فلتحيا مصر الاولى وتسقط مصر الثانيه








يدهشنى كثيرا ما اجده من تجليات عند اذناب النظام المصرى من رؤساء تحرير الصحف التى تدعى


بالقوميه مرورا بالصحفيين العاديين وصولا الى مذيعى التلفزيون المصرى والقنوات المصريه الفضائيه


الخاصه ....


اجدهم يتحدثون كثيرا عن سمعه مصر التى يجرى تشويهها على النت من المدونات واليوتيوب والفيس


بوك ...والصقوا التهمه بكل من تسول نفسه ان يتحدث عن هموم الشعب بل حتى الصقوها ببعض الافلام


التى حاولت تصوير بعض ما يحدث فى العشوائيات (وان كنت اختلف معها)


اجد ان التهمه اللعينه (اساءه وتشويه سمعه مصر ) لاتقل سذاجه عن التهمه التى يلصقها الصهاينه بكل من


يعاديهم (معاداه الساميه ) لاقيمه لكل من التهمتين


فمن هى مصر ومن هم الساميون (ملحوظه : الجنس السامى اى ابناء سام بن نوح عليه السلام والعرب من


ابناء سام اى انهم ساميون واللغه العربيه ايضا من اللغات الساميه )


مصر المقصود حمايتها من التشويه... من هى ؟


هل هى ارض مصر ام هى حكومه مصر ام شعب مصر ام ساكنى قصر العروبه


اظنهم يقصدون ساكنى قصر العروبه بلفظ مصر .... انا فى نظرى انها ان كانت مصر كذلك فلتسقط


مصر


ام اذا كانوا يقصدون شعب مصر فمن يسئ لمصر اكثر


شويه جروبات على الفيس بوك ام تسئ لها السجون المصريه ومقرات التعذيب اكثر


هل تسئ لها اكثر فيديوهات اليوتيوب ام يسئ لها عبارات النفاق التى يطلقها ماسحى رياله الرئيس من


رؤساء التحرير القوميون جداااا


هل تسئ لها قله مندسه من المدونات (حسب تعبير مجدى الدقاق ) ام قوات الامن المركزى وفرق الكاراتيه


المصاحبه لاى مظاهره


او يسئ لها اكثر مناظر طوابير العيش او يسئ لها اكثر رساله مبارك الى اولمرت يهنئه فيها بعيد ميلاد


كيانه الغاصب ويتمنى له حياه مديده هو وكيانه او يسئ او يسئ الخ........


فلتسقط مصر الاولى وتحيا مصر الثانيه

...................................



من قناعاتى ( لو لم اكن مصريا لارتحت نفسيا )ا
..................................................

45 تعليق:

  • خبيب

    كلامك سليم تماما

    وهم قالوها بأنفسهم !

    ألا تسمعهم وتراهم يقولون : مصر مبارك ؟

    إذن ..

    أنت تشوه صورة مبارك يعني أنت تشوه صورة مصر

    ومن هذا المنطلق :

    ربنا ينتقم من مصر !

  • omaima

    خبيب

    اينما ذهبت اجده سباق ونشيط

    ماشاء الله

    المفروض انى اكتب الكلام دا عنده

    المهم رائعة هذه التدوينة

    ولى سؤال لو لم تكن مصريا

    فماذا تود ان تكون؟

    اختار وعرفنى اختيارك وليه اخترته

  • Hosam Yahia حسام يحى

    خبيب

    شكرا لمرورك

    ياااااااااارب

  • Hosam Yahia حسام يحى

    OMAIMA

    شكرا لمرورك يافندم

    اود ان اكون حساميا من دولتى

    :D

  • محمد مارو

    ايه الحلاوه دى ياد؟

    بتكتب حلو اهوه

    صغنون و سابق سنه

  • Hosam Yahia حسام يحى

    منك نتعلم ياباشا

    مش صغيييييييييير

    ولا حاجه

    هانت كلها 3 شهور وابقا 17 سنه

    :D

  • رحاله

    بجد هايل ياحسام
    كلامك تمام التمام بس بردو سياسه باين وحشك زحل ولا حاجه
    تحياتى ياباشا
    وكل سنه وانتا طيب
    جيلان

  • sun_of_freedom

    ماشاء الله
    اول مرة ادخل المدونة والله لولا ظروف بس الدراسه كنت جملتها كلها


    بس وعد هرجع ارد تانى عليك

  • Hosam Yahia حسام يحى

    رحاله

    شكرا لمرورك

    انا مش عايز زحل انا عايز اورانوس

    ينفع

    :D

  • Hosam Yahia حسام يحى

    شمس الحريه

    شكرا لمرورك

    :)

  • بنت الاسلام

    فلتدع كلامهم جانبا

    وتحليلاتهم بعيدا عن عينيك


    ولتستمر قرير البال

    مرتاح الضمير

    في رسالتك التي اخترتها

    وهدفك التي ترجو تحقيقه

    وتعبيرا عن ذاتك ورايك في كل مايجري حولك

    ولا تلتفت لاحد

    فما احب علي قلوبهم ان تضعف الهمم

    وان ترتخي الاصوات وتنعدم


    مصر هي مصر

    اما الذي يتغير فقط النفوس

    فلتظل نفسك ابية لانك ابنها ومن حق الابن ان يدافع عن امه

    حتي اخر لحظة في عمره

    هنا فقط

    ستنتهي حياتك

    وفد ارتحت نفسيا

    وتفتخر بما فعلت

    تحياتي

  • Hosam Yahia حسام يحى

    بنت الاسلام

    شكرا لمرورك

    صدقت

    بس انا عمرى ما هاستريح فى البلد دى

    انا مكسوف اصلا اما اكلم واحد من دوله تانيه واقول انى من مصر

    (لسياستها الخارجيه)

  • أبا يحيى وادم

    السلام عليكم ورحمه الله وبركاته
    جزاكم الله خيرا يا حسام على الموضوع
    ولى اكثر من تعقيب
    اما الاول فاتفق معك فى ان صور التشويه هى معروفه للكل والمشوهون يعرفون انفسهم جيدا
    أما الامر الاخر فقراته فى تلعيق لك
    اننى افتخر انى مسلم مصرى
    فانا عملت مباشره مع اكثر من 30 جنسيه
    مسلمين وغير مسلمين
    الكل يقدر شعب مصر ويعلم انه به الخير والكل ينتظر تحركه وهضته وهم من خلفه
    وفكم الله فى دراستك وامتحنتك
    والسلام عليكم ورحمه الله وبركاته
    اخوك
    د/احمد جمال

  • عاشقه الاقصى

    يا اخى تمضى القافله والكلاب تعوى

    سيبهم يقولوا اللى يقوله

    مصر اللى هما بيتكلموا عنها مش مصر بتاعتنا

    دى مصر تانيه

    عايزينا نقعد نطبل على كل حاجه يعملوها ونقعد ننفخ فيها واول ما حد يجى يقول رأيه يبقى مخرب وتبع جماعه محظوره او شيوعى او متطرف


    البلد دى عايزه ولد والله

    مقال حلو اوى

    والسلام عليكم

  • ضد الظلم

    خلللهم مصرهم وربنا يخللنا مصرنا
    ينعمو هم بمصرهم وننعم احنا بمصرنا
    ولا حاجه فى الدنيا تهمنا غير حبنا لمصرنا

    تحياتى

    ابوالعربى

  • Hosam Yahia حسام يحى

    ابا يحى وادم

    شكرا لمرورك


    يمكن برده

    :)

  • Hosam Yahia حسام يحى

    عاشقه الاقصى
    شكرا لمرورك


    نجيب منين الولد ده

  • Hosam Yahia حسام يحى

    ضد الظلم


    شكرا لمرورك

    خليك انتا فى مصرك بس

  • mohra

    صدقت والله ..صرت لا استطيع التفريق بين طوابير العيش عندنا و طوابير المعونات الغذائيه بغزه...نفس الصوره و نفس البشر و الله

  • appy

    بص يا حسام طبعا مش هننكر وجود ناس بتبوظ وتفبرك حاجات كتير ودول بيكون لهم بعد تانى فى نقل صورة وحشه عننا
    بس مش كلنا اكيد وفى مصر كده وكده
    بس اللى سيادته بيتكلم عنها مش عارفاها بصراحه ودايما الناس بيتكلموا عن مصر بتاعتنا غير بتاعتهم نفسى بس يدلونى عليها

  • أختكم فى الله

    اخى الكريم حسام

    لو كان انتقادنا لبعض اوضاع البلد يعتبر تشوييه لصورتها واساءة، اومال اللى بيتسببوا فى الاوضاع دى يبقوا ايه ؟؟؟؟؟؟

    والله المفروض هما اللي يتكسفوا من نفسهم

    تدوينة جميلة ما شاء الله

  • غير معرف

    السلام عليكم
    جزاك الله خيرا يا حسام مدونه جميله ربى يجعل كلامك فى ميزان حسناتك

  • Gannah

    لما بدخل مدونة شباب زيك بيكون عندى امل ان مصر هتبقى احسن ان شاء الله
    سيبهم عايشيين فى الوهم و مصدقين نفسهم
    شوية العيال دول هما البقية الباقية من الشعب اللى بيقدر يتكلم وهما مش عايزيين حد يتكلم
    اتكلم ولا يهمك و سمع صوتك للعالم
    تحياتى

  • GiGi

    الله على كلامك
    فعلا انهي مصر اللى بيكتبوا عنهاوبيتكلموا عنها رايي انهم مالهومش يتكلموا عن تراب مش ترابهم

  • Hosam Yahia حسام يحى

    appy

    شكرا لمرورك

    هيا مش موجوده على الخريطه

  • Hosam Yahia حسام يحى

    اختكم فى الله

    جزاكم الله خيرا

  • Hosam Yahia حسام يحى

    غير معرف


    شكرا لمرورك

  • Hosam Yahia حسام يحى

    جنه

    شكرا لمرورك


    مممم

  • Hosam Yahia حسام يحى

    gigi

    شكرا لمرورك

    فعلا

  • Hosam Yahia حسام يحى

    mohra

    شكرا لمرورك

  • Ghada & Rofayda

    فِي كـُلِّ رُكـْن ٍمِنْ رُبــُــوع بـِـــــلادِي

    تـَبْدُو أمَامِي صـُورَة ُالجــَــــلادِ
    مَا عَادَ فِيهَا ضَوْءُ نـَجْــــم ٍ شـَــــــاردٍ

    مَا عَادَ فِيها صَوْتُ طـَير ٍشـَـــادِ
    أحْبَبْتـُهَا حَتـَّي الثـُّمَالـَـــــة َ بَينـَمـَــــــا

    بَاعَتْ صِبَاهَا الغـَضَّ للأوْغـَــادِ


    بس لو خلينا رسالتنا اصلاحها اكيد
    ولازم هتنصلح..وتقولها بكل فخر اناااا
    مصري
    ربنا يعز بيك الامة

  • المستكشف/احمد محسن

    " لو لم أكن مصريا لأرتحت نفسيا "

    ما قال و دل

  • المخبر العام

    انت يا بني مش عارف أخرت السكة دي ايه
    وشكلك صغير ..ومش عاوز أأذيك

  • monaliza

    أحييك على هذا البوست
    فمصر تريد من يدافع عنها ويحررها من ازمة رغيف العيش

  • Hosam Yahia حسام يحى

    غاده ورفيده

    شكرا لمرورك

    يارب

  • Hosam Yahia حسام يحى

    المستكشف


    شكرا لمرورك

  • Hosam Yahia حسام يحى

    المخبر العام

    ياعم مين اللى قالك انا صغير

    وشكرا لمرورك طبعا

    واعمل اللى انتا عايزه يامعلم

    بس انجز عشان انا مخنوق

  • Hosam Yahia حسام يحى

    موناليزا

    شكرا لمرورك

  • بنت الحرية

    بوست اكثر من رائع وكتابته رائعة
    لكن
    مصر دى بتاعتنا وانا معتقدة ان اللى بيحصل فيها دلوقتى دة احنا سبب بردة فيه
    حد يقدر يقولى احنا لغاية دلوقتى معملناش حاجة موحودة يعنى مثلا حركة سياسية تدعو الى الاصلاح بس يشرط تكون من الشعب واليهم وتضم كل اللى عايز يدافع عن بلده من حكمتها الطاغية
    وبردة لا ننسى دور المدونين
    فنحن الان فئة من المجتمع يجب ان يكون لنا تاثير
    بس ياريت نستخدم التاثير دة فى تذكير الناس بلده اللى هى مصر بتاعت زمان
    مصر الحرة
    مش قصدى بكلامى ان الحكومة يا عينى عليها غلابانة لا طبعا
    انا اشهد اننا اقوى شعب عشان عرفنا نعيش معاهم المدة دى
    وربنا يهديهم
    وانتظر حملة اصلاح مصر او انقاذ مصر فى نص الاجازة ان شاء الله
    اختك
    بنت الحرية

  • Hosam Yahia حسام يحى

    بنت الحريه

    شكرا لمرورك

  • rovy

    انت و اللى زيك هما امل مصر بس لازم نعرف ان كل مكان فى الدنيا فيه المخلص والخائن .. مش ممكن نعمم مش كل الناس غلط ومش دايما احنا صح .. لازم نحول حبنا لبناء لبلدنا مش لدمار وهدم
    حب مصر قوى لانها تستحق اننا نحبها مهما قالوا لنا عليها .
    ربنا يوفقك ويحميك
    تحياتى
    rovy

  • وومن

    مش عارفة اعلق واقول ايه
    كل مرة اقرالك يا حسام بابقي عاوزة ارفع لك القبعة
    وطالمااحنا اللي بنشوة سمعه مصر يبقي محدش لو دعوة بمصر بتاعتنا
    زوقوا مصر بتاعتكم زي ما انتم عاوزين ونقسم البلد بلادين
    الله يرحمك يا مينا لو كنت تعرف ان ده هايحصل يمكن كنت فكرت قبل ما توحد القطرين علي الأقل كان الواحد لقي بلد يهاجر لها وتبقي مصر برضة

  • Hosam Yahia حسام يحى

    rovy


    شكرا لمرور حضرتك

  • Hosam Yahia حسام يحى

    وومن

    شكرا لمرورك

    :)

  • موجة

    اعتقد انى لو مكنتش مصريه مااتمناش انى ابقى اى حاجه تانيه....مصر مش بس ارض مصر كل واحد فينا كفايه اننا شعب ليه ارض يبقى السوال الباقى احناادينا ايه لمصر....الاسرائيلى بيحاول يدى ارض مش ليه..لسه احنا وهيبقى دين علينا مش بس كلام


لو صندوق التعليق مش ظاهر ممكن تعمل ريفرش

next previous