نيه حسنه ويوم عصيب ونهايه غير متوقعه







الصوره الوحيده اللى اتبقت (صوره من سياره الترحيلات )

- نزل شنطتك -جمله ترددت عده مرات لكل من مر بشارع عبد الخالق ثروت حيثُ نقابه الصحفيين يجرى تفتيش دقيق للشنطه .

-انتَ رايح فين - جمله ترددت للمارين فى شارع الجلاء وعبد الخالق ثروت والشوارع المحيطه بنقابه الصحفيين .

- ايه ده - جمله رددتها بانبهار عندما رايت كميه الحشود الضخمه من وقات امن مركزى وفرق كاراتيه وبلطجيه

ومخبرين المتركزين فى وسط البلد ومن ثَم حولوها الى ثكنه عسكريه كبيره .

بعد احباط تجمع ناشطى القافله امام النقابه تقرر عقد المؤتمر الصحفى امام مقر جريده الاهرام بعد تجمع مجموعه من

الناشطين حول اتوبيس قادم من الفيوم تابع للقافله بعدها بفتره جاء المستشار الخضيرى والدكتور حمدى حسن وبعدها

مباشره كتيبه امن مركزى كامله قامت بعمل كردون واسع لمعظم الناشطين نجح قلائل فى الهروب منه دخلنا اتوبيس

القافله كان من المفترض ان ننطلق الى رفح مباشره لولا البيروقراطيه الاخوانيه (القادمين فى الاتوبيس من اخوان الفيوم

النزول الى الشارع للمشاركه فى المؤتمر الصحفى لكن مسئول الاتوبيس نزل الى الشارع ورفضوا التحرك الا باذن منه

اتصلوا به اشار عليهم بالانتظار حتى تتضح الامور بعد قليل جاءت تعزيزات امن مركزى وسياره ترحيلات اتصلوا به

اشار عليهم بعد مالتحرك وانتظار المكتوب!!!

بعد وقت قليل صفان امن مركزى ومخبرين امام باب الاتوبيس فتحوا باب الترحيلات (سياره ترحيلات حجم كبير )

كنا هادئين بالطبع ماعدا بعض الهتافات وتخبيط على جدران السياره وكانت بدايه الرحله الى طره .....انزلوا يااخوانا

جمله قالها لواء شرطه

جو مشمس . رمال صفراء . جبال تتراءى من بعيد وجوه فرحه ووجوه متضايقه ومن ثَم حجره حجز واسعه لكنها

سرعان مامُلئت بالقادمين الجدد من سوهاج واسيوط ... جمع بطاقات ووسائل الاتصال.

هو : انتَ من المنصوره ياكابتن
انا : ايوه صح
هو : اجدع ناس
انا : الله يخليك :d (حوار بينى وبين عسكرى حراسه )

......

معامله طيبه من قٍبل الحراس , تعارف بين الاخوه , اكتشفت انى الشاب الثانوى الوحيد

بعدها ..........................................................................................

فجأه نداء على اسماء وتغميتها وادخالهم للتحقيق فى مكان غير معلوم ثُم لايعودون استمر الوضع على تلك الحاله حتى

قاربت الاسماء على الانتهاء علمنا انه من يتم التحقيق معه يخرج .

الان لم يتبق غير سته رفضوا تغميضهم اثناء التحقيق انا منهم عندما ابلغناهم بذلك تركونا مايقارب الساعه وبعدها دخل

احدهم علينا قائلا الظابط ماشى لو مش جيتوا الوقتى هتبيتوا ومش هتروحوا الا اما تتغمضوا ويتحقق معاكوا فأشرنا على

بعضنا بالتنازل عن تلك النقطه

طابور عرض ...رؤيه مفقوده ...اصوات كئيبه ...شتايم بذيئه ..ضرب :d ....اهلا بى فى مكتب التحقيق

ربما احكى ذات يوم عن الذى حدث لى ..

................

اكثر مااسعدنى انى صبرت ولم اخُر بكل حاجه عند اول ألم واول شتيمه كما قال عنى أحدهم والحمد لله انى صمدت وان

لم يكن صمود الابطال الا ان هذا يكفى بالنسبه الىً على الاقل هذه الفتره

(طبعا كان فيه صور وفيديوهات كتير بس ربنا يسامحه اللى خد الميمورى )

مواقع تحدثت عن قافله 6 اكتوبر

65 تعليق:

  • أختكم فى الله

    حجز

    اول تعليق

  • أختكم فى الله

    وتانى تعليق كمان

    استنى بقى حروح اقرا

  • البنت الشقيه

    فعلا نهايه غير متوقعه

    بس متعتبرنيش جهله بس ليه دا كلو عشان الموتمر الصحفى ولا عشان رفح

    معلش بس انا الثانوى خلى الذاكره عندى بعافيه حبتيين اعذرنى

    تحياتى
    وبجد ياريت كل شباب مصر زيك وبيعترضوه بالفعل لا بالكلام زيك

    البنوته الشقيه

  • مهندس مصري

    و الله على اللي استحملته ده و مجرد انك رحت تبقى شجاع
    و بطل كمان
    :)

  • بركاوى

    ربنا يتقبل منك
    ويجعله فى ميزان حسناتك
    ويرزقنا وإياك الإخلاص

  • أختكم فى الله

    مين اللى قال انك تقول كل اللى عندك من اول شتيمة ده!!

    والله موراحك فى حد ذاته قمة الشجاعة منك

    لا انا بشوف فيك شجاعة فظيعة ما شاء الله

    عرضت الموضوع بطريقة حلوة

    بس الكلام يحزن

    معلش

    ربنا حياخدلك حقك من الناس الاشرار دول

  • النجمة الصامدة

    حمدالله على سلامتك يا بطل


    راجل وسيد الرجالة

    مش هقولك بقى وعقبال المرة الجاية
    D:

    هههههههههههههههههههه
    ربنا يحفظك من كل سوء يارب

    وماتبقاش تلعب قدام النقابة تاني
    D:

  • Hosam Yahia حسام يحى

    اختكم فى الله

    شكرا لمرور حضرتك :)


    اتفضلى

  • Hosam Yahia حسام يحى

    البنت الشقيه

    شكرا لمرورك

    :) كلنا ثانويين عادى يعنى

    ربنا يوفقك

  • Hosam Yahia حسام يحى

    مهندس مصرى


    ربنا يكرم حضرتك

    مش للدرجه دى

  • Hosam Yahia حسام يحى

    بركاوى


    امين

  • Hosam Yahia حسام يحى

    اخنكم فى الله

    ههههههههههه

    بجد

    ناس اشرار فعلا

  • Hosam Yahia حسام يحى

    النجمه الصامده

    :)
    الله يسلم حضرتك

    هههههه

    حاضر ولا عُدت هالعب خالص

    :d

  • anas3laa

    ما شاء الله . أخلص النية يا ابني

  • أمن دولة

    لو حكيت عن اللي حصل لك في التحقيق هنجيبك تاني

  • ريمان

    حسام

    مش هقولك غير حمد الله على سلامتك

    ومش هقولك انها نهايه غير متوقعه

    لاء
    متوقعه

    وانا قولتلك

    يا ريتك تسمع بس كلامى ولو مره واحده

    يعنى انت ماتعلمتش من اللى حصل المره اللى فاتت
    وبرضه بتروح تانى

    وكانت النهايه ايه؟
    منعوكم واعتقلوكم وشتموكم واهانوكم

    وكويس انهم سابوكم تروحوا اصلا

    على العموم حمد الله على سلامتك

    واكتر حاجه عاجبانى هى صمودك

    ربنا يبارك قيك ويحفظ ويرضيك

    وحسبى الله ونعم الوكيل على كل ظالم

  • حسام يحى

    انس علاء


    لقد اخجلتم تواضعنا

    :P

  • حسام يحى

    امن الدوله

    :d

    انتا تؤمر ربما احكى على الميل او اما اقابلك بقا

    ههههههه

    نورت

  • حسام يحى

    ريمان

    الله يخليكى

    ان شاء الله المره الجايه يوم 2 نوفمبر

    ذكرى وعد بلفور

  • GiGi

    الحمد لله على سلامتك
    يارب نعقل بقى ونبقى اعقل شويه فى تصرفاتنا
    احنا هنعمل ايه من غيرك ياابنى
    ربنا ينتقم من الظلمه يارب يارب يارب

  • AbdElRaHmaN Ayyash

    ههههههههههههه
    راجل ياض
    :D بجد راجل
    ربنا يكرمك ياسطى و يجعله في ميزان حسناتك
    ان شاء الله كفارة
    :D بس انت اتضربت ؟؟
    محدش اتضرب خالص

  • فزلوكة

    ضرب وشتيمة وصمود وبيروقراطية
    مش كان بيتكم افضل
    D:
    لاوالله بجد ماشاء الله عليك
    ربنا يزيدك

    وبعدين مش كنت مشتاق للبيروقراطية الإخوانية
    أديك شوفتها
    D:
    ربنا يوفقك يارب,,وتبقى طالب جامعة

  • GOLDEN BOY rooney

    شطووووووووووره وفى سنه اولى


    حررت الاقصى

    بس بجد ربنا يخدك قصدى يزيدك قوه

    وتحمل الضرب
    وانا بتمنى ليك وللناس اللى زيك الخير


    تقبل مرورى :
    ROONEY

  • حسن حنفى

    حسام يحيي

    ياعمي حياتي كلها لله

    :d

    ههههه

    ولا يهمك المهم انك تكون بصحه وسلامه

    :)

    بالتاكيد كان يوم جميل

    يا بختك بيه

    اسف علي التاخير انت عارف الظروف بقي

    :((

  • غير معرف

    ha ha ha ha
    there r a saying
    prisoner for the clever people
    and I think u r that

    and tell me
    where r our agreement
    about the blog 's update

    may be u need to be killed

    so take care from me
    ha ha ha

  • غير معرف

    ha ha ha ha
    there r a saying
    prisoner for the clever people
    and I think u r that

    and tell me
    where r our agreement
    about the blog 's update

    may be u need to be killed

    so take care from me
    ha ha ha

  • غير معرف

    أبوبكر حمدى بيقول كل محنه..أوووه أسف! كل منحه وانتا طيب يا بطل وربنا يتقبل ويجعله فى ميزان حسناتك يوم القيامه..وربنا يسامح الى أخد الميمورى بتاعك والى عمل ان موبيلى موبيله و حصل الى حصل وكل اللقطات الحيه من داخل المعسكر فى الضياع ..أشوفك فى معسكر تانى ان شاء الله بس يكون اسبوع ولا حاجه فى شرم الشيخ..لا تنسانا من الدعاء أشوفك فى قافلة عيد الأضحى ان شاء الله...فى رعاية الله.وسلامة قفاك اوعى تكون بتزعل من الكلام ده والله أنا بحبك بس متفهمنيش غلط (بحبك فى الله طبعا).دا عنوان مدونتى (أقلام ثائره)
    www.elfagerelbassem.blogspot.com

  • وومن

    بقولك يا حسام ممكن تسأل بتاع أمن الدولة لو انا اللي حكيت هايخدوني ولا لاء


    هع هع هع هع هع هع هع هع هع

    حمد الله علي السلامة واهو الحمد لله بقي ليك سابقة في أمن الدولة و أول طلعه في طره

    جامد يعني

    حمد الله علي سلامتك الف سلامة

  • حسن حنفى

    من الحق يا حسام انا بعتلك تاج
    عارف انك مش بتحلهم
    :(
    مستنيالاعتذار بقي
    :D

  • حسام يحى

    gigi

    تعملوا كتير

    :d

  • Hosam Yahia حسام يحى

    عبد الرحمن عياش

    احم احم

    ياباشا مش اى حد يتضرب

    وبعدين نحن لها

    :d

  • Hosam Yahia حسام يحى

    فزلوكه

    :d

    طبعا كنت مشتاق :dواهى جت

    يارب

    :d

    لئه مش احسن :d

  • Hosam Yahia حسام يحى

    roony

    اهلا:d

    ويزيدك

  • Hosam Yahia حسام يحى

    احمد باشا شاهين

    :d

    من عنيا

    النهادره ان شاء الله هاحدث شويه حجات فيها

  • Hosam Yahia حسام يحى

    ابو بكر حمدى

    اه طبعا المره الجايه فى منتجع وادى النطرون السياحى

    اقابلك ان شاء الله القافله الجايه يوم 2 نوفمبر لو بابا وافق انا هاجى ان شاء الله

    :)

    تمامٌٌ

    متفكرنيش باللقطات الحيه

    هههههههه


    يلا عليه العوض يامعلم

    انا زرت مدونتك وعلقت اى خدمه
    :d

  • Hosam Yahia حسام يحى

    حسن حنفى

    :d

    اه فعلا

  • Hosam Yahia حسام يحى

    وومن


    اه طبعا اتفضلى احكى

    هههههههههههه

    لئه بلاش خليها علينا

    الله يسلمك

    :d

  • Hosam Yahia حسام يحى

    حسن حنفى

    :d

  • belal

    بس ايه رأيك في قليم عمارة يعقوبيان :D
    ..

  • اصحى يا نايم

    حمدلله على السلامة
    ربنا يتقبل

  • رُدَّ إلى َّ روحى

    حمدالله على سلامتك

    ربنا يجعله فى ميزان حسناتك ياااااااااارب

  • حسام يحى

    بلال

    كان عسسل

    :((

  • حسام يحى

    اصحى يانايم

    جزاكم الله خيرا
    :)

  • حسام يحى

    رُد الى روحى

    جزاكم الله خيرا

  • إيمان عاطف

    يااااااااه
    الحمد لله انكوا طلعتوا بالسلامه أصلا
    والله ماتتصورش قلقنا عليكوا اد ايه يللا خير
    ولسه قدامك طريق طويييييييل
    اجمد يا استاذ

  • سندس وأمل

    إيه ياعم الإصرار ده .........

    وبعدين هوا الى إنتوا شفتوه ده حاجه

    ده لسه فى بلاوى.......

    على العموم ربنا يحميك إنت والى

    كانوا معاك ...."أمل"

  • the east bird

    ايمان عاطف ولايهمك يافندم

    كلنا لها

    :d

  • حسام يحى

    سندس وامل

    فى انتظار البلاوى يافندم

    :d

    جزاكم الله خيرا لمرورك :)

  • the sniper

    الرجاء زيارة مدوناتنا
    القناص
    thesniper2000.blogspot.com
    شكرا

  • shayma

    وضعت تعليق..لكن لا أدري أين ذهب؟؟

    خيرا..

    جزاكم الله خيرا وفتح على أيديكم ورزقكم الإخلاص

    وتذكروا دوما أن الله استخدمكم .. فوطنوا أنفسكم على ذلك

    وكونوا أهلا لما اختاركم الله له
    ولا تكلوا ولا تملوا واستكملوا.. فهو في سبيل الله

    لا تنسى تجديد النية قبل كل ذهاب..

  • حسام يحى

    القناص

    ان شاء الله

  • غير معرف

    في خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
    هذه دراسة لمشاكل مصرالرئيسية:

    1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
    2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
    3- مشكلة تعمير مصر والتى يعيش سكانها على 4% من مساحتها.
    4 - العدالة الاجتماعية .. وأطفال الشوارع والذين يملكون كل شىء .
    5 - ضرورة الاتحاد مع السودان لتوفير الغذاء وحماية الأمن القومى المصرى.
    6 - الطاقة المتجددة كبديل للطاقة النووية. فالطاقة النووية لها محاذيرها وهذا ماسوف نشرحه بالتفصيل.
    ارجو من كل من يقراء هذا ان يزور ( مقالات ثقافة الهزيمة) فى هذا الرابط:

    http://www.ouregypt.us/culture/main.html

  • عاليا حليم

    اه اليوم ده كان مشكلة رجليا باظت من اللف لحد ما رحت الشارع الى انا عاوزاه و محطة المترو كانت مقفولة كمان

    بس بصراحة انا محدش فتش شنطتى و لا حاجة

  • حسام يحى

    shymaa

    جزاكم الله خيرا يافندم


    حاضر

  • حسام يحى

    عاليا حليم


    انا شنطتى مكانتش هاند باج كانت كبيره حبتين تلاته يعنى

    :d

  • حرة المداد

    حمدا لله على سلامتك أخي...لا أدري ماذا أقول لكنك اعتذرت ومن معك عنا نحن النائمين المقصرين وأعذرتم الى ربكم أنكم حاولتم نصرة اخوانكم..ان شاء الله تكون مشروع بطل...ليت كل الجيل هكذا حتى لا يتأخر النصر.منذ زمن لم آت هنا لكني تصفحت كثيرا من الادراجات وكعهدي بك ماشاء الله مشروع صحفي واعد..جميل جدا بوست الصور

  • حسام يحى

    حره المداد

    جزاكم الله خيرا يافندم

    مش مشروع بطل ولا حاجه

    :d

  • فارس القمر

    لابجد انت شجاع
    لمجرد انك روحت معاهم
    كان نفسى اشوف الصور والفيديوهات اللى اخدها اللى منوا لله
    وارجع واقولك
    حسبى الله ونعم الوكيل

    تقبل مرورى
    فارس

  • حسام يحى

    فارس القمر

    رغبتك فى رؤيتها مش اكتر منى والله

    :((

  • عبدالهادى_سارة

    حــسام ..انت رحت ..

    يعني دلوقتي تشمت فينا بقا زي ماشمتنا فيك المرة اللي فاتت

    بجد اقولها لك ..انت بـــطــل..بـطـل
    لان اي حد ممكن يتعرض لاي شوية ضربات وحجات من دي ..يعترف علطول خصوصا انه لسه صغير في السن ..(انت طبعا طلعت كبيير في دي مش صغير ..هههه)0

    بجد ربناااا يزيدك قووة وايمان وثبات
    وربنااا يحفظك يااارب

    واسجد لربنا شكر انك خرجت من هناك سالم

    *وشـــد الهمه الاسلاام مستنيك انت وامثالك*

  • kAn _ 7Lm

    السلامووو عليكووو

    حمد الله ع السلامة يا كبتن

    كلنا لها

    ازمه وعدت

    ولايهمك المهم انك رجعت بالسلامه

    تحياااااااااتى لك

    يارب دايما تكون بخييييييييير

  • نيرة و منةالله

    كويس انك صبرت
    الحمدلله انكوا ماتنفتوش والا حاجة او عذبكوا
    اول زيارة
    ربنا يجزيكوا خير على الى عملتوة

  • Hosam Yahia حسام يحى

    عبد الهادى وساره

    اى خدمه ياعم

    واحده بواحده

  • Hosam Yahia حسام يحى

    كان حلم

    :)

    اهلا

  • Hosam Yahia حسام يحى

    نيره

    :)

    جزاكم الله خيرا لمرورك

    :)


لو صندوق التعليق مش ظاهر ممكن تعمل ريفرش

next previous