يااسماعيليه ياشط الهوا







اخر نقطه قدرت اوصلها على مشارف الاسماعيليه

العاشر من رمضان عبرت القوات المصريه خط بارليف وحطمت ماكان يُدعى باسطوره
الجيش الذى لا يقهر فى 6 ساعات ...........

العاشر من رمضان عبرت قافله مايدُعى بالحمله الشعبيه لفك الحصار عن غزه مكونه من

3 اتوبيسات (مدخل الاسماعيليه )ووقفت 7 ساعات فى انتظار استرداد الرُخص التى سُحبت من الاتوبيس الثالث !!!!


بعد ليله تشتكى من انعدام النوم وسحور اكثر ما يوصف به بأنه لايسمن ولا يغنى من جوع .

هكذا بدأ اليوم يسقط حسنى مبارك مرورا بمنع شباب القافله السيارات من المرور من والى

الاسماعيليه بعد منع القافله من العبور الى

الاسماعيليه وصولا الى التشاجر مع لواءات الامن المركزى والشرطه وتزويغ الاتوبيس

الثالث بالشنط اللى كانت فيه


ثم محاوله أخذ الكاميرا منى بعد محاوله تصوير فيديو لو كان اكتمل لصنفته بأنه رااائع

(ادين بالشكر للى طلعنى النائب طلعت السادات )

ثم تهزيئى (عادى برده) ثم مشاهدتى لما يسمى بالحماسه الزائده لشباب 6 ابريل وحزب

العمل (مش حماسه يعنى تهور على اقل وصف ان لم يكن جنون )

ومشاهدتى لسوء التنظيم وسوء اداره المعركه على حد وصفهم وسماعى لعباره (الحمد لله

على نعمه الاخوان)


ثُم محاوله ركوبى الى القنطره كمحاوله اخيره للوصول الى غزه (محاوله باءت بالفشل ) ثُم

ذهابى لاستعاده الشُنط من مقر الشركه

واخيرا عودتى الى البيت بخلاصه مفادها (ان البلد دى مش هيتصلح حالها لا بالاخوان

وحدهم ولا بشباب المعارضه


وحدهم ,لو ينفع يعملوا جبهه مع بعض بس ارجوكم بلاش الحمله الغبيه لفك الحصار...

....................

اصحابى اللى وصلوا رفح طبعا اول ناس وصلوا هناك بعد المغرب بشويه واحد منهم وصلته الرساله دى على الموبايل


Welcome to israel.stay connected to Vodafone s customer service by simply dialing +20101888888 Croaming rates apply

.........................

- ملحوظه كنت ناوى اشتم بجد فى البوست ده لان ده كان تهريج وصياعه من كله من الامن (اللى لعبها صح زى كل

مره)

والحمله الشعبيه اللى متنفعش حمله فك حصار خالص ولا حتى ينفعوا يفكوا الحصار عن نفسهم بس افتكرت جمله

قرأتها (لاتجعل سفاله الاخرين تكشف عن سفالتك )

...........................................

عن نفسى مصدوم ؛ محزون ؛ يائس ؛ حاولت ان .....لكن للاسف باءت بالفشل كالمعتاد

ادعولى

.............................
من مكان المهزله

اللواء المسئول عن الكمين بيتصل بيقول (اديهم الرُخص ولا لئه ياباشا ) الاجابه مسمعتهاش بس اكيد قاله (لئه يابنى ادم)
طلعت السادات بيحاول يعدينا بس معرفش الظابط بيقوله مش بمزاجى


طبعا فرقه التدخل السريع قنابل مسيله للدموع
..........
كان فيه صور تانيه بس ربنا يسامحه اللى كان السبب

72 تعليق:

  • عبدالهادى_سارة

    ايوا يا عم حسام
    وصلت لحد الاسماعيليه ...لا جامد جامد
    بهزر

    الحمدلله عملت الي تقدر عليه على الاقل

    وانشاء الله خيرها في غيرها ..وكمان تكون الحملات الجاية اكتر تنظيم

    وحمدلله على السلامة يا باشا

  • نور الاسلام

    السلام عليكم


    ههههههههه


    ربنا معاكم باذن الله ومتغلطوش الغلط ده تاني

    اللهم ادفع عنا كيد الاعداءبس كيد حكومتنا الاول


    حمد الله علي السلامه


    ربنا يوفقكم المرة الجايه

    ومش هنستسلم


    السلام عليكم

  • some one

    السلام عليكم ورحمه الله وبركاته

    جميل اوى كلامك ده يا حسام

    بس انا ليا راى تانى خالص ان كل اللى راح الحمله ده كان عايز بالعربى كده يسلى صيامه

    اللى وصلنى من بعض الناس اللى كانوا فى الحمله انكم كنتوا رايحين معكمش اى معونات للشعب الفلسطينى

    طيب السوال هنا انتوا كنتوا رايحين تعملوا ايه

    للاسف الشباب المصرى معندوش ثقافه التخطيط وقياس الاموار والنظره الموضوعيه

    بس ارجع واقول كويس انك غيرت جو هههههههه

    اخوك احمد

  • Gelaan

    رمضان كريم
    سلاام

  • أختكم فى الله

    والله يا حسام انت اخدت الثواب على اللى كنت ناوى عليه كانك عملته بالضبط

    انت نيتك ربنا حيجازيك عليها

    متزعلش نفسك

    يكفيك شرف المحاولة

    واكيد مش حتتساوى باللى محاولش يعمل حاجة خالص

    عارف

    ادعى ربنا كل يوم عالفطار ليهم

    ربنا يفك اسرهم

    ويصلح احوالنا

  • ريمان

    حسام

    والله عارفه قد ايه كانت رحله صعبه عليك اوى

    وعارفه بجد كميه المعاناه اللى انت شوفتها

    بس والله ليك ثواب كبير عند ربنا وتؤجر على نيتك دى

    فعلا الامن لعب لعبته

    وده العادى بتاعهم

    واحنا اتعودنا على كده خلاص

    برضه القافله اللى خرجت من دمياط فى ثوانى وقفوا الاتوبيس عند عزب النهضه كده ورجعوهم تانى

    معلش

    ربنا ع الظالم والمفترى

  • ريمان

    المهم انى عايزه اقولك


    حمد الله ع السلامه

  • elsha3er

    انت ما تزعلش يا حسام انت عملت اللى عليك ومنهم لله بس انا اكتر حاجة زعلتنى فى الموضوع الرسالة اللى قالت اهلا بك فى اسرائيل دى بجد خلتنى مش طايق نفسى وصح اللى انت قلته ما ينفعش الاخوان لوحدهم ولا المعرضة لوحدها لازم يكون فى اتحاد صح


    احمد الشاعر

  • belal

    يا عم حد طايل الأيام دي يروح الاسماعيلية

    ثم مش أنا قلتلك بلاش شغل عيال
    واستنى معايا القافلة التانية

    بس الحمدلله
    المرة الجاية ..الحصار يتكسر
    ..

  • فزلوكة

    واضح إن حضرتك متضايق قوى من لجنة فك الحصار
    هوا انا روحت مع اللجنة الشعبية إللى خرجت من نقابة الأطباء
    بردوا مقدرناش نعدى الإسماعيلية بس اعتصمنا هناك فترة كانت جيدة بصراحة

    يعنى كان هناك تنظيم إلى حد كبير
    مكنش فى مشكلة غير الإخوة اليساريين إللى قلبوها شتيمة فى مبارك والأمريكان والحكم والتوريث وحاجات كدا مكنتش فاهمة إيه علاقتها بفك الحصار

    لكن اليوم بصراحة كان جيد إلى حد كبييير يعنى

    عموما المرو الجاية ان شاء الله هيكون افضل
    وحمدالله على سلامة الكاميرا
    دا اهم حاجة

  • وومن

    حسام

    اولا كفاية عليك شرف المحاولة

    ثانيا كويس انك رجعت تدون تاني

    ثالثا بقي عادي انك تتهزأ وتتشتم المفروض انك اخدت علي كدة ( بهزر علي فكرة )

    من رابعا وطالع انت جبت المفيد لازم الأتحاد من غيرة هاتفضل كل حاجة زي الحملة فكرة كويسة وتخطيط سئ

    حمد الله علي السلامة

  • بنت الاسلام

    وايه الجديد

    كله امن في امن

    ومفيش صور غير للامن


    رحلة معروفة النتائج مسيقا

    لكن نقول ايه

    تحياتي

  • حسام يحى

    عبد الهادى _ساره


    مااااااااشى ياعم من حقك


    وحياتى المره الجايه مانا واخدك

    :P

  • حسام يحى

    نور الاسلام

    ماشى هههههههه

    حقك برده

    الله يسلمك

    اه فعلا

    :d
    وعليكم السلام

  • حسام يحى

    some one

    ياباشا مش كده

    كان معانا مساعدات

    اللى بيقولك انه مكانش معانا

    مش عارف حاجه
    مع احترامى ليه يعنى

    المفروض كنا رايحين توصيل مساعدات واعتصام يعنى لغايه ما المعبر يتتفح ده كان الهدف الصعب

    عندك حق بس مكانش تغيير جو كوي ساصلا

    :)

  • حسام يحى

    gellan

    الله اكرم

    :d

  • حسام يحى

    اختكم فى الله

    شكرا لمرور حضرتك


    ياررررررررررب

    :)

  • حسام يحى

    ريمان

    الامن عندنا غير الامن بتاعكم


    عندنا ذكى حبتين


    ربنا يتولانا


    :d

  • حسام يحى

    الشاعر

    لئه مش تزعل ياباشا

    فودافون بقا

  • حسام يحى

    بلال


    حاضر ياعمو المره الجايه هاسمع كلامك

    :d

    بس انتامش قلت كده اصلا

    :P

  • حسام يحى

    فزلوكه

    احسن ناس والله يافندم

    لو حضرتك طلعتى فى قافله الصحفيين كنتى هتتفرجى على فيلم مش فك حصار

  • حسام يحى

    وومن

    اولا وثانيا وثالثا

    شكرااااااا لمرورك

    :d

    ورابعا ادعيلى

  • حسام يحى

    بنت الاسلام


    يخخخخخخخخسسس

    على كميه السلبيه

  • عاشقه الاقصى

    ازيك ياسام

    كفايه شرف المحاوله

    وبعين معلش كل عمل لازم يكون ليه أخطاءوه
    بلاش تندم على حاجه فاتت

    وحمد لله على سلامتكم وان شاء الله القوافل الجايه تبقى اكثر تنظيما

  • اصحى يا نايم

    كفاية شرف المحاولة

    والحمد لله على نعمة الاخوان






    حمدلله على السلامة

  • حسام يحى

    عاشقه الاقصى

    جزاكم الله خيرا لمرورك يافندم

    مممم
    يارب تكون احسن من المرادى

  • حسام يحى

    اصحى يانايم

    اه فعلا الحمد لله بس الفخر مش للدرجه دى
    :d

    الله يسلمك يابشمهندس

  • المحرر الصحفي والشاعر : عمــاد الدين يوســـف

    اخي العزيز حسام
    قبل اي شئ يشرفني معرفتك
    واقول ان فلول امن الفول كبيرهم يفكو حصارهم جنب اي حيطه او في اي حاره ضلمه لكن وإن كانو فرضو حصارهم وتنطيعهم على القافله فهم بعيدون كل البعد عن القافله الداخليه القابعه في قلب كل مسلم على يقين بواجبه نحو اخوانه
    اللهم انصر اهل غزه يا ارحم الراحمين
    تحياتي وتقبل دعوتي لزيارتي

  • GiGi

    ربنا يعزك ويعز المسلمين جميعا ويعز الاسلام بجد انتم رائعين بس ارجوكم مفيش حد ييئس
    والله قربنا خلاص ياحماعه خلينا اقوياء خلينا مليانين بالجماسه ياجماعه قربنا تعالو الشهر ده ندعى ربنا كتير ونفضل نروح باوتوبيسات ونفضل زي مااحنا مش ربنا بيقول احخلوا عليهم الباب فاذا دخلتموه فانكم غالبون
    تعالو نحاول وربنا شايف وعالم
    يارب ورينا عزه الاسلام وحعلنا سبب فى عزه الاسلام يااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااارب

  • البنت الشقيه

    يابختك يا حسام

    بس ازاى قدرت تروح هناك يااااه

    شجاع انته بجد وكمان تواجه حكومتنا العظيمه بذات نفسها

    دى مكتوبالك انك تقابل حكومتنا
    هههههههههههه


    ربنا معانا ومع الشعب الفلسطينى
    ويارب ننجح ولو لمره واحده بس اننا نعمل حاجه لنفسنا او لغيرنا



    تحياتى
    البنوته الشقيه

  • مسلمه وافتخر

    والله يا حسام انت اخدت الثواب على اللى كنت ناوى عليه كانك عملته بالضبط

    انت نيتك ربنا حيجازيك عليها

    متزعلش نفسك

    يكفيك شرف المحاولة

    ربنا يوفقك المره اللى جايه


    حمدالله على السلامه

  • عاشــــــ النقاب ـقــــة"نونو"

    ربنا يبارك في اللي وصل باذن الله
    ويجازيكم خير ويبارك في امثالكم يارب
    في ميزانكم باذن الله

  • حسن حنفى

    ياعم احمد ربنا انك وصلت للاسماعيليه

    فيرك مش راح خالص

    وبعدين

    استمر


    :p

  • appy

    انت رحت يا حسام والله انا مليش تعليق لان فيه ناس هتزعل
    بس الناس عارفه وجهه نظرى المهم متفقه معاك حمد لله على السلامه

  • حسام يحى

    المحرر الصحفي والشاعر : عمــاد الدين يوســـف


    يااااااااااارب انصرهم
    ااااامين

  • حسام يحى

    gigi

    عوووودى لعزلتك

    :P

  • حسام يحى

    البنت الشقيه

    شكرا لمرورك يافندم

    :)

    يارب

  • حسام يح

    عاشقه النقاب

    شكرا لمرور حضرتك

    محدش وصل غزه نهائيا

    :d

  • حسام يحى

    حسن حنفى


    فيرك اه


    روح ظبط كتابتك وتعالى

    :P

  • حسام يحى

    ابى

    شكرا لمرورك

    :d

    ليه كده بس

    :(

  • عايزه اتطلق و

    اولا بقه اسماعيليه شط الهوا طيب..
    اليى تقوله يمشى يا حسام ..
    ثانيا ربنا يحميك لامك ايه ده روح الحماسه والكفاح اليى مغموس فيها دى
    ربنا يبارك فى عمرك ويستر طريقك ..
    حسام مامتك عارفه النشاط الجميل والمدمر اليىبتعمله ده ..
    قصدى يعنى خوفها خوفها عليك واصل لفين ..
    بعداين انا صعقت يا حبيبى انتا صغير قوى 16 سنه..
    ربنا يحميك ربنا يحميك ربنا يحميك ويبارك فى عمرك ..
    شئ حلو لما نلاقى ولادنا ليهم مبدأ فى حياتهم ربنا يحميك ويبارك فى عمرك ويفرح مامتك بيك..
    انا فرحانه بيك قوى قوى.

  • عايزه اتطلق و

    بس قولى هنا لما شاف الرساله المشئومه دى..
    اهلا فى الموبوئه..وشه جاب اى لون..

  • بنت سيناء..

    ماشا الله
    موضوع جامد بجد


    فعلا احنا هنا فى العريش وبحكم قربنا للمعبر فية اشياء بتكون من وكالة الغوث للاجئين((الاونوروا)) وبتتوزع على الاهالى هنا لانها ما بتعدى للفلسطينية

    وكثير كثير تيجى قوافل ولحد عندنا هنا وبترجع..وكثير انطخو(انضرب علهم رصاص )من اهل سيناء لمحاولتهم المرور عبر السلك اللى على الحدود ولكن لا تعرف ولا تسمع.

    بس المهم انى بحترم طلعت السادات جدا لانة انسان من الشعب وابن بلد الله يوفقكو


    قلت كلمة جميلة
    البلد دى مش هينصلح حالها الا بالاسلام سواء اخوان او غيرة المهم الاسلام الصح وفى مصر الاخوان هما اللى بيمثلو الاسلام


    بارك الله فيك واشكر نقلك لنا الاحداث وبالصور

  • حسام يحى

    عايزه اطلق ولكن


    شكرا لمرور حضرتك

    اه انا عرفتها قبل مااروح كمان

    :d

    انا بحمد الله النهارده كملت 17 سنه بحالهم

    :d

    كبرررررررررررت


    كل سنه وحضرتك طيبه

  • Hosam Yahia حسام يحى

    بنت سيناء

    :)

    اه بجد حاجه تخنننق الامن ده زباله

    عايز الدبح




    المهم كل سنه وحضرتك طيبه

  • انى احبكم فى الله

    اشكرك على الموضوع الجميل وتحياتى ليك على المدونه الجميله اللى بتناقش المواضيع بجراه تحياتى ليك وتقبل مرورى

  • Habeba

    أخي الفاضل..
    فعلتم ما قدركم الله عليه
    فجزاكم الله عنا خير الجزاء
    وأثابكم بما تقدمتم به اليه من سفر وصعاب
    وباذن الله المرة القادمة نصلي جميعا في المسجد الأقصى آمنين مطمئنين
    وحمدا لله على سلامتكم

    أختكم..

  • حسام يحى

    انى احبكم فى الله

    شكرا لمرورك

    :)

  • خديجة محسن "لؤلؤة الاسلام"

    ما شاء الله اخى مدونة جميلة
    و الموضوع
    رااااائع
    و تحيااااااتى

    و كل عام و انتم بخير

    رمضان
    كريم

  • حسام يحى

    لؤلؤه الاسلام

    ده من ذوق حضرتك

    وانتى طيبه

  • مديح

    أخي حسام تقبل الله منك هذا المجهود , لكن أظنك الآن عرفت معني قول الإمام البنا "ميدان القول غير ميدان العمل وميدان العمل غير ميدان الجهاد..."فكلنا يستطيع أن يقول لكن ليس كلنا يفعل, علي كل حال انما النصر صبر ساعة , ولا تُغرّ بهذا الانتصار المؤقت للأمن , ولا تستهزيء بالمجهود الذي قام به أي فرد في الحملة فلعلك كنت تحلم برحلة سعيدة أو علي الأقل ليس بهذا الشكل ولكن طريق الإصلاح طويل بعض الشيء ويحتاج لمجهود والمفلح من يوفقه الله ويصبر , ويثبت علي الطريق حتي يلقي الله إما منتصر أوشهيد في سبيل ما يعتقد المهم أن يكون اعتقادا صحيحا والأهم أن يكون علي وعي وفهم جيد بهذا الاعتقاد , أأسف للإطالة لكن الأمر أكبر مما تتصور.

  • TiMmY

    يااااااااه
    ده انا داخل البوست متأخر قوي ..

    بصراحة .. مع إني مش إخوان .. بس بجد أنا أحترم جدا جدا تنظيمهم في العمل ...

    و أنا أرى إنهم هم الجبهة اامعارضة الوحيدة في مصر .. الباقي كلهم حبر على ورق ..

    أما بالنسبة للي حصل معاكم ..
    فأنت أكيد أكيد في مصر ..

    و خذلان المسلمين -الحكومات المسلمة- للمسلمين شيء أصبح عادي و متعارف عليه ...

    و الشرطة بتاعتنا ما تتوضاش يعني ..

    ربنا يفك الحصار عن غزة إن شاء الله ..

    وينصرهم يعوض صبرهم خير ..
    لأنهم أثبتوا للناس كلهم إن المسلمين يقدروا يعيشوا بدون ما يبقوا "ذيول" لأي حد .. و من غير ما ياخدوا معونات من أي حد ..

    و شكرا على البوست ده يا حسام ..
    بس سؤال معلش :) ..
    هم عندكم في البيت سمحوا لك تروح كده عادي ؟؟
    يعني ما خافوش عليك من الشرطة و الأمن و خليك جنب الحيط و الكلام ده ؟؟ و لا إيه بالضبط ؟؟
    معلش هو سؤال فضولي شوية بس لو مش عاوز ترد عليه مافيش مشكلة ..

    تحيتي

  • غير معرف

    في خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
    هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

    1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
    2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
    3- مشكلة تعمير مصر والتى يعيش سكانها على 4% من مساحتها.
    4 - العدالة الاجتماعية .. وأطفال الشوارع والذين يملكون كل شىء .
    5 - ضرورة الاتحاد مع السودان لتوفير الغذاء وحماية الأمن القومى المصرى.
    6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
    ارجو من كل من يقراء هذا ان يزور ( مقالات ثقافة الهزيمة) فى هذا الرابط:

    http://www.ouregypt.us/culture/main.html

  • shayma

    اسأل الله أن يجعل ذلك في ميزان حسناتك
    وأحب أقول : كلمة رددتها مرارا وتكرارا: مهما خيم عتم الليل راح يطلع له نهار

    النصر قادم بإذن الله" ألا إن نصر الله قريب"
    لكن علينا أن نصدق أولا النية مع الله تعالى
    ونسأل الله أن يزيدكم حبا لدينكم ووطنكم العربي

    بس زعلت جدا لما حضرتك قلت" مش عايز أشتم" لسببين
    أولا: هم لا يستحقوا أن تخسر حسنات بسببهم..وأن تذهب إليهم وهم ليسوا أهلا لذلك
    ثانيا: إن حضرتك أسمى من أن تتدنى لمستواهم" فشيمتنا الصبر وكظم الغيط والإحتساب"

    بارك الله فيك وجزاكم الله خيرا على زيارتكم المستمرة لمدونتي وقد نزلت بوست جديد بعد تحفيزكم لنا

  • حسام يحى

    مديح

    جزاكم الله خيرا على الايضاح وان كنت اختلف مع بعض نقاطه العريضه

  • حسام يحى

    timmy

    معاك ان الاخوان .....................................................

    لئه فى البيت كنت قايل وكانوا موافقين يبااشا
    :d

  • حسام يحى

    shaymaa

    جزاكم الله خيرا لمروركم انا اقصد انى مش عايز اشتم مش بتوع الامن
    :d

    حد تانى

    عمل حركات مش كويسه هناك

    :)

  • Batooooot

    السلام عليكم
    بجد ميه ميه ياحسام مش المهم انت وصلات لفين المهم انك حسيت بلقضيه واصري بانك تشارك وولا يهمك ياعم الحسام المرادى عرفت اللى فيها والمره اللى جيه توصل
    شكرا كل ودى للك بتوفيق

  • Batooooot

    واتمنى زيارتك فى مدونتى لسه بفكرhttp://leesaabafakr.blogspot.com

  • حسام يحى

    batoooot

    شكرا لمرورك

    :)

  • فراشة حزيران

    قـد قرات الكثير حـول هذه القضية

    ربما كانت اححدى الصدمات المتكررة التي اتلقاها في حياتي ..

    لكن من الجيّد انك ذهبت الى هناك
    واله يسامح مين كان السبب في اختفاء باقي الصور

  • Hossam

    اولا سلام عليكم
    ثانيا
    عرفت منين موضوع ان فى سفر
    انا عايز اسافر انا كمان اروح فين
    او فى مكان معين عشان اعرف بليز رد عليا
    سلام

  • حسام يحى

    فراشه حزيران

    :)

    شكرا لمرور حضرتك

    اه ربنا يسامحه

  • حسام يحى

    hossam

    وعليكم السلام

    بص حضرتك هوا يوم 6 اكتوبر احتمال يكون فيه قافله تانيه

    لو فيه هاقول لحضرتك

    :)

  • ريمان

    :(

  • ريمان

    وبجد لما قرات تعليقات اخوات عليه حزنت واتقرفت منهم بجد مش عارف ازاى يعلقوا فى موضوع زى ده او بالاصح ازاى يقروا موضوع زى ده مش فاهم ازاى بس بجد مش
    عارف ازاى هاقدر اكلمهم تانى !!!!ا

    .....................

    مش ده تعليقك عند حماده زيدان؟

    مش انت اتقرفت من الاخوات اللى هو انا وميرا وبطه

    ولا يكون قصدك عليا انا لان مكنش حد معلق قبلك الا انا بس فى البوست ده

    انا بقه هعلمك ازاى تتقرف منى

    وهعلمك ازاى بعد كده تعرف تتكلم معايا

    ياللى مش عارف ازاى هتتكلم معايا بعد كده

  • ريمان

    ويا ترى بقه ماقرفتش ليه من صاحبك حسن اما علق عند حماده

    ولا انت بتقرف من الاخوات بس

  • Hosam Yahia حسام يحى

    وقد يعبر الصمت

  • ابو النجوم

    حسام
    والله صعبانين على .. انت وكل اللى بينخدعوا فى شعارات الاخوان التى ظاهرها رحمه وباطنها لايعلمه الا هم . طيب لما انتم قلبكم طيب كده عملتم ايه لدرافور فى السودان وعملتم ايه للمسلمين فى الصومال واريتريا . كفايه تجاره بالدين . اللعبه هتنكشف والاخوان عمرها ماكانت حركه شعبيه دى مجموعه بتتخذ الدين ستار للوصول للحكم . وحكايه رفع الحصار او كسره دى بقت موضه قديمه لان معظم الناس فهمت انها صراع قوى بين الحكومه وبين الاخوان وان الاخوان اوسخ من الحكومه ولو مسكوا البلد هيعلقوا المشانق على كل شارع . كفايه تجاره باأولادنا والشباب المخدوع مسيره هيفهم ولازم تبان الحقيقه والوجه القبيح لتنظيم هو اساس لكل البلاوى اللى بيعيش فيها شعبنا . ملعون ابو الاخوان على ابو الحكومه . ولعوا فى بعض بس ابعدوا عن اولادنا.

  • هيثم الكاشف

    رايح الاسماعيليه علشان تقولوا شعارات بس طب ماتقلوها في البيت :>
    مالهاش لزمه الحمله دي عن رأيي !!

  • كلام على بلاطة

    كل عام وانت بخير

  • aaahhmd

    السلام عليكم
    بجد شدتنى مدونتك

    شباب لم تحطمه الليالى ولم يسلم الى الخصم العرين
    شباب ذللو سبل المعالى وما عرفو سوا الاسلام دين

    aaahhmd


لو صندوق التعليق مش ظاهر ممكن تعمل ريفرش

next previous