا وجهة جيدة وصحيحة للازهر وأقول لك هذا الكلام علي علم ويقين وأنت تعلم ذلك

    نعم هناك الكثير مممن يريدون تشويه الأزهر ويريدون أن يدمروا التعليم به
    ونسأل الله تعالي أن ينتقم منهم ولكن أرجع وأقولك الأزهر سيفضل الأزهر كما عرفه الناس مهما فعل فيه الطغاة

    تحياتي
    قلم رصاص

  • ريمان

    السلام عليكم
    بجد والله يا اخى عندك حق
    الازهر معتش ازهر زى زمان ده كفايه بس الفتاوى بتاعه الازهر كل شويه بيطلعوا فتاوى بايظه بتفتن شباب وفتيات المسلمين مع انهم مش ناقصين فتن كفايه الزمن اللى احنا فيه وانا اصلا بسمى فتاوى الازهر فتاوى ذات بلاوى
    بجد حسبى الله ونعم الوكيل وبعض شيوخ الازهر حللوا حاجات على مزاجهم الواحد والله بيسمع الفتاوى دى بيضرب كف على كف
    اللهم ارنا الحق حقا وارزقنا اتباعه وارنا الباطل باطلا وارزقنا اجتنابه

  • Hosam Yahia حسام يحى

    ادم ويحى

    شكرا لمرورك



    لو حدك ياباشا

  • رحاله

    بسم الله
    حسام ازيك ياباشا وعامل ايه؟
    ايه يابنى الكره الشديد الى طلع مرة واحدة دة
    انا مؤمنه ان اى مكان واى مجال فى مجالات الحياه لازم يكون فيه الحلو والوحش بس احنا بقه بنشوف الوحش بس وبنغمى عنينا عن الحلو لاننا اصلا مش عاوزين نشوفه يابنى الازهر دة حاجه حلوة جدا انا معاك ان امبارح مش زى النهاردة بس انتا لازم طالما فى شئ معين لازم تتفوق فيه ومش كدة بس لازم تكون متميز فيه ونصلح منه
    يارب تفهم كلامى ومكنش فهمتك انتا غلط
    انا افتخر ان فى ناس من ماليزيا والبلاد دى بيجو عندنا علشان يدرسو فى الازهر شئ فى منتهى الروعه اما تسال واحد ماليزى عن سبب وجودة هنا يقلك علشان الازهر
    تحياااااااااااااااااااتى
    كن فخورا انك ازهرى وانسان شريف

  • رونى المصرى

    ياريت متغلطش يا حسااام

    الازهر هايظل دائما الازهر


    بس كل واحد يسئل نفسه هوا ازهرى عمل ايه للازهر

    ROONEY

  • حمادة زيدان

    حبيبي حسام
    بص بقي سياتك
    أولاً : يا ريس مش شيخ الأزهر اللي فتى فتوى السجاير ... أنا بصراحة مش بحبه بس هو في النهاية شيخ الأزهر يعني عيب نتهكم عليه أي كدة
    ثانياً : أنا بقي معاك وبشدة أنه الأزهر تعليم فااااااااااشل جداً , يعني فشل الأزهر شوية زيادة عن فشل باقي التعليم في مصر
    ثالثاً : ربنا معاك لغاية ما تخلص
    رابعا : مفيش رابعاً بس سلام عليكم

  • Hosam Yahia حسام يحى

    قلم رصاص


    شكرا لمرورك ياباشا

    طبعا فيه ناس كويسه بس قليلين للاسف

  • Hosam Yahia حسام يحى

    ريمان

    شكرا لمرورك يافندم

    يارب حاله يتصلح

  • Hosam Yahia حسام يحى

    رحاله

    شكرا لمرورك

    طبعا انا اتشرف انى ازهرى

    بس المشكله فى قيادات الازهر

    و.9% فى الطلاب

    بس

  • رونى المصرى

    نسيت اقولك يا اخ حسام كمان

    انا ازهرى


    ماحييت فان امت فوصيتى للناس ان يتأزهرو

    انا ازهرى

    ماحيت فان اعش فوصيتى للناس فوق المنبر

    تحياتى

    ROONEY

  • Hosam Yahia حسام يحى

    رونى المصرى


    ماشى ياعم الارهابى

    وحياتك لموصى عليك الرجاله الحلوين

    نيا ها ها ها

    :d

  • Hosam Yahia حسام يحى

    حماده زيدان باشا


    ولا يهمك ياعم هتيجى على الطنطاوى بيه

  • Hosam Yahia حسام يحى

    رونى


    ارحمنا ياعم الازهرى

  • طارق الغنام

    اخى الحبيب
    مهما حدث فللازهر صوت ورجال لن تنقضى هممهم
    وكم من اجيال تخرج وستخرج منة تحمل رسالة رب العالمين
    وان كان هناك بعض الاخطاء والهفوات فمثلة كمثل اى مؤسسة فى مصر
    ادعو الله ان يصلح من احوال الازهر
    ومن احوال مصر
    بارك الله فيك
    واتمنى التواصل
    @@@@@@@@@@@@@@@@@@@@
    يرافق ابنتة الى النوادى والملاهى وغيرها وهى كاسية عارية مائلة مميلة تمشى مشية خليعة تظهر الصدر والارداف وترسل الشعور .. يفرح بأنة تزوج وانجب جمالا يخطف الابصار ولايبالى بعين ترمقها وقدم تتبعها ونظرة تتفحصها وانف تشم رائحتها
    الباقى بمدونتى ادعوكم لقرائتة
    مع اجمل امنياتى وشكرى

  • Hosam Yahia حسام يحى

    طارق الغنام


    شكرا لمرورك


    انا خشيت فعلا على موضوعك

  • آفاق الحرية

    كفاهم فخرا انهم يدرسوا القرآن وعلومه
    ده اكيد هتشفعلهم بالرغم من كل عيوبهم
    اوعي تفهمني غلط الازهرية كلهم حبايبي
    ههههههههه
    تحياتي

  • وومن

    حسام
    واضح انك كتبت الموضوع ده بعد ما فاض بيك
    بس انا بتفق مع ناس كتير ان الأزهر مزال فيه ناس قدوة حسنة لكل الأزهريين ومن غير مبالغة انت مثلا بسم الله ماشاء الله مش قدوة حسنة لأزهريين وبس لا وللشباب الواعي كمان
    انفض لهجة اليأس دي وابدأ بنفسك وتمسك بما انت علية
    خالص تحياتي وتمنياتي بدوام التوفيق

  • محمد مارو

    حسام

    ياخوفى احسن يعملولك زى ما عملوا فى كريم

  • Hosam Yahia حسام يحى

    افاق الحريه


    انا ازهرى انا كمان خلى بالك


    :d

  • Hosam Yahia حسام يحى

    وومن


    انا ازهرى بس مش قدوه للاسف


    تحياتى لمرورك

    :(

  • Hosam Yahia حسام يحى

    محمد مارو


    انا مش زى كريم

    كريم كان شتم الاسلام

    وانا مش شتمت فى الازهر
    انا ضد الطنطاوى

    بس

  • أختكم فى الله

    اخى الكريم
    دى اول زيارة ليا لمدونة حضرتك الأكثر من رائعة بجد ما شاء الله واكيد ان شاء الله مش اخر مرة

  • شهيدة

    طبعا تفخر بكونك ازهري .. لازلت ليومي هذا اعاتب امي ان اخرجتني منه في الاعداديه ..


    وحتى لو كان الحال على ما هو عليه كحال جميع مؤسسات مصر الان .. فذاك كيدهم " ويمكرون " .. والله خير الماكرين .. سيظل الازهر شامه ومقصد الالاف كما كان وسيظل باذن الله .. مناره علم

    وفي امثالكم يكون الامل ان يعود الى سابق عهده بل افضل باذن الله

  • تايه في وسط البلد

    حسام باشا
    انا ازهري وشفت اللي شفته وباشتكي من اللي بتشتكي منه
    والازهر زيه زي اي حته في مصر
    ما لهوش اي مناعة ضد الفساد او الانحطاط
    تحياتي

  • Ghada & Rofayda

    طالما انه في ناس امثال حضرتك يبقوا لازم يحترموا بغض النظر عن انهم ازهريه ولا......
    وكل مكان فيه الصالح والطالح
    اصلح الله بكم الامه...

  • اوعى تفكر

    للاسف كانت سياسة الاحتلال فى مصر
    انهم لو عايزين بضربوا الدين فى مصر يضربوا الازهر وجه من بعده رؤساء مصر
    وخده على اكنافهم تللك الافكار
    طول مادام فى واحد مالوش دعوه بحاجه
    على رأس المشيخه طول ما هيضمنوا ولائهم
    بس للاسف نجحت مخططاتهم شيوخ الازهر بقو اضحوكة الناس وقعو من نظر الناس
    بس الازهر معظمه شيوخ عظام يخافون الله
    الازهر كويس بس المشكله اللى فيه ان
    الواجهه وحشه
    والحل انهم يخلوا مشيخة الازهر بالاتنخاب وليس بالتعيين وساعتها اتفرج على الازهر

  • مدحت محمد

    يقلك الجواب بيبان من عنوانه
    وانت قلت عنوانه
    فالحقيقة فعلا انى الازهر بيبوظ
    رغم انى مش ازهرى
    بس فعلا الجواب بيبان من عنوانه
    تحياتى وتقديرى

  • Hosam Yahia حسام يحى

    اختكم فى الله

    شكرا لمرورك يافندم

  • Hosam Yahia حسام يحى

    شهيده

    شكرا لمرورك


    طبعا افخر

    :d

  • Hosam Yahia حسام يحى

    تايه فى وسط البلد


    شكرا لمرورك


    كويس انك شوفت كل الحاجات الجميله دى

  • Hosam Yahia حسام يحى

    غاده ورفيده


    شكرا لمرورك يافندم


    وجزاكم الله خيرا

  • Hosam Yahia حسام يحى

    اوعى تفكر


    شكرا لمرورك

  • Hosam Yahia حسام يحى

    مدحت محمد


    شكرا لمرورك

  • appy

    ازهر مين دلوقتى الازهر يا حسام كان زماااااااان حتي الخرجين منه مش فاهمه ايه اللى بيقوله ويبعملوا غير اللى بيتغلموه

  • Hosam Yahia حسام يحى

    appy

    شكرا لمرورك يافندم


    الازهر طبعا احسن من التربيه والتعليم
    وان كان به مفاسد

    فوزاره التربيه والتعليم بها مفاااسد اكثر

    لكن انا اقصد قيادات الازهر فقط

  • monaliza

    يكفى انك ازهرى ولديك من المعلومات الدينية مايجهله كثيرين

  • Hosam Yahia حسام يحى

    موناليزا

    شكرا لمرورك


    :(

  • *سمر*

    لء طبعا ..النظرة لطلاب الاظهر مش على طول كده..ده بيختلف من شخص لأخر...
    بس اتفق معاك فى معظم الحاجات اللى انت قايلها...

    تمنياتى لك بالتوفيق فى الامتحانات

  • GOLDEN B0Y

    السلام عليكم ازيك ياد ياحسام انا البرنس انس صاحب مدونه عمر احمد وبقول لاى حاد شتم ربنا يسمحك واى اسئله كلمونى على الا ميل وانا هافتح المدونه لانى انا كنت مشغول والموضوع دا انا الى اقولت يتعمل والى شتم انا هاعارفه وعلى فكره عمر مش مات عمر صح تانى بس سلمى ماتت
    tito_stopyaman

  • GOLDEN B0Y

    انا انس والشهره عمرو بس ياجماعه الموضع دا مكنتش عارف الى هايحصل كدا بس لازم تعرفوا مش تشتم عشان المعرصين الى شتم انا مش هاسيبه ماشى واى استفسار كلمونى على الاميل واى يعنى اما اموت ربنا كتبلى عمر جديد وصيحيت تانى وسلمى دلوقتى بتلع فى الروح هههههههه ياجماعه انا بحبكو والله tito_stopyaman

  • GOLDEN B0Y

    ياحسام ياحبيبى ازهر ايه الازهر كان زمان دلوقتى الازعر والفاسد ياعم حل بئه شوف المعهد الى انت فيه مفتوح لتجار السلاح والشرب دلوقتى لازم الواد قبل اما يخش الحصه يشرب حشيش عشان مش يضرب الا ستاذ ماشى الازهر خارج اجيل كتير بس دلوقتى خارج عفرايت كتير وكل دا من ورى شيخ الازهر ربنا يخده تحياتى انس البرنس صاحب مدونه عر احمدtito_stopyaman


لو صندوق التعليق مش ظاهر ممكن تعمل ريفرش

next previous