اسمع كلامك أصدق اشوف كلامك استعجب








اعلانات تملأ التلفزيون والراديو والصحف واهتمام غير عادى فى برامج التوك شو ....


لا اتكلم عن الزعيم قائد الضربه الجويه ولا اتحدث عن الوريث


اتحدث عن الشخصيه التى أزاحت كمال الشاذلى والتى ظن كثير من الناس ان الشاذلى هو


الامبراطوريه

التى لاتغيب عنها الشمس الا ان الامبراطوريه غابت عنها الشمس بل غابت


عنها الميه والنور ايضا فى اول صدام مع بطلنا !!!!



احمد عز

امبارطور الحديد فى مصر والمسيطر على 65 % من الماده الاساسيه فى تركيب


الحديد


حديد عز الشركه الخاصه بالامبراطور التى تحتكر الحديد فى مصر بنسبه 70 %


احمد عز عازف الدرامز فى احد فنادق القاهره الشهيره وال ذى انتقل بسرعه صاروخيه


من مجرد مالك محل بسيط الى محتكر الحديد الاوحد فى مصر



احمد عز الصديق المقرب من جمال مبارك



احمد عز الذى باشاره من اصغر اصابع يده

يقف مجلس الشعب على راسه مثل ( الزغره


التى وجهها لنواب الوطنى فى مناقشاتهم عن قانون الضرائب العقاريه والتى غيروا بسببها


اراءهم فى سابقه من نوعها )


احمد عز الذى يكرهه المصريون اكثر من كرههم للذين حضروا عفريته


احمد عز السياسى الممتاز فى الاقناع

الذى لو تكلم معه احد الخانقين منه والكارهين له



والراغبين فى قتله لخرجوا بعد حوارهم معه بفكره عن الرجل بانه السياسى الوحيد فى


مصر القادر على اخراج البلد من نكبتها الحاليه



احمد عز

صاحب التيار الثالث داخل اروقه الحزب الوطنى بعد تيار الرئيس الاب وتيار الرئيس الابن صار هناك تيار الامبارطور الغامض


احمد عز الذى اظن انه سيجعل جمال مبارك يردد هذا المثل طويلااا ( سمن كلبك يأكلك )

...................................


هذا هو ماضى احمد عز وحاضره ..


.اما مستقبله فغامض مثله لا يعلمه الا الله



يتكلم احمد عز وتتكلم اعلاناته ان سعر طن حديده هو الاقل فى مصر وان مصانع حديده


تبذل اقصى طاقاتها من اجل زياده انتاجاها وهذا ما حدث فعلا حسب تصريحاته حيث قال


بان انتاجه زاد بنسبه 40% عن السنه الماضيف فى نفس ذلك الوقت من السنه


بل وتحدث بان انتاج الحديد يواجه مشكله ولا يستطيع حديدوز مصر احمد عز حلها حيث


قال بانه للاسف (!!!) لا يسيطر سيطره كامله من اجل ضبط السعر


لاافهم هل يطالبنا الحديدوز بالدعاء والتضرع الى الله من اجل ان يسيطر سيطره كامله من


اجل مصلحتنا !!!!!



لا اجد مااعقب عليه على تصريحاته الاخيره الا اسمع كلامك اصدق اشوف حديدك استعجب !!!!!

67 تعليق:

  • ريمان

    اول تعليق

    حجززززززززززز

    راجعه تانى يا حسام

    سلام مؤقت

  • free lotto

    Your blog is very creative, when people read this it widens our imaginations.

  • lotto results

    Such a nice blog. I hope you will create another post like this.

  • بنت الاسلام

    سبقتني

    بجمع معلومات وكنت هنشره قريب

    بس يالا

    احمد عز حديث الموسم

    خليه هو يعيش

    والناس تصرخ عاوزين حديد


    بس بجد

    اتولد علي ايديه حاجة مش ممكن ننساها ابدااااااااا

    الاحتكار وسياسته

    ولعبها صح

    لعبة السلطة اللي بتحمي المال

    اما نشوف بكرة بقي

    جايز يزهق من احتكار الحديد

    يحتكر حاجة تانية


    ربنا يستر

  • anas3laa

    أنت بتقول أنه سياسي محنك وغاية في الإقناع .. أن اختلف معاك تماما و الدليل لو شفت حلقة العاشرة مساء اللي طلع فيها أحمد عز مجاوبش على أي سؤال ولا قال حاجة و الناس كلها مكنتش مقتنعة بكلامه ده حتى المذيعة قالت له أنا بصراحة مش مقتننعة بكلامك .. ولما ييجي يتكلم ويقول الحديد في مصر سعره أقل من السعر العالمي يبقى لازم نشوف رواتب الموظفين في مصر عامله ازاي بالنسبة للرواتب العالمية .. الحديد دلوقتي مش موجود في السوق أصلا اللي عايز يشتريه لازم يشتريه م السوق السودة .. نهارك أسود يا أحمد يا عز

  • Hosam Yahia حسام يحى

    ريمان

    شكرا لحجزك

    :d

  • Hosam Yahia حسام يحى

    free lotto....lotto results

    ...........

  • Hosam Yahia حسام يحى

    بنت الاسلام

    خلاص مستنينك

    :d

  • Hosam Yahia حسام يحى

    انس علاء

    ايوه فعلا لم يكن موفق فى برنامج العاشره مساءا

    :d

    ادعى انه يكون موفق فى احتكار الحديد

    عشان يرخصه

    :d

  • اصحى يا نايم

    اتفق مع أنس فى ان احمد عز ليس سياسسياً وليس محنكاً ... ـ
    بس بلاش النهار الاسود ده


    واتوقع ان عز هياخد فترته ويخلع زى الشاذلى بالضبط .. وكلهم فى النهاية قطع شطرنج



    دمت فى رعاية الله

  • أختكم فى الله

    والله يا حسام انا اول مرة اعرف حكاية انه كان عازف درامز دى

    موهوب من يومه ..

    والله موضوع فى منتهى الجمال

    سلمت يمينك

    (:

  • Hosam Yahia حسام يحى

    اصحى يانايم

    انا قلت انه محنك

    والا لما كان وصل الى ماصار اليه الان

  • ريمان

    حسام

    ازيك

    بوست رائع والله

    وزى ما قالتلك بطه ان احمد عز جايز يزهق من احتكار الحديد

    بس سيبك انت من احمد عز وخليك بقه مع هاكونا مطاطا

    عايزين ننزل بوست يا حسام

    يلا

  • Hosam Yahia حسام يحى

    اختكم فى الله

    شكرا لمرورك

    اتمنى يكون المقال عجب حضرتك

    وهوا فعلا ممير اوى الراجل ده

  • Hosam Yahia حسام يحى

    ريمان

    حاضر

    :d

    ههههههههه

    ماشى

  • م/ أحمد مختار

    اخي حسام
    تدوينة ممتازة ..... وهذه الزيارة لي على ما اظن ، لي تعليق صغير :

    لوجو تفوووو اسرائيل لا يجوز اطلاقا -حتى وان كنا كلنا نلعم ما تقصد - لان اسرائيل هو نبي الله يعقوب !!!!

    قل تفوووو صهيون
    قل تفوووووو دولة الاحتلال
    قل تفوووووو يا قتلة الانبياء
    قل تفووووو......ما شئت
    لكن اسرائيل هو نبي الله يعقوب عليه السلام
    (( رفع عن امتي الخطأ والنسيان وما استكرهوا عليه ))
    جزاك الله خيرا

  • Hosam Yahia حسام يحى

    م - احمد مختار

    شكرا لمرورك يافندم

    بس الوقتى مصطلح كلمه اسرائيل يراد بها الكيان الصهيونى وليس نبى الله داوود

    وجزاكم الله خيرا

    :)

  • GiGi

    المشكله ان حتى البرامج اللى كنا بنحس انها بتتكلم عننا بقت دلوقتى فاضيه لاستضافه احمد عز بل والتسابق من اجل عمل الحوارات معه
    وكل مافيها انه يحتاج الى اعانه من الهلال الاحمر كي يقدرعلى مواجهه ازمه رغيف العيش
    شفت الزمن قال احمد عز عايزنا نعذره طيب احنا مين يعذرنا

  • حسام يحى

    gigi

    شكرا لمرورك يافندم


    لنا الله

  • smsm

    ازيك يا استاذنا

    بجد انا بحترمك جدا وبحترم مقالاتك

    بالذات انها سياسية

    وبتختار احسن شخصيات تتكلم عنها


    ولا اقلك بلاش خوف

    ازبل شخصياااااات في العالم

    ناس فضلهم سنه ويشريوا دم الغلابة

    ربنا ينتقم منهم يارب

    بحق كل فقير شايف الذل

    وكل مريض مش لاقي علاج

    ودول بينهبوا بالملاين منهم لله

    وشكرا لزيارتك المستمرة ومتبعتك لدونتي يا استاذنا


    اختك

  • م/ أحمد مختار

    الاخ حسام
    اولا جزاك الله خيرا على تصليح المعلومة المهذب نعم نسيت هو نبي الله داوود .
    ثانيا : الاسلام يعلمنا الانضباط في اللفظ ، يعني ما ينفعش انطق كلمة كفر مثلا تحت بند انه اصبح لها معنى مختلف ....

    ثم حتى لو كانت الدلالة معلومة فلا تقال هكذا لكن اضف كلمة دولة لتصبح :تفووووو دولة اسرائيل

    سافرض معك ان فاجرا معلوم الاسم يكثر من الافساد في الارض واسمه محمد هل يمكن ان اعمل لوجو : تفووووو محمد
    دون تعيين محمد مين ؟!!!
    الامر كله تادب مع انبياء الله ، ومش معنى ان شعبان قال بكره اسرائيل يبقى صح :)

    يعني ....ارى انه لا يصح اطلاق اللفظ هكذا دون اضافة كلمة دولة الى اسرائيل من باب التأدب مع انبياء الله .
    جزاك الله خيرا

  • appy

    يا حسام الطفل المعجزة ده قعد قدامى فى التليفزيون جابلى هطل بجد ومش عارف يتكلم ولا يرد عارف اللى حافظ مش فاهم هو كده
    وده بقى حال كتير من الوزراء فى حياتنا المنيله دى

  • حسام يحى .....مدونه صوت الحريه

    smsm

    شكرا لمرورك :)

    فعلا هو شخصيه عظيمه وزباله

    :d

  • حسام يحى ......مدونه صوت الحريه

    م \ احمد مختار

    معلش يافندم

    انا كتبت كلمه نبى الله داوود غلط
    هيا كانت زى ماحضرتك قلت نبى الله يعقو

    :d

    حاضر


    بس انا على ما اظن لم اتهم احدا بالكفر

    :)

  • حسام يحى

    appy

    شكرا لمرورك يافندم

    هوا كمان طفل معجزه

    ده امكانياته كتيره بقا

    :d

  • الم

    ياااااااااه
    دة البوست كل حته مكتوب فيها احمد عز
    باين والله اعلم بيتكلم عن احمد عز
    هههههههههههههههههه
    ممتاز دايما ياحسام
    ربنا معاااااااك
    سلام

  • Hosam Yahia حسام يحى

    الم

    شكرا لمرورك

    اه فعلا بيتكلم عن احمد عز

  • وومن

    شوف يا حسان انا فاكرة لما كنت في 3 جامعة كان عندنا دكتور بيدرسلنا محاسبة تكاليف وبيدلنا مثل بالحديد وعلاقتة بالعولمة وان شركات الحديد في مصر بطالب شركات من أوربا بغرامات اغراق علشات بصدرلنا الحديد أأقل من سعر في السوق
    لحد الوقت ده مكنش حد سمع عن احمد عز بس اول مكسبوا القضية واتقفل استيراد الحديد نمنا وصحينا لقينا أحمد عز بقي فوق روسنا
    تفتكر دة معناه إيه ؟

    تحياتي علي البوست الجامد

  • حسام يحى ....مدونه صوت الحريه

    وومن

    شكرا لمرورك


    السبب انتى اللى تقوليه

    :d

  • أميرة محمد محمد محمد

    هذه هي بلدنا وهؤلاء هم حكامنا
    ربنا يخلصنا

  • مشتاقه للجنه

    السلام عليكم ورحمة الله
    ازيك يا حسام اخبارك؟
    انت لسه فى البيت ولا فى ابو زعبل.....

    بصى يا حسام نصيحه من اختك الكبيره لازم تكون مجهز العيش والحلاوه فى البيت محدش ضامن الظروف يا اخى مش كده برضه.

    بجد موضوع جميل وحسبنا الله ونعم الوكيل فى احمد عز واعوانه ومن يرؤسهم.
    وان شاء الله نشوف فيهم يوم .

    يلا سلام عليكم

  • طالبه الفردوس

    السلام عليكم

    ربنا يرحمنا برحمته

    كفاه بس ان المحتكر ملعون ازاى يقدر يعيش فى الدنيا وهو ملعون

    ربنا يعافينا

    موضوع جميل يا حسام جزاك الله خيرا عليه

  • كريم عاطف

    بص يا اخي أحمد عز مش تيار لوحده ولا حاجة، واحنا كده بنديله اكبر من حجمه، هو مجرد أداة في ايد عائلة مبارك لا أكثر يعني لولا موافقتهم ماكنش هيصعد ويبقى أمين التنظيم في الحزب ولا كان هيبقى ليه كل النفوذ والسيطرة دول

  • نونو

    انا مش فاهمة
    الناس بتحقد ليه على احمد عز
    الراجل لا عمل ازمة لمصر ولا الحديد محتكره ولا مجلس الشعب في جيبه ولا اي حاجة
    ايه دة
    مشش سمعت انه هيحتكر السبانخ اصلها مليانة حديد
    هههههههههههههههههههههههههه
    تحياتي

  • Hosam Yahia حسام يحى

    مشتاقه للجنه

    :d

    لسه فى البيت فعلا

    :d

    يااااااارب
    ........
    وعليكم السلام

  • Hosam Yahia حسام يحى

    طالبه الجنه

    شكرا لمرورك يافندم

    :)

    وجزاكم مثله

  • Hosam Yahia حسام يحى

    اميره محمد محمد

    شكرا لمرورك

    :)

    يااااااااارب

  • Hosam Yahia حسام يحى

    كريم عاطف

    شكرا لمرورك
    :)


    لئه ده حجمه

    بس انتا كنت تشوف الحزب الوطنى ايام المحليات عامل زاى وهتتاكد

    :d

  • Hosam Yahia حسام يحى

    نونو


    لا عزاء للحاقدين

    فكره السبانخ دى جامده

    هاقول لابنه يحتكرها عشان يخلص انتاج الحديد الطبيعى والصناعى

  • Gannah

    يعنى بجد مصر مكنتش ناقصه عز اللى بقى كله عز والشعب من سيىء الى أسوأ وايه وشه حلو كل حاجة غليت والحديد ولع وياعينى الغلبان مش عارف يسيطر على الاسعار
    المصيبة ليكون الرئيس القادم ساعتها هيخلينا ع الحديدة
    تحياتى

  • rovy

    ازيك يا حسام ..
    مواضيعك كلها جامده جدا .. احييك عليها بجد .
    اما موضوع الحديد ... فربنا يرحمنا برحمته من الاحتكار و المحتكرين ..

    تقديرى و تحياتى

    rovy

  • حسام يحى ....مدونه صوت الحريه

    gannah

    فعلا يافندم على الحديده

    :d

  • حسام يحى .....مدونه صوت الحريه

    rovy

    ده منذوقك بس يافندم

    هوا احمد عز قليل

    :d

  • م/ أحمد مختار

    اخي حسام
    انا لم اقل انك نطقت كلمة كفر متعمدا او واعيا للمعنى كل ماقصدته :
    تفووووو اسرائيل هي نفسها في المعنى تفوووو يعقوب ، وسب الانبياء كفر باجماع العلماء .....

    لكن يا فندم انت ماقلتش كلمة كفر ان شاء الله بل ولم تعني هذا قطعا ،واسف اذا كان هذا فهم من كلامي.

    وجزاك الله خيرا وبارك فيك .

  • نسرين - أمة الله

    السلام عليكم
    عارف يا حسام انا لما دخلت عندك قولت ايه يعنى 16 سنه حيكتب ايه
    بس اتريها فعلا مش بالسن
    ربنا يحميك
    خاف على نفسك الناس دول مبيعرفش يكلموا دول فعل على طول
    بس بجد بوست فى الجون
    انااول مرة اعرف انه كان عازف درامز دى
    مش انا عرفت ان موضوع البوست اللى قبل كده كان على مصنع سماد
    مش كده صح
    منك نستفيد يا افندم

  • حسام يحى .....مدونه صوت الحريه

    م \ احمند مختار

    ممممم
    جزاكم الله خيرا على الافاده يافندم

    :)

    منكم نتعلم يابشمهندس

  • حسام يحى

    نسرين امه الله

    :d

    جزاكم الله خيرا يافندم


    بس انا بقا عندى 17 الا 3 اشهر

  • حسام يحى

    اه صحيح

    فعلا يافندم

    كان مصنع للكيماويات

  • فزلوكة

    أول ما عرفت إنو هيجى فى برنامج منى الشاذلى وقبلها إعلاناته

    أيقنت إن هما ناويين يمسكوه حاجة جديدة
    لإن حملة التلميع دى أكيد وراها حاجة

    بس والحق يقال الراجل عنده قدرة إقناعية عالية
    وبرضوا إحنا عندنا قدرة إستقبالية أعلى
    بنتعاطف مع إللى سرقينا بشكل غير طبيعى

    ::::::::
    بالتوفيق دائما
    على فكرة عجبنى البوست إللى فات
    ماشاء الله فعلا

  • حسام يحى

    فزلوكه

    شكرا لمرورك يافندم

    الحمد لله انه عجب حضرتك

    :)

  • Ahmed Al-Sabbagh

    أنا جاى وانا عارف انى هقرا تدوينة جامدة من تدوينات حسام

    والله مش عارف اقولك ايه

    احنا بنكرهه وبنكرة اللى حضر عفاريتة وبنكره عفاريتة كمان

    تحياتى لك

    احمد

  • عاشقه الاقصى

    محدش عارف بكره مخبى ايه يارب يبقى أحلى من النهارده ويفك أسر مصر من أمثاله

    والله المستعان

  • حسام يحى

    احمد الصباغ

    شكرا لمرورك يافندم

    فعلا انا بكرهه وباكره عفاريته وبكره حتى عفاريت جيرانه

    :))

  • يمنى

    ممكن حضرتك تدخل تشوف الاعلان الموجود على مدونتنا

    ولو أمكن ... تنزله عندك في المدونة

    http://khadega2000.blogspot.com/

  • حسام وريمان فى هاكونا مطاطا (قبل ما نخش ارض العزه )ا

    يمنى


    حاضر يافندم

  • نارا

    أيامه معدودة ..

    وأدينا مستنيين

  • العسكري عتريس

    دعوة لحضور المناقشة المفتوحة للمدونين عبر غرفة شرقاوي اون لاين علي البالتوك ، سيدير حلقة النقاش الاستاذ الدكتور إيهاب إبراهيم استاذ المسالك بكلية الطب وصاحب مدونة فليعد للدين مجده ، وذلك في تمام العاشرة مساء اليوم الجمعة 4 يوليو والدعوة لمناقشة موضوعات المدونين المختلفة .
    اقرأ المزيد علي شرقاوي أون لاين موقع طلاب جامعة الزقازيق
    http://www.sharkawyonline.com/Articalshow.asp?NewsID=2223&Categories_ID=17

  • حسام يحى ...مدونه صوت الحريه

    عاشقه الاقصى


    شكرا لمرورك

    ياااااارب

  • حسام يحى ...مدونه صوت الحريه

    نارا

    ان شاء الله

  • حسام يحى ....مدونه صوت الحريه

    العسكرى عتريس

    شكرا لمرورك


    حاضر يافندم

    هاصطب البالتوك مخصوص
    عشان احضر

  • بحب كل الناس

    السلام عليكم اخى حسام
    مش عارف اد ايه الواحد بحتاج يقراء موضيعك



    بس شخصية اليوم انت ظالمها شوية يارجل بقى لما طن الحديد يغلى و اسموا ايه ده........ اه الاستثمار يزيد مش هنزود الدخل لمصرهم المحروسه

    والشركات تزيد ويبقى فى انفتاح على الهوا....لا لا على العالم


    بلاش النظرة السودة دية
    بكرةالشعب يخلص وينتهى والحديد موجود اللى عاوز يبنى مقابر سوبر لوكس مش هيعرف برضوا عارف ليه ................................


    لان هيكون فية الف عز وعز اذا محدش اتحرك


    وسلامى للمحروسة عزبة لجنة السياسات بالحزب الغير وطنى

    مصر سابقا....

  • حسام يحى ...مدونه صوت الحريه

    بحب كل الناس

    شكرا لمرورك

    فعلا البلد محتاجه عشره من عينه احمد عز

  • نهر الحب

    احمد عز
    ظاهرة مصرية غير جديدة فكل كام سنة يطلع حد يسرق الاضواء ويحرق الدم
    دا عادى يعنى اما حاضرة وماضية ومستقبلة
    فاغلب الناس اللى طلعت فى حب مصر وشعبها وتربها
    كلهم بنفس القصةة غموض فى كل شئ الظاهر بيدارو على شمعتهم عشان تولع وتحرق الشعب كله
    اقول اية غير لاحول ولا قوة الا بالله
    بوست جميل كالعادة

  • حسام يحى

    نهر الحب

    ههههههههه

    فعلا دارى شمعتك تولع فى الشعب كله

    :d

    الله يكرمك

  • اوعى تفكر

    قال بانه للاسف (!!!) لا يسيطر سيطره كامله من اجل ضبط السعر
    .........................
    هو منتظر ايه يعنى لما يكوش على ال 30% التانيين وبعد كده يضبط الاسعار سعادته

  • حسام يحى

    اوعى
    تفكر


    تمام ده المقصود

    عرفت فالزم

  • art

    اصراحة مشوفتش احسن من هذة المدونة تحيات bosydream@yahoo.com


لو صندوق التعليق مش ظاهر ممكن تعمل ريفرش

next previous