وسقط المهر من الاعياء








وما ان أحس المرء بانه قد أفاق من إعيائه الذى كان يحياه بعد أن تلقى صدمه من أحد المقربين اليه ....

فوجئ بصدمه اخرى فى الوقت الذى كان يعد نفسه فيه للتنازل عن اى شئ وان كان يعنى له الكثير من اجل

ان تتركه الصدمات ...

لكن يبدو ان الصدمه الجديده التى من المفترض انها تكون هينه بالنسبه للصدمه الاولى صارت اشد وطأه

منها ليسقط المهر من جديد

ليبدو ان المهر قد كتب عليه انه سيظل ساقطا باقى عمره
.............

انا اسف انى مسمعتش نصيحه واحد صاحبى قالى ان انك هتبحث عن بديل ولكن ان بحثت عنه ستكون

نهايتك احييك بشده عزيزى على فراستك

42 تعليق:

  • غير معرف

    ايه يابنى اللى انتا عايش فيه دا بقولك ايه فكك

    ماشى ياعثل

    تحياتى

    مش مهم تعرفنى

  • Hosam Yahia حسام يحى

    غير معرف

    مش مهم اعرفك فعلا

  • وومن

    حسام
    لكم يؤلمني ويعز علي ان ارك وانت في هذه الحال وتتلقي الصدمة تلو الأخري لكن هذه هي طبيعة حياتنا ولا تظن اني اقلل من صدمتك عندما اقول اننا كلنا مررنا بهذه المرحلة
    لكنها يا صديقي العزيز انت كنت تسمح مرحلة مخاض ثاني نشعر بة ونذكر كل آلامة ونشعر كم عانينا لنكون نحن هذة المرة نخرج نحن من الحياة وتجاربنا لا إليها
    تقبل خالص تحياتي ومودتي

  • أختكم فى الله

    لا الكلام ده يزعل .

    ):

    بقى بعد ما كنت فرحتنا يا حسام المرة اللي فاتت حتزعلنا من تانى

    صدقنى احسن حاجة فى الدنيا انك تفصل معنى القيم عن الاشخاص

    وطبيعى جدا انك حتقابل ناس كتير حيبانولك فى الاول كويسين وبعدين ممكن تكتشف حقيقة انهم مش كويسين ولا حاجة
    المهم انك متفقدش الامل ،والقيم والمعانى متتهزش في عينك

    وراجع الموضوع من الاول خالص لو حاسس انك اكيد مغلطتش فيه خالص يبقى خلاص الشخص ده هو اللي ميستهلش اخلاصك وحبك ليه

    الدنيا فيها خير وفيها شر ، لو كل مشكلة حتواجهك حتقف تحزن علشانها شوية يبقى حتضيع ايام كتير من حياتك وعلى ايه بس !!!

    والله انا كنت لما بتقابلنى مشكلة كنت بزعل واعيط وكنت كمان بتعب اوى ومش باكل بس جيت فى وقت وقلت على ايه بس لازم نبقى فوق مستوى مشاكلنا


    اسنهدى بالله يا حسام وكبر دماغك وحاول متزعلش نفسك

    ربنا يكرمك ويسعدك ويزيح عنك

    معلش طولت عليك بس مستنيين البوست الجديد اللي حتكتب فيه انك مش زعلان وانك حترجع احسن من الاول

  • أختكم فى الله

    معلش يا حسام حطول عليك بس ياريت تقرأ القصة دى ضرورى :

    وقع حصان أحد المزارعين في بئر مياه عميقة ولكنها جافة، وأجهش الحيوان بالبكاء الشديد من الألم من أثر السقوط واستمر هكذا عدة ساعات كان المزارع خلالها يبحث الموقف ويفكر كيف يستعيد الحصان؟

    ولم يستغرق الأمر طويلاً كي يقنع نفسه بأن الحصان قد أصبح عجوزاً وأن تكلفة استخراجه تقترب من تكلفة شراء حصان آخر، هذا إلى جانب أن البئر جافة منذ زمن طويل وتحتاج إلى ردمها بأي شكل. وهكذا، نادى المزارع جيرانه وطلب منهم مساعدته في ردم البئر كي يحل مشكلتين في آن واحد، التخلص من البئر الجاف ودفن الحصان.




    وبدأ الجميع بالمعاول والجواريف في جمع الأتربة والنفايات وإلقائها في البئر. في بادئ الأمر،أدرك الحصان حقيقة ما يجري حيث أخذ في الصهيل بصوت عال يملؤه الألم وطلب النجدة

    وبعد قليل من الوقت اندهش الجميع لانقطاع صوت الحصان فجأة، وبعد عدد قليل من الجواريف، نظر المزارع إلى داخل البئر وقد صعق لما رآه، فقد وجد الحصان مشغولاً بهز ظهره! كلما سقطت عليه الأتربة فيرميها بدوره على الأرض ويرتفع هو بمقدار خطوة واحدة لأعلى. وهكذا استمر الحال، الكل يلقي الأوساخ إلى داخل البئر فتقع على ظهر الحصان فيهز ظهره فتسقط على الأرض حيث يرتفع خطوة بخطوة إلى أعلى. وبعد الفترة اللازمة لملء البئر، اقترب الحصان. من سطح الأرض حيث قفز قفزة بسيطة وصل بها إلى سطح الأرض بسلام.

    وبالمثل، تلقي الحياة بأوجاعها وأثقالها عليك، فلكي تكون حصيفاً، عليك بمثل ما فعل الحصان حتى تتغلب عليها، فكل مشكلة تقابلنا هي بمثابة عقبة وحجر عثرة في طريق حياتنا، فلا تقلق، لقد تعلمت توا كيف تنجو من أعمق آبار المشاكل بأن تنفض هذه المشاكل عن ظهرك وترتفع بذلك خطوة واحدة لأعلى.

  • Hosam Yahia حسام يحى

    وومن


    شكرا لمرورك

    بس دى فلسفه :(

  • Hosam Yahia حسام يحى

    اختنا فى الله


    والله مش عارف اقول لحضرتك ايه

    انا مش هاقول شكرا لمرورك

    هاقول جزاكم الله خيرا على اعتبار ان من قال جزاكم الله خيرا فقد اجزل فى العطاء

    جزاكم الله خيرا على القصه الرائعه

  • ريمان

    حسام

    معلش

    متزعلش منى

    اول مرة معرفش اكتب تعليق على مدونتك

    مش عارفه اقولك ايه

  • الم

    والله يابنى
    انا كل شويه عماله اطلع من صدمه الاقي الي بعديها
    وقسما بالله واقربها النهردة
    هي الحياه كدة
    ملعووووووونه ملعوووووونه وصاحبك عندو حق
    تحياتى ..الم

  • غير معرف

    حسام
    لا تزعل ولا تحزن
    صدقني
    هيفيد باايه الحزن
    كان غير اشطر
    روق كدة وتعالي حط اجزانك واوجاعك على احزاني واوجاع وتعالي نعيط سوا بقه
    جيلي كاستر

  • Hosam Yahia حسام يحى

    ريمان


    شكرا لمرورك


    :)

  • Hosam Yahia حسام يحى

    الم

    شكرا لمرورك

    :)

  • Hosam Yahia حسام يحى

    كاستر

    شكرا لمرورك كده تسيبى التدوين

    :(

  • عاشقه الاقصى

    حسام يحيى

    انا بقالى كتير مدخلتش ويوم ما أدخل الأقيك كده

    والله يا أخى كلنا بنمر بجراح منأقرب والأقربون

    كلنا بنتوجع مش هأقولك كبر انسى وكل ده

    لأنى واحده من الناس اللى تعبت جسمانيا بسبب انى عشت للحظات أفكر فى جراح وأحزان

    لكن لما فوقت وعرفت ان كل حاجه مهما كانت فى ظاهرها وحشه هى خير

    عرفت انى لازم أقوم وأقف من تانى
    والمهر هيرجع يوقف

    وزى ما أخت فى الله قامت

    ماتربتطش القيم بأشخاص

    اوعى والله

    اربط القيم بالحق

    اما حمله الحق قد يخطئوا وقد لايكونوا أهل لذلك

    سامح من قلبك وبجد

    لانك أكيد نفسك فى رضا ربنا

    ربنا يكرمك ويفك كربك

    ومنتظره بوست طلقه من طلقات

    مدونه صوت الحريه

    اختكم
    عاشقه الأقصى

  • Hosam Yahia حسام يحى

    عاشقه الاقصى

    جزاكم الله خيرا يافندم على الزياره دى

    ان شاء الله

  • anas3laa

    أنت بتمر بأزمة ؟ أنا حاسس أنك بتمر بازمة نفسية ؟ عايز اشوفك و أخرج معاك .. كلمني لو معندكش مشاكل .

  • رُدَّ إلى َّ روحى

    والله انا كده زعلت جداااااا

    وشكلك مش عايز تفرحنى بقا

    ربنا يفك كربك وييسر لك امورك ويرجع حسام تانى ياااااارب

    قول
    اللهم انى اشكو اليك ضعف قوتى وقلة حيلتى وهوانى على الناس يارب المسضعفين ويا ربى الى من تكلنى الى بعيد يتجهمنى ام الى عدو ملكته امرى

    قول الدعاء ده للاخر بيخفف كتير

    ونفسى افرح يا اخ حسام فرحنا الله يكرمك

  • حسن محمد توفيق

    ابننا الغالى

    حسام

    سعيد بزيارتى لمدونتك وسعيد بما اطلعت عليه من موضوعات ..وانا اعتقد انك لست فى ازمة او شئ طالما انت تكتب وتبوح بما فى خاطرك اذا هى مشكلات عابرة وليست مشاكل كبيرة او ازمات ..
    هذه وجهة نظرى اتمنى ان اكون صائب وتكون بخير ...شكرا لك صبرك على ما اكتب

  • أبو أسامة المصري ... كباية شاي

    يا صاحب الهم إن الهم منفرج
    ........... أبشر بخير فإن الفارج الله
    ما بين طرفة عين وانتباهتها
    ........... يغير الله من حال إلى حال

  • إسلام

    اجمل كلمة سمعتها في حياتي حول هذا الموضوع:

    الضربة التي لا تقصم ظهرك .. تقويك

    اخي حسام .. ما دمت واقفا على قدميك فأنت ما زلت قويا قادرا..
    تعلم مما مررت به .. واجعلها خبرة تميزك ونقطة تحسب لك لا عليك..

    أتمنى ان اقرأ قريبا ما يبث روحا ايجابية فينا

  • حسام وريمان فى هاكونا مطاطا (قبل ما نخش ارض العزه )ا

    حسام

    انت فين

    ارض العزه فى انتظارك

  • شهيدة

    لا نهايه باذن الله

    صدقني يحدث اكثر من هذا ونقوم من جديد .. فقط تذكر ان الدنيا كلها تسقط من حولك لكن الله وحده هو الحق وهو الاعلم بك وهو من يداويك ...

    واعلم انه يكلؤك برعايته ..

    لك الحق في بعض التأمل الحزين .. لكن لا تبق كثيرا على هذا وقم من جديد

    ابق بخير .. ودعواتنا معك

    رعاك الله

  • GiGi

    المهم انك تكتب وتفرغ اللى جواك وارجوك اعمل زي مادينا بيقول تفاءلوا بالخير تجدوه وماتسمحش لاى حاجه تكسرك
    ربنا يهديك ويوفقك ويكرمك يارب

  • بطوط حبوب

    السقوط يجيده كل الناس حتى الحمقى

    اما الوقوف ثانيه لا يجيده الا الصفوه

  • Ghada & Rofayda

    اولا..الدنيا لا تستحق ان تحزن على شئ فيها

    ثانيا..الشدائد تصلح من النفس بمقدار ما تفسد من العيش....

    ثالثا..اهل المبدأ الحق تزيدهم الشدائد ايمانا الى ايمانهم..وليس انفع امام الدواهي من قلب شجاع..فان المقدام الباسل.. ثابت الجاش... راسخ اليقين... بارد الاعصاب ...منشرح الصدر

    رابعا..ردد دوما

    تنكر لي دهري ولم يدر انني...
    أعز واحداث الزمان تهون...
    فبات يريني الدهر كيف اعتدؤه...
    وبت اريه الصبر كيف يكون....

    واهتف للزمان

    ان كان عندك يازمان بقية...
    مما تهين به الكرام فهاتها....

    اخيراااا....وعذرااااا....على الاطاله

    اعترض بشده على العنوان ربنا مايحكم على المهر بالسقوط....وزعلك يعز علينا...لك منا الدعاااااء...

    طمنا عليك......

    وعسى الحزن ما يعرف دربك...
    دمت سعيدا......

  • رُدَّ إلى َّ روحى

    اخى حسام

    ربنا يرجعك بالسلامة يااارب

    وبجد قلقنا عليك جدااا طمنا عليك

  • rovy

    صدقنى لازم تطلع نفسك من الحزن اللى انت فيه و لازم تعرف ان الحياه مليانه نماذج مختلفه و مش كل الناس حتجرحك اكيد حتلاقى ناس كويسه بس انت اصبر و اترك حملك على الله .
    ربنا يوفقك و يرزقك السعاده ..
    خالص تقديرى و اطيب امنياتى
    تحياتى
    rovy

  • فزلوكة

    هوا أنا يمكن مش فاهمة الملابسات بالظبط
    لكن هقولك على حاجة

    الصدمات هى من تصنعنا
    مش كلام إنشا , بجد بعد ما بتمر اللحظات الصعبة دى بنلاقى نفسنا مجروحين ..زعلانين
    لكن بكل تأكيد مستفيدين

    حضرتك تقدر تستفيد من كل هذه الصدمات
    بس نصيحة
    حاول ألا تخسر أحدا أو شيئا أو فكرة فى الطريق
    والأهم
    جاهد ألا تخسر
    حيام يحيى

  • Hosam Yahia حسام يحى

    انس علاء

    انتا هتأزمنى ليه

    :d

    دى بس جرعه كان لازم اخرجها

    انا عندكوا كل يوم العصر بس انا شبح مش بظهر

    :d

  • Hosam Yahia حسام يحى

    رد الى روحى


    يااااااااااااااه

    مش تعودينا على التعليقات كل بوست بقا

    كده هناخد عليها

    :d

  • Hosam Yahia حسام يحى

    حسن محمد توفيق

    شكرا لزيارتك يافندم

    :)

  • Hosam Yahia حسام يحى

    ابواسامه

    شكرا لمرورك

    :)

  • Hosam Yahia حسام يحى

    اسالام

    شكرا لمرورك

    :)

  • Hosam Yahia حسام يحى

    حسام وريمان

    شكرا لمرورك

    انا جاى بس انتى عارفه طبعا ان الطريق طويل اوى

    انا واخدها على رجلى

    بس انا عايز ظبط وربط اما اجى

    مش عايز الاقى الموضوع خارج السيطره

  • Hosam Yahia حسام يحى

    شهيده

    شكرا لمرروك يافندم

    حاضر ان شاء الله :)

  • Hosam Yahia حسام يحى

    gigi

    شكرا لمرورك

  • Hosam Yahia حسام يحى

    بطوط حبوب


    شكرا لمرورك

    :)

  • Hosam Yahia حسام يحى

    غاده ورفيده

    شكرا لمروركما

    جزاكم الله خيرا

    :)

  • Hosam Yahia حسام يحى

    رد الى روحى

    شكرا لسؤالك

    :)

    انا بخير الحمد لله

  • Hosam Yahia حسام يحى

    روفى

    شكرا لمرورك

    :)

    ان شاء الله

  • Hosam Yahia حسام يحى

    فزلوكه

    شكرا لمرورك

    ان شاء الله

    :)

  • حسن حنفى

    عندما كنا فى سنكم ياحسام كنا اكثر تفاؤلا كنا نحلم بانتصار الاسلام كنا نشعر أننا ورثة رسول الله صلى الله وأننا حاملى النور للبشرية كلها وكنا ولازلنا موقنين بانتصار أمتنا وانتصار دعوتنا وكنا ندعوا الله ليل نهار أن نكون جزءا من هذا النصر القادم ولهذا لا يعجبنى أن يسقط المهر اعياء فأصحاب الدعوات أبدا لاينحنون وفى أحمديس خير شاهد..نحن ننتصر..نستشهد لكن أبدا لانسقط.


لو صندوق التعليق مش ظاهر ممكن تعمل ريفرش

next previous