نتقرب الى الله بحبك ياريس







اندهاشات متتابعه عشتها مع قراءه اعداد جرائد الجمهوريه والاخبار ايام 3.4.5 مايو

الرئيس البطل - 4مايو ... يوم للوطن - عيد ميلاد وطنى - بطل العداله الاجتماعيه (حلقات فى جريده

الجمهوريه على الصفحه الاولى على مدار 7 ايام ).

هذه كانت عناوين مقالات لرؤساء تحرير مايعرف بجرائد الموالسه فى يوم عيد الزعيم القائد والثوره وقائد

الضربه الجويه فخامه الرئيس محمد حسنى مبارك

ماهى الجرائد القوميه ؟ الجمهوريه والاخبار والاهرام والمسائى والمساء ....الخ

ما تعريف الجرائد القوميه ؟ الجرائد القوميه المفروض انها تكون جرائد وطنيه تمويلها حكومى من اموال

دافعى الضرائب يعنى سيادتك اللى بيدفع مرتب شخص مثل القط ممتاز بتاع اخبار اليوم وكمان محمد

ابراهيم الهجاص بتاع الجمهوريه ده غير باقى الموالسين الكبار اعضاء حركه الموالسه القوميه

ويتم تعيينهم من مجلس الشورى بتاع صفوت الشريف .

المفروض يكونوا جرائد معبره عن الشعب لانها من المفروض انها وطنيه وتمويلها وطنى من اموال الشعب

هل تعلم فضائح ابراهيم نافع وقصوره فى 6 اكتوبر والمدن الجديده !!!!

هذا ما كتب عن مبارك ومش دا اللى اتكتب بس ده فيه اشتغالات كتيير (اديكوا عينه)

ده الحاج محمد على ابراهيم نجم الجمهوريه كتب ان من وسائل المحظوره (قاصدا الاخوان ) الفيس بوك

وانهم يتحكمون به ويستغلونه فى تعريه مصر

هذا على اساس ان مصر لابسه هدومها اصلا (بتتسرق منها حته حته من سنه 1981 الى اليوم )وعلى اساس برده ان الاخوان هما اللى عملوا الفيس بوك

وواحد تانى كاتب فى صفحه الفن تحت عنوان ( حنان دخلت وكر الجماعه المحظوره)

ان ممثله ما ستمثل مسلسلا جديدا سيعرض خلال شهر رمضان وسيكون دورها انها انضحك عليها من

شباب جماعه اسلاميه وجايبين الاسلاميين لابسين الجلابيات البيضا ولحاهم طويله !!!!!

انا مش فاهم قصده مين بالمحظوره الاخوان ولا اللقب اتسع شويه وبقا بيلم على اساس ان لغايه الان

ماشفتش حد من الاخوان مقصر الجلابيه البيضا ومطول لحيته !! ...

وفى النهايه مهما عمل القط والحاج ابراهيم هيخرجوا من جرايدهم مع حركه التنقلات اللى جايه ...

خلى الموالسه تنفعكم....

.......................

مدونه صوت الحريه تكمل 100بوست فى سنه ونصف تقريبا

تحياتى لكل اللى شجعونى على الكتابه الى ذلك الحد



25 تعليق:

  • mohammed alsha3r

    الف مبروك ياحسام على البوست رقم 100

    وعقبال 10000000 بوست وانت بخير

  • رحاله

    الف مبروك ياباشا ياكبير على الانجاز دة
    حلوة اوى التورته الاخيرة دى عاوزة حته بقه مليش دعوة

  • Hosam Yahia حسام يحى

    محمد باشا الشاعر

    شكرا لمرورك

    وعقبال 10000000 تعليق منك

    ده تانى تعليق ليك عندى

    :d

  • Hosam Yahia حسام يحى

    رحاله

    شكرا لمرورك

    عقبالك

    :d

  • يورو

    يا حسااااااااااام
    كل دى علامات تعجب
    بص هقولك
    انت فى يوم جمي كدا وقت غروب الشمس خد عربيتك وانزل فى انحاء القاهره
    على طريق طنطا_القاهره
    مجموعة اراضى كبيره
    لصاحبها محمد ابراهيم
    وانت قولت قصور ومدن ابراهيم نافع
    يبقى لى علامات التعجب؟؟؟

    عمومابعيدا عن كل دا
    كل سنه والمدونه طيبه
    وبخير
    وبصحه وسعاده

    ومستمررررررررررررره
    تحياتى

  • Hosam Yahia حسام يحى

    يورو


    شكرا لمرورك

    يمكن ميكونش محمد ابراهيم نجم الجمهوريه

    الراجل لسه جديد فى الموالسه فى الجرنان ملحقش يكون نفسه

    عشان يجوز ويلم قرشين

    : d

  • رئـــــيسـة حزب الأحلام

    الف مبروك على البوست رقم 100 وعقبال ماشوفك كاتب صحفى قد الدنيا
    اما بخصوص النفاق فدة شئ عادى وان ماكنوش هينفقوا رئيس الجمهورية هينافقوا مين والنفاق دة اللى هيجبنا ورا وربنا يقحم المنافقين
    وتحياتى لك

  • appy

    100 ما شاء الله يا حسام الا والله ما عديت انا عامله كام

    ابعد عن الجرايد يا حسام احسن بتعلى الضغط وانت صغير يا ابنى هههههههه
    المهم سورى انى مكملتش تعليقى فى البوست اللى فات

  • حرة المداد.

    سلام الله عليك أخي وربنا يكرمك انك دائما سباق الى الاحداث.مثلا كان نفسي أصور يافطات الحزن الوطني وعقل واخوانه بالنسبة لعيد ميلاد الريس والاضراب فوجدتك قد فعلت والآن تكتب عن جرائد الحكومة وما فيها من نفاق يزكم الانوف وبهذا وفرت على المجهود وحرقة الدم لكن كيف أغفلت ذكر شيخ المنافقين أسامة سرايا؟!
    مبروك المئوية الاولى واتمنى ان يبارك الله جهودك حتى تصير من انجح الصحفيين

  • اسامه

    ههههههههههه
    الفين مبروك يا عسوله


    عقبال الثانويه ان شاء الرب
    يلا اسيبك تذاكر بئه
    سلاموز
    تقبل تحياتى :
    ROONEY

  • Hosam Yahia حسام يحى

    رئيسه حزب الاحلام

    شكرا لمرورك يافندم

    النفاق شئ عادى بس فى بلد زى بلدنا دى

  • Hosam Yahia حسام يحى

    appy

    شكرا لمرورك


    ولا يهمك

  • Hosam Yahia حسام يحى

    حره المداد

    شكرا لمرورك

    موضوع اسامه سرايا الراجل تعبان ومش عايز حد يجيب سيرته الايام دى

    اما ربنا يشفيه

    بقا :d

  • Hosam Yahia حسام يحى

    اسامه باشا

    مش شكرا على مرورك

    بس ايه الصوره دى

    سارقها منين

    :d

  • بنت الاسلام

    عقبال البوست المليون ياحسام

    اما بالنسبة للبانر

    فبقول لا للكل الجرايد

    وربنا ماواخدين من وراها غير تضليل ومكايد وبس

    بلا خيبة

  • Hosam Yahia حسام يحى

    بنت الاسلام

    شكرا لمرورك

    عندك حق

  • حسن مدني

    من قبلهم قال ابن هانئ للأمير
    ما شئت لا ما شاءت الأقدار
    فاكم فانت الواحد القهار

    والعياذ بالله

    وقد ورد في الأثر أن من أعان ظالما سلطه الله عليه

    تحياتي

  • شهيدة

    يعني ملقتش في البوست الميه موضوع غير صحف الحكومة ..


    عقابل المليون في الخير والزياده

    تفرغ للمذاكره معدش فيه وقت :)

  • عاليا حليم

    و الله ياحسام انا اكتشفت ان الصحف القومية و المعارضة تهليس كله فى تهليس

    المهم انا الى بقول كده و انا صحفية اصلا بس المجلة الى بكتب فيها مستقلة لا تبع ده و لا ده



    سيبنا من التهليس
    كل سنة و مدونتك بخير و خلينا باه فى التورتة

  • Hosam Yahia حسام يحى

    شهيده

    شكرا لمرورك

    كنت عايز اكتب حاجات كتير

    لكن مفضتش

    قلت اكتب هيافه

    :D

  • Hosam Yahia حسام يحى

    عاليا حليم

    شكرا لمرورك يافندم

    صح بجد

    بس المستقله احسن مهما كان

  • تايه في وسط البلد

    ايه يا عم الاخوانجي اختفيت فين؟
    مبروك وعقبال التدوينة الالف
    اكتب يا واد واللي يتعرض لك احنا موجودين!!

  • آفاق الحرية

    الف الف مبروك ياعم حسام
    عقبال ما تكبر وتبقي عندها مية سنة
    طبعا المدونة
    هههههههههههه

  • Hosam Yahia حسام يحى

    تايه فى وسط البلد


    شكرا لمرورك

    يا مشجعنا

    اللى هيقرب منى هقولك على طول :d

  • Hosam Yahia حسام يحى

    افاق الحريه

    شكرا لمرورك ياباشا

    ده من ذوقك

    بس مش عايزها تكبر للدرجه دى

    كمان 15سنه بالكتير وهاقفلها


    :d


لو صندوق التعليق مش ظاهر ممكن تعمل ريفرش

next previous