وحدهم الاحرار




















مايُعرض على الشاشه من صور ولقطات تذكرنى بصور كنت أراها وأنا صغير لكن تحت مسميات أخرى تحت أراها تحت اسم مذبحه
صابرا وشاتيلا كنت أرها تحت مسمى مذبحه دير ياسين تحت اسم قانا تحت أسماء عديده ...
حينها لا أنكر كميه اشمئزازى من الذين عاصروا هذا المذابح ولم يتحركوا ولم يفعلو شيئا واكتفوا بدموع الانسانيه على من رحلوا فى تلك
المذابح يتساوون فى الدموع مع معاصريهم من الاجناس الاخرى .
لم أكن اعلم انى فى يوم من الايام سأدخل دائره الاشمئزاز أمام نفسى بعدم فعلى شيئ وانضمامى الى الارقام التى تشاهد وتبكى انسانيه ً
.................................

قيام اسرائيل .. حربهم ضد فلسطين 1948.. صور الاسرى المصريين تحت عجلات الدبابات والمجنزرات الاسرائيليه
كنت لاأعلم كيف سكتت شعوبنا وحكوماتنا ولم تُحرك ساكناً اثناء هذه الأحداث الا لما رأيت مذابح غزه وشابهتهم يتكرر
صمتنا كشعوب وتتكرر خيانات القيادات الذين خانوا فى 48 فى مصر والاردن وسوريا هم من خانوا فى 2009 يبدو اننا
نحقق ما قاله الله تعالى ( انا وجدنا آباءنا على أمهٍ وإنا على آثارهم لمقتدون)

بالتأكيد لاأستبكيكم ولا أبكى خوفاً من هزيمه المقاومه انا متيقن من انتصار المقاومه وانتصار منهجها .
لكن أحب ان اذكركم بأن من كنا نطلق عليهم الشعب المحتل لم يعد مُحتلاً بعد الآن او بمعنى أحرى لم يكن محتلا من زمن
لكن نجحت غزه بصمود شعبها أن تبين لنا من المحتل ,, المحتله ارضهم واقتصادهم أم الشعب المنتصر فى 73
والمهزوم فكرياَ وسياسياً
اتمنى لو كنت أقول اننا احرار .. لكن تأبى الحقيقه مثل هذا القول نحن لم نعُد احراراً
غزه بقدر ماأظهرت شعبها كشعب عظيم صامد بطل يذكرنا ببطولات شعبنا اثناء احتلاله عسكريا
بقدر ماأظهرت شعبنا بأنه محتل وان لم يعد احتلال عسكرى لقد تطور الاحتلال وأخذ منحنيات أخرى
اكتفت غزه بفضحنا أمام أنفسنا ....




ستنتصر المقاومه حتماً انا متيقن من ذلكان تحرير فلسطين من الاستعمار لن يتم الا بتحرير القاهره من
الاستبداد ,, ( كانت هذه الكلمات من أخر كلمات القائد احمد عبد العزيز الشهيد فى 1948)
ان المعركه لم تعد خارجيه بالنسبه للشعب المصرى على الاقل لقد سارعت الحكومات الرسميه حتى المعروف منها
بعمالته بارسال مساعدات والتنديد بما يحدث والاشاده بالمقاومه ... لكن وقفت المساعدات عندنا ومُنعت من دخول غزه
رفض قائد الضربه الجويه ونظامه فتح معبر رفح ,,لم يخف قائد الضربه الجويه ونظامه من شعبه الجريح بما يحدث
لغزه ,,,تسبب قائد الضربه الجويه ونظامه بسياساتهم فى حرق علم مصر فى بلدان العالم ,, غير تشويه اسم وسمعه
مصر واعتبارها فى منزله الاعداء بعد اسرائيل وامريكا مباشره ,,, هل فعل قائد ضربه جويه لاى دوله فى العالم جرائم
فى شعبه ودولته اكثر ممافعل قائد ضربتنا الجويه
ايها الساده مثلما نؤيد المقاطعه والتبرع والدعاء كوسائلنا فى نصره اخواننا فى غزه ,, الاترون ان قائد ضربتنا الجويه هو عدوها الاول عربياَ
لقد تكشفت الحقائق ..
لسنا احراراً ,, من يقبعون فى غزه وحدهم الاحرار
اظن ان الطريق الى القدس يمر فعلاً من القاهره


49 تعليق:

  • محمد العتر

    يا سيد حسام قائد الضربة الجوية مش قائد ولا بطيخ ... مجرد راجل في غرفة مكيفة يرتدي زي ظباط الطيران ... والمجاهدون الذين حلقوا بطائراتهم هم الأبطال ... قال بطل قال ...


    والله المفروض تمسح الكلمة دي من المقال ((وإن كانت بمثابة السخرية)) ... وتكتب الجبان ... الخاين ..والعميل

    شيء من هذا القبيل

    ..........

    سامحني .. دمي محروق

  • حسام يحى

    محمد العتر

    لئه طبعا مقدرش امسحها لانى مقتنع انه قائد الضربه الجويه
    لو قابلتنى قريب ابقا فكرنى اقولك انا اقصد ايه

    وهتقولى مش تمسحها :D

  • خديجة عبدالله

    حاجة تكسف بجد :( تكسف بس إنه العار بعينه..

    كلام كبير ومتوازن جدا ربنا ينفع بيك
    أهم حاجة إنه كلام مش مفهوم أوى يحسن يقفلوا لسيادتك المدونة هيا كمان :)

    ربنا يحميك ويحفظك ويرزقك الشهادة فى سبيله بس قبلها تكون عملت نصر كبير للاسلام والمسلمين

  • م/ الحسيني لزومي

    حمله المقاطعه
    لا تستطيع ان تجاهد
    لاتستطيع ان تتظاهر
    لا تستطيع ان تتبرع بالمال
    اذن قاطع وادعو غيرك للمقاطعه
    منتجات كل من يدعم العدو
    **** هل تعلم أن:-
    1- شركه ستار بوكس(للكافيهات والقهوة) تدعم العدو ب 2 مليار سنويا من ارباحها
    2- شركة فليب موريس (مارلبورو & مريت ) تدعم العدو وتدفع بصفة يومية ما مقدارة 12% من ارباحها.وعليه فإن مدخني العالم الإسلامي فقط يدفعون كل صباح 12 مليون دولار اي ما قيمته طائرة اف-16 كل اربعة ايام .

    *** قائمة المقاطعة
    ستار بوكس
    ماكدونالدز
    برجر كينج
    كنتاكي
    بيترا كينج
    كوكاكولا
    بيبسي
    فردركرز
    شيليز

    لنوقف شراء البضائع الأمريكية والبريطانية لشهر واحد فقط

    سوف تكون تكلفة هذا الشهر عليهم خسائر مقدارها
    37 بليون دولار

  • غير معرف

    Stop saying Israel Say IsraHell , in you writing , chat , talk , conversations and artwork .

    we lunched this campaign , to show the world how illegal israhell is .

    Please write an Article , POST , make an Artwork about this new name of IsraHell .

    Please forward the message and say IsraHell .

  • حسام يحى

    خديجة عبدالله


    لاتصالح ولا تتوخى الهرب

    :d

  • بذرة امل

    اكتفت غزه بفضحنا أمام أنفسنا ....
    الجملة دى اد أيه هزتنى
    يمكن لان هى دى الحقيقة فعلاً

  • حسام يحى

    م/ الحسيني لزومي

    ربنا يجعله فى ميزان حسنات حضرتك

  • حسام يحى

    غير معرف

    كلمه israaHell

    مش مفهوم معناها الا بالنجليزى

    لو كتبتبها بالعربى

    اسراهيل

    مش هتأدى المعنى اللى انت تقصده

    ده طبعا مجرد راييى

  • حسام يحى

    بذرة امل

    :)

  • shimaagalal

    السلام عليكم
    إنهم حقا أحرار ، قل ما شئت عن ما حدث فى غزه ، وياليت الكلمات تداوى الجرح ، لقد أخطأنا وأجرمنا جرما كبيرا فى حقها ، أطباء إيه ومعونات إيه اللى سمحوا بدخلوها بعد أكتر من أسبوعيين قصف وشهداء وجرحى
    حسبنا الله وكفى فى أنظمتنا وحكامنا المتخاذلين
    تسقط تسقط تسقط دولة الكيان الصهيونى وكل من عاونها
    سلمت يمينك وجزيتى خيرا

  • حسام يحى

    shimaagalal

    حسبنا الله ونعم الوكيل

    فى انظمتنا المتواطئه

  • anas3laa

    أحب أقول لقائد الضربة الجوية
    دخلت امرأة النار في هرة حبستها .
    الحاج د بقى حبس برضه . بس حبس حاجة تانية

  • بحب كل الناس

    شعب دعائمه الدم والجماجم تتحطم الدنيا ولا يتحطم


    تلك هى الشعوب الحرة

    اخى حسام بارك الله فيك ونفع بك
    وجزاك الله كل خير

  • محمد العتر

    ماشي يا حج حسام ....


    دايماً كده كلامك غامض

    (:

    ولنا لقاء قريب جداً

    ادعيلي

  • محمد العتر

    ماشي يا حج حسام ....


    دايماً كده كلامك غامض

    (:

    ولنا لقاء قريب جداً

    ادعيلي

  • اسلام الشربينى

    فليشهد التاريج مجزرة غزة ... ولتخسئوا ياعرب ....
    فعلا هى دى الحقيقة عشان مصر واسرائيل الوقتى بقو مع بعض زى السمنة على العسل :)
    اخوك اسلام الشربينىhttp://b7bbalade.blogspot.com/
    ابقى عبرنى يا عم حسام

  • حسام يحى

    السيد انس علاء



    بكره احنا اللى نحبسه

  • حسام يحى

    محمد العتر

    :)

  • حسام يحى

    بحب كل الناس

    فلينتقم الله من الطغاه جميعهم

  • حسام يحى

    اسلام بك الشربينى

    :)

    انت تؤمر

  • أنفاس الصباح

    (اظن ان الطريق الى القدس يمر فعلاً من القاهره )

    تمام

    ولكن كيف ؟

    اعتقد يا حسام ان قائد الضربة الجويه

    لا بيهش ولا بينش من زمان

    الحل اكثر عمق من مجرد تغير شخص او حتى نظام

    الشعب ايضا محتاج تغير ،

    حاول تعرف من التاريخ :

    كيف استطاعت المقاومة ان تحصل على شعب بهذا الصمود ؟

    من منهم انتج الأخر ؟

    هل يمكن ان توجد مقاومة بدون حاضنة شعبية قوية ؟

    كيف كان بإمكانها ان تتلقى كل هذه الضربات منذ انطلقت لو لم يكن هذا الدعم الاسطورى لشعب حر اكتشف الطريق كما ذكرت ؟

    اللهم انصر جندك وأعلى كلمتك واستعملنا لذلك واجعلنا اهلا له

  • اسلام الشربينى

    منا بقالى عمر بأمر وانت بردة زى ما انت ما بتنفذش على العموم عادى براحتك
    تقبل مرورى اخوك اسلام الشربينىhttp://b7bbalade.blogspot.com

  • حسن حنفى

    :(

  • The sword

    مدونتك رائعة

    اخوك حسام بس حسام الغزاوى
    http://egyphoto.blogspot.com/

  • حسام يحى

    انفاس الصباح

    اكيد طبعا لازم الشعب

    بس

    حضرتك مش شايفه ان يبقا ليه حد زمنى

    كإخوان بقالنا 80 سنه بنحاول فى تغيير الشعب

    نستنى ايه اكتر من كده عشان نشوف الخطوه اللى بعدها
    ؟

  • حسام يحى

    اسلام الشربينى

    ايه اللى حصل ؟!

  • حسام يحى

    حسن حنفى

    :)

  • حسام يحى

    حسام الغزاوى

    اهلا وسهلا بك

    :)

  • أنفاس الصباح

    (كإخوان بقالنا 80 سنه بنحاول فى تغيير الشعب )

    معلوماتى ان الفترة دى معظمها كان تكوين ولما نتكلم عن الاخوان ميبقاش المقياس مصر لانها دعوة عالمية

    كل مكان له ظروفة والمرحلة الى تناسبها

    انا أعرف اننا الآن فى مصر فى مرحلة المجتمع وفى البداية

    يعنى لسه يادوبك بدأنا نغير فى الشعب

    ليست لنا فى مصر حاضنة شعبية كالتى لنا فى غزة مثلا

    واظن انت بتشوف موقف الناس فى الانتخابات هناواضح انه اقل بكتير من المطلوب علشان يكونوا مناصرين للفكرة

    داخل اوطانا لا يصلح الا التغير السلمى
    حتى لا يهلك بعضنا بعض لصالح عدونا
    ده غير حرمة الدم المسلم والمسالم

    كل وقت وله ظروفة ومواقف تناسبه
    وان كان الثابت استراتيجية التغيير السلمى

    الامر لا يقاس بعدد السنين
    ولكن بمدى تحقق اهداف كل مرحلة

    المهم اننا نتعلم من تجاربنا فى كل مكان وليس فى مصر فقط

    وحتى يأذن الله يجب ان نحاسب انفسنا بصدق هل ادى كل فرد ما عليه ام لا

    والحساب هنا لكل المستويات
    ليس للصف وحده دون القيادة

    ولا للقيادة وحدها دون الصف
    وليس بطريقة انتم واحنا

    يعنى التلاوم المذموم كما صوره القلاآن فى سورة القلم
    ولكن بوسائل مشروعة وحكيمة ومخلصة وداخلية
    هذا رأى على قد فهمى

    ربنا يلهمنا الصواب

  • حسام يحى

    طنط ايمان

    انا باكلم على اساس مصر

    انا خايف ان الاخوان مش هيعيشوا كجماعه اكتر مما عاشوا

    ومازلنا فى مرحله المجتمع (فى بداياتها )

    ,,,,

    انا لا اقصد عمل ثورى مُسلح للتغيير

    انا اتحدث عن ضروره محاوله التغيير

    ( خارج نطاق نغيير القواعد)

    او فليكن تغيير او محاولع تغيير متوازى

    رأسياً كما هى المحاولات فى القواعد

    ...

    ربنا يستر

  • ذات النطاقين

    ربنا ينصرهم بينا ان شاء الله

  • حسام يحى

    ذات النطاقين

    :)

    يارب

  • اسلام الشربينى

    مفيش حاجة حصلت بس خليك متفاعل معايا شوية مش اكتر و لا اقل :)
    تقبل مرورى

  • Batoooot

    السلام عليكم
    البوست رائع بس ليه تيجى عند الطيار
    مبلاش من بعيد احسن يزعل منك ول حاجه هههههههه
    وعلى العموم ربنا معاهم ومعاكم انتوا كمان
    تحياتى بطوووط

  • أنفاس الصباح

    لا ارى وسيلة لتغير سلمى رأسيا كان او افقيا غير ما يفغله الاخوان والذى بحاجة الى نفس طويل

    والله اعلم

  • حسام يحى

    اسلام الشربينى

    .....

  • حسام يحى

    Batoooot

    ......

  • حسام يحى

    انفاس الصباح


    جميل اختلاف الآراء

    ربنا يرشد الاخوان الى مافيه الخير

  • GiGi

    ياااااااااااااااااااااااااه فين من زمان
    ربنا يكرمك ويجعلك دايما نصره للمسلمين
    فعلا هؤلاء فقط هم الاحرار ربنا ينصرنا احنا مانستحقش بس يارب علشان الاطفال دى بس يااااااااااااااااارب

  • Hosam Yahia حسام يحى

    GiGi

    يااااااااااااااااااااااااااااارب

  • نور جديد

    شوف يا سيدي
    احييك على التناول المختلف للموضوع
    و اعتقد انك عندك حق في كلامك
    لكن بيكون لي رؤية يمكن مختلفة شوية
    ان الكلاب تعوي و القافلة تسير
    بمعنى
    انا شايفة انها خلاص المرحلة النهائية في القضية الفلسطينية
    فمطلوب بقى نركز اكتر في ان نكون ممن سيقع عليهم اختيار الله لغلق هذه القضية
    اصل حسني مبارك ده خلاص اخره ايه يعني
    هو جاب اخره خلاص في الظلم فسيبه يعوي
    و احنا نكمل مسيرتنا
    متديهوش اكبر من حجمه

  • حسام يحى

    نور جديد

    احيي طبعا رأى حضرتك ..

    بس اذا كان الكلب اللى بيعوى قفل الطريق على القافله وهيا ذاهبه لانقاذ القافله شقيقتها

    يبقا الحل ايه ؟!

  • Bent el-Qassam

    بسم الله
    ربنا يرجعك بالسلامه ياحسام يارب

    **
    الموضوع دة انا قريتو قبل كدة

    ربنا يحميك يارب
    وخلي بالك من نفسك يابنى الله يكرمك...مش ناقصين

  • مسلمه وافتخر

    ربنا يرجعك بالسلامه يا حسام
    انت كده اتاخرت اوى
    ربنا يحميك ويحفظك ويرزقك الشهادة فى سبيله بس قبلها تكون عملت نصر كبير للاسلام والمسلمين
    D:

  • اسلام الشربينى

    ربنا يرجعك بالسلامة يا صاحبى
    زعلت اوى لما سمعت خبر اعتقالك والله
    ربنا معاك
    اخوك اسلام الشربينى

  • Hosam Yahia حسام يحى

    Bent el-Qassam

    :)

    ربنا يكرم حضرتك

  • Hosam Yahia حسام يحى

    اسلام الشربينى

    ربنا يخليك :)

  • alerts

    Although from different places, but this perception is consistent, which is relatively rare point!
    nike dunk


لو صندوق التعليق مش ظاهر ممكن تعمل ريفرش

next previous