القيل والقال وان تسئلوا عن اشياء ان تبد لكم تسؤكم









لا اعرف ماهو المحرج والمسئ لجماعه عدد منتسبيها يقدروا بمليون عضو وملايين المؤيدين من انتقاد عدد من افرادها لفكر الجماعه او لقرارت او حتى المطالبه بمراجعات فكريه فى نقاط معينه من منهج الاخوان !!!!
............................................

عندما يقول احد رايه على النت انتقادا او شكرا للجماعه اظنه ليس شيئا معيبا فعلى الارجح المدونات وظيفتها انها تعبر عنك عن شخصيتك وفكرك ورؤيتك لمن حولك فما العيب ان تقول انك تجد شيئا معيبا فى جماعتك وتطرح رؤيتك لاصلاحه هل يعتبر هذا انقاصا لجماعتك !!!
..........................................

هل من المفترض ان يظن الناس من حولنا اننا (الاخوان ) اناس ملائكيين لايخطئون استعارتهم الارض من الجنه ايام معدودات ليصلحوا الارض ثم يعودون الى الجنه مره اخرى !!!!

ما العيب ان اقول
انى معترض سواء كان هذا علنيا او سريا ....
هل الاعتراض خطأ هل يجب ان أفهم انه لامكان للمعترضين داخل صفوف الجماعه او ان الجماعه لاتتشرف انها تضم امثالنا من المتخلفين فكريا الذين يريدون قلب نظام الحكم
(اقصد نظام الجماعه ) وتشويه سمعه مصر ( اقصد تشويه سمعه الجماعه )


عندما تسأل سؤالا او تعترض اعتراضا داخل قواعدك تجد الاجابه الرتيبه المنطقيه جدا
(ياايها الذين امنوا لاتسئلوا عن اشياء ان تبد لكم تسؤكم )

وعندما تعترض فى العلن تجد الرد الاكثر رتابه ومنطقيه
(الاعتراض مش مكانه هنا عندك مشكله روح قولها لمسئولك )
او
(اما تكون عايز تفكر فكر لوحدك او اعترض بصوت واطى)

من المفروض اننا جماعه ديموقراطيه نضم رؤى وأفكار متناقضه (شئ طبيعى )
لكن عندما
يتكلم احد المدونين عن هذا الامر ان الاخوان فيها تيارات وفيها اصلاحيين ومحافظين
وراديكاليين وبرجماتين وصقور وحمائم ويمين ويسار تجد انه يتم تخطيئه على انه ارتكب
جريمه فى حق جماعته
فكيف يفكر كذلك الاخوان نفس الاستمبات الفكريه او قوالب بمعنى اصح نفس المقاسات
الفكريه !!!!!!!

.....................................................

كيف نفكر باننا كجماعه كبيره نفس التفكير من الطبيعى جدا ان يكون بيننا اختلافات فى الرؤيه كبيره وهذا ليس عيبا على الاطلاق

وما العيب ان تقول انك معترض على موقف من المرشد ... هل المرشد معصوم من الاخطاء بالطبع لئه
....................................

يتحدثون ان اخطاءه كثيره لكثره ظهوره اعلاميا .... وان تلك المشكله تم حلها وذلك بتعيين فريق من المستشارين الاعلاميين له
(شيئ طبيعى حسنى مبارك برده عنده )
ولكنهم بعد كل خطأ بعد تعيين هذا الفريق يقولون ان المرشد اعصابه تنفلت سريعا بعد اى
سؤال استفزازى !!!!

....................

معذره الموضوع افكاره مش مرتبه اصله كان واقف فى زورى من زمان وعايز اطلعه

....................

شريط الاهداءات

كل سنه وانتا طيب يامرشدنا (وعقبال مليون سنه )بس مش فى عهد مبارك

ربنا يفرج عنك يابشمهندس خيرت

114 تعليق:

  • ammar

    للاسف اول تعليق
    المهم
    يااااااااااااااااعم
    حسااااااااااااااام
    الكلام ده
    مش فى مكاااااااااااااااا
    ااااااااااااااااااااااااااااا
    ااااااااااااااااااااااااااااااااا
    ااااااااااااااااااااااااااااااانه
    اه والله مش فى مكانه
    هههههههههههه
    تحياتى
    ع
    م
    ا
    ر

  • وومن

    حسام

    يعني هو انا مش اخوان بس جميل جداً انك تعبر عن رأيك وترتب افاكارك وتعترض وتناقش

    كلنا عندنا عقل وطريقة تفكيرنا مختلفة دي حقيقة محدش يقدر بنكرها

    خالص تحياتي

  • رُدَّ إلى َّ روحى

    اخى الفاضل

    تعودنا من الاخوان على سعة الصدر

    وان كان بداخلنا اى تساؤل نسأل ونجد الاجابة

    حتى لو لم تجد عند مسئولين اجابة فهناك طريقة اسمها " اتبع نموذج المدرسة" بمعنى لو عندك ابن وعايز تدخله المدرسة والمدرسة مش موافقة هتعمل ايه؟

    اكيد هتصمم لغاية ماتدخله المدرسة حتى لو ذهبت لمدير الادارة التعليمية صح؟

    كده الحال ايضا فى الاخوان لو عندك تساؤل او طلب ولم يجاب من مسئولينك اذهب للمسئول الاكبر والاكبر لغاية ما توصل لاجابة

    لكن اخى الفاضل نشر اى تساؤل باسلوب نقدى على النت انا مش معاك فيه خالص

    لان الغامض عندك ممكن يكون غامض جداااااا عند غيرك ويمكن انت فى وقت تتضح لك الرؤية الصحيحة فى وقت يكون الاخر لازال الغموض يلتبسه علشان النقد العام ده

    محدش بيمنعنا ننقد ولكن فى مكانه

    ربنا يوفقك ياااارب ويسعدك دائما

    مدونة رد الى روحى

  • حسام يحى

    ammar

    نو كمنت

    ياراديكالىىىىىىىىىى

    هههه

  • حسام يحى

    وومن

    شكرا لمرورك


    :)

  • حسام يحى

    رد الى روحى

    سبق السيف العذل

    :d

    مش بالسهوله دى والله

    واظن حضرتك فاهمه انا قصدى ايه ؟!!!

  • عبدالهادى_سارة

    السلام عليكم..
    انا معاااك جداا في كلامك ده ..لاننا بشر والبشر يخطئون

    انا من الاخوان وكل حاجه لكن اختلف معاهم في حجات كتيير
    وبحب حجات اكتر ..واعتقد ان ده مفهوش حاجه خالص
    بس يا حسام لو عندك مثلا اشكال في فهم مسئله اسئل حد تكون انت قريب منه وتفهمه ويفهمك لان ممكن اي حد لمايشوف تسائلك ممكن يقول والعياذ بالله انك منافق
    يعني بتدعي انك من الاخوان وانت ضدهم ..فانا بقول حاول توصل لحد انت قريب منه عشان تفهم وجهة نظرته ويفهم هو كمان وجهة نظرك

    تحياتي ..سارة

  • حسن حنفى

    حسام
    انا معاك في الكلام اللي انت قولته وشايف ان انت معاك حق
    ملحوظه ( انت كده هيطردوك )
    هههههههه
    تقبل مروري

  • حسام يحى

    ساره

    شكرا لمرورك

    بصى يافندم

    لو انتى جيتى تشكى حاجه انتى شايفاها او عايزه تقولى رايك فى حاجه رايك ده هيوصل اخره فين
    ؟!!!!
    اخره خالص بعد مسئولك بخطوه

    وعلى كده ان مسئولك سمعك اصلا

    :)

  • حسام يحى

    حسن حنفى

    :d

    يخص عليك

    ههه

  • ريمان

    حسام

    ازيييييييييك

    طبعا انت عارفنى انا مش من الاخوان لكن انا بأيدهم فى معظم الاحيان


    بس مش هعرف اعلق على بوستك ده عشان فى ناس كتير ممكن تزعل

    يعنى

    noooooo comment

    سلام يا حسام

  • يمنى

    على فكرة حضرتك كلام كتير جداااا عاوزة اقوله

    تفكير و تحليل جميل جداااااا

    جزاكم الله خيرا

  • GiGi

    ياجااااااااااااااااااامد
    بصراحه دخلت نفسك فى النار ربنا يستر عليك من التعليقات
    بوست رائع واسلوبك فى الكتابه رهيييييييب
    بجد ماشاء الله جميل
    ربنا يهديهم ويهدينا صحيح هو فى حد معصوم غير سيدنا محمد صلى الله عليه وسلم

  • النجمة الصامدة

    بسم الله الرحمن الرحيم

    بداية أحيي فيك الأسلوب الممتاز في العرض
    حتى انه أوصل القارئ إلى تلك الحالة من الاستفزاز التي جعلتك تكتب
    فوصلت فكرتك ومشاعرك بسهولةوقوة إلى القارئ

    ثانيا
    في حديثك بعض الصواب
    وبعض الخطأ
    >>>> كلنا بشر بنغلط صح؟؟

    طيب
    أما الصواب الذي أتفق معك به
    هو أن الإخوان ليسوا ملائكة فعلا
    وكثير منهم مخطئ ككل البشر
    والاخوان ايضا متعددوا الافكار والاتجاهات والاساليب و و و
    ككل البشر
    وقد تجد فعلا صعوبة في ايصال صوتك او استفسارك الى (الناس اللي فوق) كأي مؤسسة او تنظيم

    ولكن
    ما أخطأت به ولا أوافقك الرأي به
    أن هناك فرررررررررق شاسع
    بين أن تعرض نقدك واعتراضك بحب وخوف ورغبة في الاصلاح ودعوة للتصحيح
    وبين ان تعرضه بأسلوب هجومي دفاعا عن شخصك ومبادئك وقناعاتك
    سيختلف الأسلوب كثيرا من حيث العرض
    ولن يكون استفزازيا -كما هو الحال هنا-
    ولكنه سيكون دافئا رقيقا لينا
    وتذكر
    (الكلام اللين يغلب الحق البين)
    وسيصل لمن يهمه الامر بهدوء وتقبل أكثر
    أما الاسلوب الهجومي المنتقد بقوة وخشونة
    فانه يثير اول ما يثير
    الاعصاب
    وليس الفكر
    ولان الاخوان (بشر) سيعترضون وبقوة مشابهة على ما أوردت
    فعل وردة فعل
    >>> طبيعي

    ثالثا
    ان الانتقاد والاعتراض على الملا
    دليل صحة وحيوية وديموقراطية بين صفوف الجماعة
    ولكن
    اي اعتراض
    ؟؟؟؟
    كما اسلفت
    ذلك الاعتراضالهادئ الرزين الهادف إلى الاصلاح والتغيير بحق
    لان الاعتراض الهجومي سوف يجتذب المعارضين لفكر الجماعة بنفس الاسلوب الهجومي
    ولن تستفيد شيئا سوى انك ستزيد من المسافة بين معارضي جماعتك (الذين يفترض انهم معارضوك) وبين الجماعة

    رابعا
    هناك من الانتقاد
    ما يقبل فهو فعلا بمكانه ويعرض حقا امورا تحتاج الى اصلاح واعادة نظر
    وهي تلك الامور التي لا تهدم منهج الجماعة وفكرها راسا على عقب
    بل تكون من الفرعيات او لنقل من الاجزاء القابلة للتغير والاخذ والرد والاصلاح والتغيير
    وهناك من الانتقاد
    ما يجعلني حين قرائته
    ألوم على صاحبه بقاءه في الجماعة ليلة واحدة

    فعلى سبيل المثال
    اذا اعترضت على الجماعة سوء الاتصال بين الاجيال القديمة والاجيال الجديدة وعدم اتاحة الفرصة لهم في التعبير عن اراءهم وطالبت بتغيير هذا
    فهذا لا غبار عليك فيه >>> اذا اعتمدت اسلوب الرفق والحكمة والموعظة الحسنة

    اما اذا جئت تقول
    ان الجماعة ذليلة راضخة منكسرة متغيرة المبادئ غير ثابتة المنهج تتلون احكامها وتتنوع تصريحاتها حسب الظروف بما لا يدع لها فرصة للثبات على فكر معين او سياسة محددة
    فعار عليك ثم عار عليك ان تظل منتميا لجماعة مشابهة لحظة واحدة



    سيدي الكريم
    لقد ارتضينا الانضمام الى الاخوان المسلمين فكرا ومنهجا
    لا الاخوان المسلمين اشخاصا

    فان اخطأ الاشخاص في تطبيق المنهج
    فخذ بايديهم برفق نحو الصواب
    واصبر ان الله مع الصابر
    وتجلد
    فان السائر في درب الاصلاح ايا كان لابد له من رفق ولين وصبر ومثابرة
    لكن لا تقلب الطاولة هكذا بكل بساطة
    وتقول
    انا معترض

    الاعتراض الراقي
    يكون برفع الكف لتقول بلين
    من فضلك لدي اعتراض
    :)


    اتمنى ان تراجع طريقة تفكيرك في الامر بعد قراءة تعليقي
    هذا طلب منك ورجاء امده اليك

    ارجوك
    فكر فيما طرحت هنا


    اعتذر عن الاطالة

    شكر الله لك سعة صدرك

    والسلام عليكم

  • Hosam Yahia حسام يحى

    ريمان
    شكرا لمرورك

    i now

  • Hosam Yahia حسام يحى

    يمنى

    شكرا لمرورك

    :)

  • Hosam Yahia حسام يحى

    gigi

    شكرا لمرورك

    :)

  • Hosam Yahia حسام يحى

    النجمه الصامده

    الاسلوب باظ اصلا يافندم

    البوست ده للمعلومه الرقابه حذفت نصه

    انا لم انتقد فى هذا البوست الاخوان اصلا

    انا بس كان نفسى اعرف ليه هما ضد الانتقاد

    موضوع الانتقاد باللين (مع العلم انا مش انتقدت اصلا )

    الاخوه اللى بينتقدوا بينتقدوا باللين دائما انا مشوفتش حد بيكتب باسلوب مستفز ( يمكن انا )

    وانامش باقول عندى اعتراضات بس باقول انا غيرى عنده اعتراضات وبيعامل مكعامله سيئه لان عنده اعتراضات

    :)

    شكرا للتوضيح يافندم

    وجزاكم الله خيرا لاهتمامكم

  • Hosam Yahia حسام يحى

    اه صحيح

    يافندم انا مش قلت ان الجماعه ذليله ومنكسره والكلام ده

    ؟؟؟؟؟؟

    وموضوع (وتتنوع تصريحاتها حسب الظروف بما لا يدع لها فرصة للثبات على فكر معين او سياسة محددة
    )

    انا مش قلت كده لكن فسرت ليه بيظهر تصريحات متناقضه داخل جماعه واحده لانها متنوعه الافكار

    حضرتك اعتقد ظلمتينى كتيير

    انا مش قلت الحاجات دى اطلاقا ومش ليا اى موقف سيئ معاهم اطلاقا ومش باكلم عن حالتى الخاصه نهائياااااا

  • قلم رصاص & فارس الإخوان

    السلام عليكم ورحمة الله وبركاته

    ازايك اعم حسام

    المهم ها أرجع وأقولك ياعم حسام انت عملت اية للاخوان علشان تنقض

    ثانياَ : انت حتي الان لم تدخل التنظيم أي التنظيم الاداري اللي حضرتك بتعترض عليه انت مجرد مازلت مشروع اخوان ولست أخ رسمي داخل الاخوان أقسمت بكتاب الله وأخذت العهد علي نفسك وهناك الكثيبر الكثير ما لاتعرفه أنت داخل النظام لانك لست فيه ولما تبقي فيه ان شاء الله وتلاقي اللي انتت بتقوله دة ساعتها ابقي قوله
    انما ما تبقاش عارف حاجة عن التنظيم وتنقض وخلاص

    واية يعني لما تقول لمسئوك مش فيه حاجة اسمها نظام ولا هي كوسة ولا اية بالظبط احنا حزب وطني ولا اية اعم حسام

    دة من أكثر ميز الاخوان حتة التنظيم ديت وبالذات في الحاجات ديت

    لسة قدامك كتير اعم حسام

    وأرجع اقولك اعم حسام ما تخليش الشهرة هي هدفك فغي الحياة والاخوان ليسوا سياسين فقط ياعم حسام ماشي
    ياريت ما تزعلشي من كلامي واظن انا حاولت اكلمك كذا مرة واناقشك ولكنك مصمم برده انك تتمسك باللي في دماغك وما تسمعشي لحد تاني وتقول اقوال غير حقيقية

  • Hosam Yahia حسام يحى

    خالد باشا السلكاوى

    اهلا بك مره اخرى

    عارف انى لسه مش فى التنظيم الادارى ولا حتى انتا
    :d

    هنعدى موضوع القسم ده لبعدين

    ومش هاتكلم على اللى انا مش عارفه او مش متاكد منه

    خلينى فى اللى انا عارفه

    انا مش قصدى على نفسى انا باتكلم عن حاجه عامله لاحظتها ان المنتقدين بيقوا ولا د البطه السودا

    انا مش قصدى على نفسى وقلت كده فى التيعلق اللى قبلك علطول

    ............

    شهره ايه اللى انتا بتلكم عليها ياخالد
    هيا الشهره بتيجى بكده ؟!!!!

    وبعدين انا بقول انا مش بانتقد

    وفعلا انتا كلمتنى قبل كده

    لكن متوصلناش لحاجه

    ؟!!!!

    ومش عارف ايه الغير حقيقى اللى انا قلته ياريت تبقا توضحلى ايه الاكاذيب اللى انا قلتها

    عشان اعتذر لو عرفتها وعد هاعتذر فى المدونه

    وشكرا لمرورك

  • نونو

    السلام عليكم
    انا كمان بتفق معك مش عيب اننا ننقد بس باحترام
    انا مش عارفة ابعاد الموضوع ايه بالضبط وبتفق معك ان كل حتة فيها الصالح والطالح واكيد الاخوان مش كلهم ملايكة ماشية على الارض
    بس برضه نقد عن نقد يفرق
    تحياتي

  • محمد مارو

    موضوعك اولا

    فى الجووووووووووووووووووووووووووول

    انا مش فاهم مع احترامى طبعا لجماعه الاخوان المسلمين

    بس مش فاهم هى الجماعه دى قرأن انزل من السما ؟

    و لا جماعه بشريه ممكن تصلح و ممكن تخطىء ؟

    طبعا اعتقد انها لا تخطى بالردود اللى شوفتها دى


    يا جماعه الاخوان
    لما بننتقد بيكون هدفنا الاصلاح و هدفنا ان نصل و تصلوا بنا لبر الامان

    فانتم لستوا قران يتلى و يجب علينا السمع و الطاعه

    و لو كنتم كده يبقى اقول و بكل قوه
    سنحاربكم و نقف ضدكم

    لان اسلامنا اسلام مشوره مش ديكاتوريه

  • Hosam Yahia حسام يحى

    نونو

    شكرا لمرورك

    مممممم

  • Hosam Yahia حسام يحى

    محمد مارو

    :d

    جه فى القايم ولم اللعيبه عليا والجماهير نزلت تضربنى

  • appy

    بص يا حسام كلامك مهم وهو ده الصح علشان حاجه واحده بس ان الناس توصل للحقيقه الكامله وتقدر تخلى صورتها وافعالها بشكل محترم وكويس جدا
    وده مش ينطبق على الاخوان بس لازم يتطبق على الكل بس بما انك اخصتهم بالذكر
    فعاوزة اقولك كمان انهم لما يأخدوا برأى شباب حتى لو صغي ركويس ولسبب واحد انك من الجيل الاكثر انتشار
    بس وربنا يجعل كلامنا خفيف عليهم ههههههههه

  • بذرة امل

    تحياتى
    بصراحة كل مرة بقرأ لك فيها بحترم بقدرك جدا

    انا معاك فى رأيك جدا ولو اللى فوقك مش بيسمعوك يبقى الكلام عن الديمقراطية ده كلام نظرى فقط لم يصل الى حيز التنفيذ

  • Hosam Yahia حسام يحى

    appy

    شكرا لمرورك يافندم

    يارب

    :d

  • Hosam Yahia حسام يحى

    بذره امل

    شكرا لمرورك يافندم

    لئه دى ديموقراطيه بس اسمها ديموقراطيه الانياب

    :d

  • محمد فوزي

    عزيزي حسام

    لو كنت قبل ما أزورك في نيتي أشكرك على زيارتك ليا وتعليقك عندي قيراط فانا بعد ما جيت هنا وقريت موضوعك والتعليقات عليه فانا عايز اشكرك 24 قيراط لأني قدرت قد ايه اللي انت عملته ده ممكن يكون فيه شجاعه منك !!

    ومخبيش عليك انا اتفاجأت !!!

    يا جماعة الخير , يا أحبائي في الله
    ليس كل من ينتقد يحارب , أو تغلق أمامه الأبواب سواء كان ينتقد على الملأ أو في داخل حجره مغلقه , بالعكس المفترض إن جماعه ترغب في نشر فكرها إنها ترحب بالنقد والإستفسارات حتى لو جاءت في صيغ فيها شيء من الهجوميه طالما أنها في حدود الأدب وطالما أن صاحبها لم يثبت عنه أنه مغرض أو كاره بشكل غير موضوعي

    بمعنى اللي تشوفوا هجومه خارج ويثبت عنه انه مغرض قاطعوه أو ردوا عليه بأي طريقه وفي أي مكان , لكن اللي بيتسائل وبيعلق وفي نيته خير لازم تردوا عليه حتى لو لم يعجبكم كلامه لأن ده بالضبط هو الديموقراطيه اللي حضراتكم بتطالبوا بيها الحكومه والحزب الوطني

    يعني ينفع مثلا حد ينتقد أداء وزير في برنامج يقوم الوزير يقوله لو سمحت انا مش هرد عليك غير في مكتبي !!!وهل لو الوزير عمل كده هيبقى مقبول

    خطورة ده يتلخص في آخر جمله في تعليق محمد مارو


    (فانتم لستوا قران يتلى و يجب علينا السمع و الطاعه

    و لو كنتم كده يبقى اقول و بكل قوه
    سنحاربكم و نقف ضدكم)

    أرجو إن تكون فكرتي وصلت وآسف للإطاله
    تحياتي

  • Hosam Yahia حسام يحى

    محمد فوزى

    شكرا لمرورك

    لئه مش شكر يارب يكون ردى على حضرتك اقتنعت بيه

    :d

  • قلم رصاص & فارس الإخوان

    حسام باشا هنيئا لك حب المدونين والشهرة ومتاع الدنيا
    وهخا ارجع أقولك التزم في أعمالك الملكف بها داخل الاخوان وابقي تعالي اكلم

    خلي حد تاني يكلم

    احنا عمرنا ما قلنا ما حدش ينقد ولا يقول رأيه مش الاخوان اللي كدة يا باشا الاخوان معروف عنهم الديمقراطية والشوري وكل دة بيثبتع في داخل الجماعة مش لازم الاعلام يشوف كل حاجة بعنيه ولا انتم عهايزين الاعلام يتابع كل حاجة يبقي انتم يا ناويين تحبسوا الاخوان كلهم يا ناويين تحبسوهم كلهم

    يا اما تخلي حكومتنك تعاملنا كجماعة اسلامية رسمية غص\ب عنها وانت تري بعينك والناس كلها تري الاخوان من الداخل

  • حسام يحى

    فارس الاخوان

    :d

    كده هنسيئ لصوره الجماعه بجد

    موضوع حب الشهره ومتاع الدنيا

    الله اعلم بالنوايا

    وموضع الالتزام

    ربنا يقدرنى

    ادعيلى

  • النجمة الصامدة

    أخي الكريم حسام

    انا ما قلتش ان انت اللي قلت الكلام دا

    عشان كدا قلت قبل كلامي >>> على سبيل المثال
    لان في ناس قالت كدا فعلا
    وفي ناس بتتعامل بالطريقة دي فعلا

    واذا كان كل دا مش نقد ولا اعتراض
    امال ايه منزله ليه يعني
    هههههههههه

    كلمة ظلمتيني دي على فكرة صعبة اوي
    ومكنتش اتوقع انها تخرج منك ليا
    لان ربنا يعلم انا بعاملك وبحترمك كأخ صغير
    وموضوعك فتح مواضييع كتير تانية غيره
    خلتني اتكلم عن الكل
    مش عنك انت بس
    وانت لازم تعرف كدا وتعمل حساب لدا
    في مواضييع
    ما تتوقعش اللي قدامك يرد عليك فيها على انك انت بس اللي كاتبها
    لانها بتفتح حاجات تانية كتيييييييير


    ومرة تانية
    انا ما ظلمتكش
    ولا ظنيت بيك سوء
    العفو يافندم
    كلنا بشر ومحدش يقدر يحكم على حد
    الحكم لله وحده

    لكن زي ما قلت
    انا اتكلمت عن الموضوع اللي انت طرحته بكل ما يتعلق بيه
    سواء اسلوبك انت او كلام غيرك

    واسفة يا سيدي اذا كنت زعلتك وخليتك توصل لدرجة انك تحس اني ظلمتك

    :)

  • النجمة الصامدة

    بعد اذنك يا حسام

    في تعليق محشور في زوري على اخونا فارس الاخوان

    ممكن ؟؟!!
    اكيد ممكن


    اخي فارس الاخوان

    دي مش طريقة نقاش ولا اثبات وجهة نظر
    وزي ما قال حسام
    انت كدا هتشوه صورة الجماعة بجد
    لان احنا ما اتربيناش على اننا نعامل بعض كدا ولا نلقي الاتهامات في الهوا بالطريقة دي

    حسام حس حاجة وشاف حاجة لازم يتكلم فيها ويدافع عنها
    شهرة وما شهرة
    وعملت ايه للجماعة وخليت ايه ليها وسويت ايه عشانها
    دا ملوش علاقة بالموضوع نهائيا


    ياريت لو حضرتك معترض على كلامه
    تفند وجهة نظره وتحللها كويس
    مش تفند شخصيته هو وتبهدلها
    !!!!!!!!!


    اسفة مرة تانية يا حسام
    بس انا لما بتنرفز مش بعرف امسك نفسي


    شكرا جزيلا

  • بطوط حبوب

    اقول لحضرتك على حاجه فى ضوء خبره

    اى جماعه عشان تمشى صح لازم يكون فيها جزء ديكتاتورى شويه بمعنى انك سواء مقتنع او مش مقتنع بشئ لازم تعمله حاجه كده زى الالتزام الحزبى مينفعش كل واحد يكون له رأى ومش كل رأى ينفع نناقشه ده بوجه عام

    بوجه خاص بقى ان حضرتك بتسأل المسئول بتاعك والى هو فعلا مبيكونش عارف يرد عليك .. ويمكن يكون عنده نفس التساؤل ده بالظبط


    كل ده واسباب اكتر بكتير خلتنى اقول ان موضوع الانتماء لجماعه معينه فكره سيئه وبتهدر حاجات كتيره اوى وبتسبب للواحد شعور بعدم الرضى النفسى ع الاقل

    وسبت الاخوان يجى من اكنتر من 4 سنين دلوقتى وحاسس ان كده احسن

  • ريمان

    معلش يعنى انا مكنتش عايزه اتكلم من الاول

    وكنت متوقعه ان الامر هيكون عادى لكن لما يوصل للدرجه دى والهجوم ده يبقى غلط

    معلش يا حسام فى كلمه واقفه فى زورى

    .................


    اولا انا مش شايفه ليه الهجوم ده

    اولا بوست حسام جه فى الصميم
    وبصراحه عنده حق

    ومعنى ان جماعه الاخوان لا تقبل النقد يبقى ده عيب كبير جدا فى الجماعه

    وزى ما قال مارو لو انتم فعلا كده هنحاربكم

    وجماعه الاخوان مش قرءان يتلى ولا ملايكه

    انا بلاحظ فيهم كتير من التعصب ولا يقبلون النقد
    واللى بينقدهم بيقوموا عليه الحد
    ......................
    ومعلش يعنى يا حسام

    فى كلمه عايزه اقولها لفارس الاخوان


    ده مش اسلوب تتكلم بيه

    وزى ما قالت النجمه انك كده ممكن تشوف صورة الاخوان

    ومش من حقك انك تحكم على فلان اذا كان اخوان او مشروع اخوان او تقوله انت عملت ايه للاخوان

    يا ريت تغير اسلوبك ده لانه ضايق ناس كتير

    واعتقد انك اللى كبرت الموضوع اكتر من الازم لان كل واحد حر فى مدونته يكتب ينتقد يشكر يعمل اللى هو عايزه وما عليك الا انك تعلق وتقول رايك دون التعدى على صاحب المدونه

    هو ده اللى انت علمهولك الاخوان
    ؟؟؟؟؟؟؟؟؟؟؟

  • حسن حنفى

    فارس الاخوان
    انا شفت حضرتك مره واحده قبل كده وكان عن طريق حسام
    بس يا ريت ماتزعلش من اللي هقوله
    حسام معاه حق في اللي قاله وانت اول واحد بيثبت كده بانك تدخل تقول كلام اعتقد انه عيب وازاي فيه حريه راي في الجماعه وانت اول محسام نزل الموضوع دخلت انتقدت بالطريقه دي مع العلم ان ده مش نقد دي شتيمه وفيه ناس كتيييييييييير قبلك دخلوا وعلقوا بس بزوق ومن غير مايغلطوا وفكرتهم وصلت
    ثم انت قولت
    حسام باشا هنيئا لك حب المدونين والشهرة ومتاع الدنيا
    تعليقا علي الكلمه دي
    رقم واحد
    احب اقولك ان حسام هنيئا له حب المدونين وده مش حاجه عيب لان حب الناس لشخص يعني انه شخص جيد لان مش معقوله الناس هتحب واحد مثلا بايض ولا هتحاول تقومه وتنصحه لو شافت انه عمل حاجه غلط لو كان شخص غير محبوب كان الناس هتسيبه وانا اول واحد اشهد لحسام بخلقه وعلمه
    رقم اتنين
    الشهره برضه ىمش عيب ومش شيء حرام
    ومتاع الدنيا مش شيء الانسان يحاول يخفيه
    لانه في ناس كتير عندها كل ده وبتستغله في خدمه الله

  • حسن حنفى

    أزال المؤلف هذا التعليق.

  • حسام يحى

    النجمه الصامده
    شكرا لمرورك يافندم

    فهمت قصد حضرتك

    مفيش زعل ولا حاجه

    بس حضرتك كنتى فاهمانى غلط شويه

    :)

    وبجد ده مش نقد خاااااالص

    لو نقدت فيه ناس كتير هتزعل منى

    فمش مهم انقد

    :d

  • حسام يحى

    بطوط حبوب

    شكرا لمرورك

    يمكن حضرتك تكون فهمتنى غلط

    :d
    الاخوان ناس كويسين جداا

    بس الديكتاتوريه قليله بس دى اللى متحكمه

  • حسام يحى

    ريمان

    شكرا لمرورك

    بس الاخوان مش كده بجد

    فيه نسبه قليله اللى كده

    بس هما معظمهم ناس كويسين جدا

    وطبعا مش هتحاربوهم لان الاخوان هما اصلا من الشعب ده

    ونسيج واحد منه
    مينفعش نقول نحاربهم

    :)

    رغم كل شئ يعنى

    ..........

    طبعا موضوع فارس الاخوان انا مش هارد عليه لان الاخوان معلموناش كده

  • حسن حنفى

    حسن حنفى

    شكرا لمرورك

    :d

  • حسام يحى

    حسن حنفى

    شكرا لمرورك

    :d

  • عاشقة الوطن

    السلام عليكم

    ازيك ياحسام ايه اخبارك

    هو أكيد لازم فى اى مكان او جماعة او جروب يكون فيه الرأى والرأى الآخر
    عشان الغلط يتصلح والصح يتعم ونتعلم اللى المفروض نتعلمه

    يعنى الاعتراض اكيد هيكون فى مصلحة الجماعة مش ضدها
    ولو هى مبتقبلش اى اعتراض او بتزعل من الاعتراض العلنى يبقي لازم يغيروا فكرهم ده
    ويصححوا الغلط اللى هما فيه

    تحياتى

  • حسام يحى

    عاشقه الوطن

    شكرا لمرورك

    :)

  • egyboy

    من الصعب دلوقتى أن لا نتعامل مع الإخوان كواقع

    وإن كنت أرى أن هناك لبس بين العمل الجماعى والعمل الحزبى

    فلو كان بمقدور الاخوان أن ينشأوا حزبا لبرعوا فى الحياه السياسيه مبلغ كبيرا

    وأحنا بنحترم الاخوان وبنختلف معاهم عادى زى أى حد

    بس نعود للإخوان أيام حسن البنا والاخوان هذا الحين هل ترى اختلافا ؟؟أنا أرى


    مصطفى

  • belal

    أولا : عاوز أثبت ضحكي عند قرائتي تعليق فارس الإخوان
    حلف بكتاب الله ..واضح فعلا إنك عارف كل حاجة
    ..
    ثانيا بأه يا باشا : كلامك سيادتك على العين والراس
    بس انت وقعت في نفس الخطأ البسيط
    إنك عممت
    يعني مين ضد النقد العلني ..ليست الجماعة
    بدليل المرشد نفسه أبدى تفهما وقبولا لهذا النقد
    إذن هوا مش موقف جماعة ..موقف أفراد
    وهايفضل موقف أفراد
    فلما تحب تتكلم في الموضوع
    قول أنا مستغرب من الناس اللي بترفض النقد العلني
    بس ماتقولش أنا مستغرب من الجماعة



    أسلوب هادي أهوه زي ما طلبت ...مظبوط

    ..

  • حسام يحى

    مصطفى

    شكرا لمرورك

    :)

  • حسام يحى

    belal


    لئه عادى ولا يهمك

    .......

    موضوع ان النقد الجماعه تقبله من عدمه طبعا ده اختلاف حسب الافراد

    لكن المعظم ضده

    انا معممتش

    :d

    انا برده هادئ جدا فى كل ردوردى

    :d

    اظنك لاحظت كده مع ان فيه تيعلقات صعب انك تمسك اعصابك وانتا بتشوفها

    :d

  • أسوور

    جريدة الأسرة العربية
    قرر رئيس مجلس ادارة الجريدة مشكورا أن يتبنى كل ما يكتبه المدونون
    وان يفرد مساحة لا بأس بها لبوستات البلوجرز
    كما وافق على نشر البوستات المرشحة بتوقيع كتابها
    وسوف يفتح باب التدريب الصحفى لهواة الصحافة من المدونين
    وذلك ايمانا منه بقوة التدوين وبأنها صوت المصريين
    ***
    على كل مدون يرغب فى نشر مقالات - تحقيقات - قصص - نقد - ادب - شعر - سياسة او أى كتابات لم يرد ذكرها
    ان يرسل البوست المرشح مذيل بتوقيعه وعنوان المدونة والإسم الحركى ان اراد
    مرفق بصورة شخصية له
    على الإيميل التالى

    amyasser@hotmail.com

    أو بتعليق على هذا البوست نفسه
    يترك لينك البوست اللى عايز ينشره الجرنال له
    تحت عنوان جريدة الأسرة العربية
    الشـــــــــــــــــروط
    -مراعاة الصحة اللغوية والنحوي والإملائية قدر الإمكان.
    -مراعاة الا يزيد البوست المراد نشره فى الجريدة عن صفحة ايه فور.
    - أولوية النشر تكون للبوستات التى فيها موضوعات عامة تهم قراء الصحف.
    -اولوية النشر للبوستات التى ترسل على الميل المذكور أعلاه كفايل وورد مرفق.
    الجريدة تصدر الإثنين من كل أسبوع

  • حسام يحى

    اسوور

    شكرا لمرورك يافندم

  • غير معرف

    السلام عليكم ورحمة الله
    الاخ الفاضل :حسام
    لم اتمكن من قراءة كل التعليقات لضيق الوقت ولكن كل مااقدر على قوله انه هناك بعض الاشياء حضرتك لم تتمكن معرفة نظامها فى الجماعه او كما حضرتك قلت لسه معرفتش اوى فى النظام الادارى وربما تكون سالت عن بعض الاشياء ويمكن ان يكون مسئولك لديه الاجابه ولكن ينتظر الوقت المتاح لان حضرتك عارف لازم التدرج اما عن موضوع النقد فما اكثر الايجابيات والسلبيات اللى بيكتبها الاخوان فى اى لقاء (ربما ظاهريا حضرتك مشعارف هما بيعملوا بيها ايه ولكن فى الحقيقه انهم يستفيدوا منها كثيرا للمرات القادمه ولابد ان تعرف ان نقدك ربما هم يعرفوه مسبقا ولديهم المبررات ولكن ليس المطلوب منهم ان يعرفوك بكل المشاكل التى تمنعهم من تحقيق ماتقول..
    نصيحتى اليك هى الصبر وان شاء الله هتلاقى نفسك بتفهم كل حاجه براحه ولوحدك اما عن النقد فى المدونات امام الجميع سواء كان فى الجماعه ام لا فانا لست معه لسبب (حضرتك مشبتنقد منهج الجماعه اكيد وده واضح من الكلام حضرتك بتنقد بعض الاشياء وبعض الاشخاص اعتقد انه لايستطيع الرد عليك سوى آخرون فى الجماعه فعندما ينشر موضوع نقد هكذا تجد من يتدخل وهو ليس فى صفوف الجماعه اصلا وهو لا يعرف نظامها ولا نظام الادراه فيها فبالتالى سياخذ صوره ليست ظريفه عن الجماعه بسبب سوء فى الفهم لبعض الاشخاص.
    معذرة ان كان كلامى فيه بعض التجريح
    دمت بخير

  • mero-moory

    السلام عليكم ورحمة الله وبركاته
    صراحة انا لسه موش كملت قراءة بمدونتك بس حبيت اترك تعليق لاني عايزة اتابعها واضح انها جميلة بجد

    راجعالك تاني

    في رعاية الله

  • جمعاوى روش طحن

    ؟؟؟

  • حسام يحى

    غير معروف

    فكره حضرتك وصلت بالكامل

    مختلف معاها فى نقاط بس

    متفق فى المعظم

    :)

  • حسام يحى

    mero-moory

    شكرا لمرورك يافندم

    :)

    اتمنى انها تعجب حضرتك

  • حسام يحى

    جمعاوى

    :)

    :)

    !!!!

  • أختكم فى الله

    أخى الكريم حسام اولا احب احييك على شجاعتك وجرأتك وانك كتبت شئ انت مقتنع بيه وبصراحة انا مش فاهمة ليه فيه ناس مفهمتكش صح .. ربنا يكرمك ويحفظك ويعينك تملى ....

  • حسام يحى

    اختكم فى الله

    شكرا لمرورك تملى

    ياااااااااااااارب

    :d

  • النجم القادم

    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

  • Son of Egypt

    السلام عليكم يا حسام
    كنت عايز اسألك عن حاجه يا حسام انت متأكد ان الجماعه اللى بتسألهم عن اى حاجه من امور الدنيا دول بيكونوا من الإخوان
    ان قلت اه هقولك لأ دول اكيد مش من الإخوان وان كنت متوقع انهم منهم فقولك ببساطه ان مبادئ الإخوان قايمه على الشورى والديمقراطيه
    يعنى مش هيكون الموضوع كله منافقه زى اللى بنشوفه من الحزن فى المجلس الموقر كله بيرفع ايده منافقه ومحدش فاهم حاجه
    المهم عايز اقولك تأكد من مصادرك
    على فكره انا مش من الإخوان بس مأيد ليهم فى امور كثيره وباختلف معاهم فى امور اخرى
    تحيياتى ودائم التواصل امنيتى بيننا
    nageh

  • حسام يحى

    النجم القادم

    اهلا بعودتك يافندم

    :)

  • حسام يحى

    بن مصر

    شكرا لمرورك يافندم

    انا ماقولتش اصلا انهم ديكتاتوريين

    ؟؟؟؟

    بس شكرا لتعليقك

  • سارة بندارى

    طيب وليه ننشر الغسيل بره كده قدام كل الناس

    شكلى هموتك

  • حسام يحى

    ساره بندارى

    :d

    ده مش نشر غسيل

    ده نشر افكار

    :d

  • إسلام

    بعد 66 تعليق لا أظن أني سأضيف جديدا
    ولكن هناك مقالة رائعة للاستاذ الراشد حول هذا الموضوع :
    http://agzakhana.blogspot.com/2008/07/blog-post_23.html
    وباذن الله سأكتب عدة تدوينات حول هذا الموضوع..
    وللحديث بقيه

  • حسام يحى

    اسلام

    شكرا لمرورك

    فى الانتظار

  • حسن حنفى

    سحام يحيي

    ايه يبني فين الجديد

    انت رجعت تنام تاني

    يا رب تكون بخييييييييييير

    مستني البوستات الجديدة

  • قلب يحترق

    المشكلة مش في الاخوان

    المشكلة ان في حملة اساسا ضد الاسلام و في كوارث بتقول لأ مفيش من خلال مناهج فلسفية بيحاول يبلور بيها صراعه ضد الاسلام

    أقولك علي حاجة
    امض في طريقك ولا تلتفت الي من يعيق ذلك الطريق

    تخطاه او تجاهله المهم انه لن يعيقك

    المشكلة ان الناس فاهمة الدين غلط و لازم المتدين ده او المنتسب لجماعة اسلامية يكون ملاك

    بس احنا بش و ربنا خلقنا للخطأعلشان ين علينا بستره و يرحمنا برحمته

    بوست هايل

  • ام يحيي

    بقالي كام يوم أدخل عشان اعلق يحصل اي حاجة ومعرفش

    المهم أخبارك ايه؟

    يارب تكون بخير

    في حاجات كتير كنت عايزة اعلق عليها بس حاسة ان مش وقتها دلوقتي .. يمكن بعدين

    ان شاء الله تلاقي اجابات لكل الاسئلة اللي بتدور في بالك

    أهم حاجة بس تعرف ان أي موضوع ليه أكتر من زاوية ممكن نشوفه بيها

    ربنا يوفقك ويسعدك في الدنيا والآخرة

    منتظرين الجديد

    جزاك الله خيرا

  • آلاء

    مفيش مشكله ان الانسان يعبر عن اللي جواه و يقول رايه بصراحه طالما رأيه موضوعي و مش بيجرح في حد


    بس يمكن موقفهم المعارض ده من الاختلاف في الرأي انه هم محاصرين من كل جانب و الناس متربصين بيهم فممكن مش عايزين اختلاف بينهم و بين بعض ,الله اعلم

    و بعدين كبر دماغك الحكايه مش مستاهله

  • حسام يحى

    حسن حنفى


    قريبا ان شاء الله

  • حسام يحى

    قلب يحترق

    :)

    شكرا لمرورك

    مع حضرتك حق

  • حسام يحى

    ام يحى

    شكرا لمرورك


    منتظر راى حضرتك

    وانا الحمد لله بخير

    :)

  • حسام يحى

    الاء


    شكرا لمرورك


    راى حضرتك صحيح

  • النجم القادم

    بص يا حسام مدام الإخوان ديكتادورين وفيهم كل اللي أنت بتقوله ده خلاص ممكن تسبهم وعادي خالص عمر الدعوة ماوقفت علي حد وروح يج عم ادعي للخير أنت ولا الدعوة من الاخوان (كخه) الدعوة فريضة شرعية وضرورة حتمية علي كل مسلم بس علي فكرة عيب تتريق علي الاستاذ عاكف أنت مهما وصلت عمرك ما هتوصل لربع علمه فعيب عليك

  • حسام يحى

    النجم القادم


    ؟!!!!!!


    السكوت افضل

  • النجم القادم

    سكوت أيه هو انا قلت حاجة غلط لسمح الله ولا أنت مش عجبك الكلام ومعرفتش ترد عليا علي العموم ده مكنش سكوت ده استنكار من اللي كاتبه

  • الافغاني

    كلامك جميل جدا ياحسام

    مش عيب ان الاخوان يدفعوا عن انفسهم باستمرار باتاكيد نحن لنا اخطاء

    النقد الداخلي والعلني مفيد جدا لحيوية الجماعة
    حتي تكتسب مصداقية اكبر عند الناس

    ولكن يجب ان توضع ضوابط لذلك حتي لا يتم التعميم والتشويه والاساءة باشخاص بعينهم واساءة الظن بهم

    نريد ان نكون مثل المراة التي وقفت لسيدنا عمر وهو علي المنبر ونصحته علي الملاء لانه شخصية غير عادية ونحن كذلك لسنا تنظيم ضيق محدود حتي يكون الانتقاد داخلي فقط النقد يجعل الجماعة دائما تحسن من ادائها وتطور من افكارها
    لكن النظر ان اي نقد يعطل الدعوة فهذا اسلوب خاطيء في التفكير


    جزاك الله خيرا علي تدوينتك فكرتها رائعة

  • حسام يحى

    النجم القادم

    انا متجنب الصدام معك مره تانيه بس مادام انتا مصر على الصدام فانا موافق

    ابدا الرد


    ....

    اولا يافندم انا مقلتش انهم ديكتاتوريين ولا انتا قرات التعليقات بس

    وموضوع ان الدعوه مش هتقف عليا ده صح مش هتقف على اى حد

    وبعدين تفكيرك ده غلط ان اللى ينتقد الجماعه يبقا يسيبها

    !!!!!!1

    وانا ملقلتش ان الاخوان كخه

    للمعلومه برده

    والكلام عن الدعوه انها فريضه ايه اللى دخله فى الموضوع

    وانا متريقتش على المرشد

    خالص
    واتمنى انك تحسن لغه حوارك شويه

    !!!!!

  • حسام يحى

    الافغانى


    ده اللى انا بقوله او قصدى عليه

    :)

    شكرا لمرورك

  • حسن حنفى

    النجم القادم

    ايوه كلامك غلط

    طبعا

    وشكرا ليك لانك كده بتثبت وجة نظر

    حسام

    هو اما الواحد مش عاجبه حاجه في جماعته

    وعاوز يصلحها

    يمشي منها

    لو حسام غلط ممكن تفهمه بدل لو الجماعه

    مش عاجباك امشي

  • عاشقه الاقصى

    بص يا أخ حسام أنا هأقولك على طريقه جامده جدا

    انت بتتكلم عن التساؤلات والمسئول بيقولك مش عارف آيه

    اولا مش كله بيقول كده

    وصدقنى طرحنا للمواضيع ديه بهذه الطريقه

    رغم عدم اعتراضى عليها فى الوقت ده مش شايفه انه هيفيدك يا آخى والله

    عموما حاول مره واتنين وتلاته

    ماطلعتش بنتيجه

    انت ماشى فى الدعوه ديه ليه

    لو علشان ربنا صدقنى هتتقبل كل الاختلافات اللى ممكن نختلف احنا فيها مع الجيل اللى أكبر مننا

    او بمعنى اصح هتمشى فيه بعين ان الدعوه ديه دعوه ربنا وهأكمل فيها مهما حصل

    ولازم أكون قدوه

    لازم قبل ما أنقد بجد والله وعن تجربه

    لازم أحاول أدعو دائما لنفسى بالثبات على الحق
    لانى ممكن أقع فى نفس الموقف ده وساعاتها هأحس اوى بمدى ان كل بنى ءادم خطأ


    فكر شويه يا اخ حسام

    أنصحك انت تقريبا لسه ما دخلتش جامعه صح

    لما تتدخل الجامعه

    هتحتاج طريقه الدعوه ديه دعوه ربنا

    وكلمه اتقالت

    سيروا فانكم ع الحق ولا يؤثر فيكم قله السالكين

    لانك ممكن تقابل تقاعس من بعض الأفراد ويبدأ الشيطان يشتغل

    اخوانا حسام بوركت ودمت بخير

    ارجو انك تكون فهمت منى حاجه

  • حسام يحى

    حسن حنفى

    :)

  • حسام يحى

    عاشقه الاقصى

    شكرا لمرورك

    جزاكم الله خيرا على التوضيح

    :)

    فكره حضرتك وصلت بالكامل

    :)

  • النجم القادم

    شكرا

  • حسام يحى

    النجم القادم


    :)

  • nado

    البيت بيضيق ويضيق لكن انا قلبى براح بتبص لمين ياصديق على طفل معاه مفتاح يمكن يزقنا الشاى يمكن يعطينى الناى انا اد الهواء وادود لو حتى الهواء نساى

  • حسام يحى

    nado

    شكرا لمرورك

    :)

  • طالبه الفردوس

    السلام عليكم

    انا حاسه انى دخلت ساحه معركه

    ليه كده بس

    كلكم اخوان يا اخوااااااااان

    ومش معنى ان الواحد يقول عيب شايفه انه خرج من الجماعه بالعكس ده يبقى خايف عليها

    ولازم تتاخد الامور بالراحه

    وافتكروا دايما اننا نسعى الى جعل المسلمين فى احسن حال ولازم نفتكر اننا عباد لله اخوانا


    ربنا يهدى الجميع الى الحق

    لازم تتاخد الامور بالحكمه والعقل لا بالتعصب الاعمى

    تحياتى للجميع

  • طالبه الفردوس

    حسام يحى

    معلش انا مش متفقه معاك فى بعض ما قلته

    الاخوان فعلا جماعه ديمقراطيه وده عن تجربه

    اى قرار بيتم اتخاذه بيكون صادر عن عده مسؤولين وليست فكره فرقعت فى دماغ واحد فنفذها
    ولازم يكون عندنا ثقه بقياداتنا وخبراتهم

    ولما بنعترض على حاجه اشهد اننا بيسمع صوتنا
    ولكن قد يكون شئ عندهم بعد نظر فيه عننا فهم اكبر منا سنا واكثر خبره

    وفى الاخر الاخوان مش ملايكه ولازم نزن الناس بحسناتها وسيئاتها

    واشكرك على جرئتك فى طرح هذا الموضوع

    تحياتى

  • حسام يحى

    طالبه الفردوس

    شكرا لمرورك

    مش انا اللى اتعصبت لراييى والله يافندم

    حضرتك لو قراتى التعليقات كلها

    هتلاقى ردروى وسطيه وغير مغاليه اطلاقا


    ده مكان نقاشى كل واحد يقول رايه بس بأدب

    :)

    يعنى عادى موضوع الحروب بس يكون فيه التزام باداب الحوار

  • حسام يحى

    طالبه الفردوس

    يافندم حضرتك وقعتى فى خطأ

    انك عممتى الفردى

    وافردتى العموم

    انا باكلم بصفه عامه وحضرتك قولتى موقف
    انا بكلم عن سياسات الجماعه

    وليس عن تنظيماتها الداخليه

    ومحدش يقول انهم ديكاتوريين

    هما ديموقراطيين بس ديموقراطيه مشوبه ببعض الديكتاتوزريه البسيطه

  • طالبه الفردوس

    حسام يحى انا لم اقصدك فى تعصبك ولكن اقصد اخوه اخرين

    وجزاك الله خيرا

  • حسام يحى

    طالبه الفردوس

    :)

    ولا يهم حضرتك يافندم

  • بنت سيناء

    مدونة تنطق بصوت الحق تعرفت عليها من خلال مدونة القسام..تحياتى الك

  • أختكم فى الله

    بنحاول نتغير 5

    ياريت تشرفونا و تقروا الفكرة و تقولولنا رأيكم

  • حسام يحى

    بنت سيناء

    شكرا لمرورك يافندم

    :)

  • حسام يحى

    اختكم فى الله

    جزاكم الله خيرا

    :)

  • عاشقه الاقصى

    انت أختفيت فين يآخ حسام

    ؟؟؟؟؟

  • رُدَّ إلى َّ روحى

    hانت فين يا اخى حسام

    يارب تكون بخير

  • anas3laa

    ازيك يا حسام .. ماشي يا عم كل دي تعليقات . أنا عندي ملاحظة ع الناس اللي بتنقد . لو جيت تبص ع الواحد فيهم هتلاقي النقد ده بقى ديدن عنده بمعنى أنه كل ما يكتب موضوع في أي حاجه مش شرط الغخوان أي حاجه موضوع ترفيهي حتى يقوم حاشر الغخوان في الموضوع وهما مش بيعملوا كذا ليه طب لو كانوا عملوا كذا . مش عارف ليه . أنت رأيك ايه ؟

  • محمد

    زرونى ع
    www.ihkwanazhar.bolgspot.com

  • عاليا حليم

    للأسف المدونين الي بيقربا من الأخوان بيتشرحوا بصراحةمش عارقة ليه مع أن علي رأيك مش مفترض أنهم ملايكة

    الكلام الي في أخر البوست ملخبط علي بعده صغر الفونت

  • حسام يحى

    عاشقه الاقصى

    شكرا لمرورك

    :)

    انا هنا

  • حسام يحى

    رد الى روحى

    شكرا لمرورك

    :)

    انا هنا :d

  • حسام يحى

    انس علاء


    اما اقابلك حاااااااضر

    هارد عليك ياجميل

  • حسام يحى

    محمد

    شكرا

    :d

  • حسام يحى

    عاليا حليم

    شكرا لمرورك

    :d

  • غير معرف

    السلام عليكم ورحمة الله وبركاته
    اخى حسام جزاك الله خيرا على هذا الموضوع المهم
    ولكن قد اختلف معك
    نعم الانتقاد ليس خطأ
    انما يقول عمر بن الخطاب رحم الله امرا اهدى الى عيوبى
    ولكن عندما تكون هناك حرب شعواء على الاسلام وبما يمثلهم ( الاخوان )
    هنا يجب ان نقف وقفة
    وهى ان لا نشارك فى هذه الحرب بشكل غير مباشر عن طريق الانتقاد العلنى
    هناك العديد من المنافذ يمكن ان تسلكها
    اعرف انك تعرفها
    والسلام ختام
    كريم عبد الفتاح

  • هيثم الكاشف

    وبعد الأخوان أنا شايف انهم أكبر مهزله في تاريخ مصر
    دي جماعه ليها جناح اعلامي و جناح مش عارف ايه و جناح عسكري كل ده ليه هتحاربوا ههههههههههههه

  • sal

    احييك اخى حسام ....
    الامر لا يخص جماعة بعينها ولكنه امر متغلغل فى ثقافتنا وموروثنا ....
    فغياب العقلية النقدية امر مثوارت ربما من افهم الخاطىْ لما درج على تسميته "بالطاعة" ومن ناحية اخرى روح الاقصاء التى تعم بحيث كلا منا متيقن بأنه يملك الحقيقة وانه على صواب والامر كله نسبى
    تحياتى وتقديرى

    http://la-ekraah.blogspot.com///-.

  • sal

    احييك اخى حسام ....
    الامر لا يخص جماعة بعينها ولكنه امر متغلغل فى ثقافتنا وموروثنا ....
    فغياب العقلية النقدية امر مثوارت ربما من افهم الخاطىْ لما درج على تسميته "بالطاعة" ومن ناحية اخرى روح الاقصاء التى تعم بحيث كلا منا متيقن بأنه يملك الحقيقة وانه على صواب والامر كله نسبى
    تحياتى وتقديرى

    http://la-ekraah.blogspot.com


لو صندوق التعليق مش ظاهر ممكن تعمل ريفرش

next previous