كل سنه واجدع ريس فى الدينا طيب







كل سنه وانت أجدع ريس فى الدنيا .. كل سنه وانت حاكمنا بالطوارئ .. كل سنه وانت مخلى عيشتنا قرف .. كل سنه

والمعتقلات مليانه سياسيين .. كل سنه والشباب على القهاوى .. كل سنه ومصر محبوسه فى سجنك .. كل سنه وانت طيب

كلمه صغيره ( على فكره ياريس .. حضرتك هيبقا عندك 81 سنه الشهر الجاى .. انا كمان شهر تسعه الجاى هاكون زيك

18 سنه زى بعض الاختلاف البسيط فى الترتيب ومش هتفرق ياريس )

كل سنه وانا ( باحبك ) ومستنى اليوم اللى تتوكل فيه على الله .. اكيد باقول كده عشان تروح الجنه هناك احسن من

قصورك بكتير

باتمنى لك الخير من كـــــــــــــــــل قلبى

--------------------

كل سنه وهو طيب .. ارجو ان تكون التعليقات .. مبايعه للسيد الرئيس قائد الجزمه الجويه وقاهر الرومان وفاضح الصليبين وماسخ المغول وحابس المسلمين وخانق النصارى وخادم اليهود .....


37 تعليق:

  • SostyPasha

    :D يعيش يعيش بابا مبارك

  • Hosam Yahia حسام يحى

    يعيــــــــــــش

    بالروح بالدم نفدى رئيسنا ياعم :D

  • اصحى يا نايم

    الف مبروك
    يا ريس حمامة يا ريس كويس , سلامة الحمامة وسلامتك يا ريس

  • SostyPasha

    :D :D عشان خاطري يا حسام انت لازم تعمل فيديون تبارك فيه لبابا حسني عيد ميلاده :))))
    نفسي اشوف مواهب زي مواهب جاك كدا :P :P

  • حياتى نغم

    السلام عليكم / تعيش وتفتكر يا حسام :)

  • حسن حنفى

    هههههههه

    الف مبروك

  • شاعر سبيل

    بص يا حس
    السياسة أدب
    والأدب سياسة
    واحنا ملناش في السياسة
    بس الراجل الصياد راح بالسمكة لمراته
    قالها اقليها
    قالتله الزيت غالي ومعندناش
    قالها اشويها
    قالتله الدقيق غالي ومعندناش
    قالها اعمليها صنية في الفرن
    قالتله الطماطم غالية ومعندناش
    راح رامي السمكة في البحر
    السمكة هتفت بكل قوتها وقالت
    تحيا جمهورية مصر العربية

  • أنفاس الصباح

    واد يا حسام

    ايه الهجص الى انت كاتبه ده !

    امش روح ذاكر

    انت مش كنت اتوقفت وقلت أن ان انصرف

    ايه الى رجعك تانى مالهباب الى اسمه اضراب خلص خلاص

    اياك اشوفك قاعد على النت تانى

    فاهم

    أخ! لمو أخذه بحسبك ياسر

    معلش يا اخ حسام انا بس كنت عوزة اقول لسيادتك

    لسة بدرى على امتحاناتك خليك براحتك

    انت ياعم مش محتاج مذاكرة

    ده انت تحل اجدعها امتحان بصابع رجلك الصغير

    متنساش تعمل اضراب 4 مايو و5يونيه
    و20 يوليه ...........

    20يوليه بتاع ايه؟

    لا متخدش فى بالك ده بيقولوا انه يوم نتيجة الثانوية العامية


    والله يا حسام لو مبطلت تنطيط وقعدت تشوف مذاكرتك لهبطل ادعيلك

    كسفتنى يابنى قدام ربنا

    ادعيلك ازاى وانت مبتفتحش كتاب

    هتقولى بذاكر

    طب امتى بالله عليك ده انت من المدونة للفيس بوك للاضرابات للسجن

    الله ينور

    يابنى ذاكر صباعى وجعنى !

  • Hosam Yahia حسام يحى

    اصحى يانايم

    الف ميت مبرووك :)

    انت كتبتها غلط :D:D:D:D:

    مش بتتقال كده

  • Hosam Yahia حسام يحى

    لئه مش عندى مواهب زى جاك

    او عندى احسن منه

    بس مش هاضيعها على مبارك

    :D

  • Hosam Yahia حسام يحى

    حياتى نغم

    :) وعليكم السلام

    :)

  • Hosam Yahia حسام يحى

    حسن حنفى

    ربنا يبارك فيك :)

  • Hosam Yahia حسام يحى

    شاعر سبيل


    ايوه صح

    عندك حق

    تحيا الجمهوريه العربيه المتحده

  • Hosam Yahia حسام يحى

    انفاس الصباح

    هو كل الامهات كده ولا ايه :D:D:D:D::D

    احنا هنخلص يوم 21 - 6 الامتحانات ان شاء الله

    عايز دعاء من حضرتك لحد اخر شهر 6 بس :D
    ربنا يحفظ حضرتك يارب

    وانا زى ياسر بالظبط حضرتك قولى اللى عايزاه :D:D:D:D:
    --
    هذاكر حاضر .. بس حضرتك ادعيلى بجد زياده

  • مشتاقه للجنه

    شكلك هتقضى امتحانات الثانويه العامه فى أبو زعبل

    ربنا يهديك ياااااااااارب

  • اصحى يا نايم

    تعليق الدكتورة أنفاس الصباح فكرنى انك فى ثانوية عامة .. تصدق !!ـ

    ده كلام .. وسايبنا نعيش معاك الدور طول الفترة اللى فاتت دى .. أقول ايه لاخواننا اللى فى الثانوى دلوقتى اللى واخدينك قدوة .. منظرى بقى وحش قدامهم يا جدع

    اعمل اى حاجة صلح بيها موقفك .. حتى لو نشرت بوست تحكى فيه عن مواد الثانوية العامة

  • خالد فوده - Khaled fouda

    كل سنه وانت فاكر لنا حاجه عدله شويه

    كل سنه وانت طيب

  • محمد العتر

    أنا خلاص يا حاج حزب وطني

    سيبك انت بلا اخوان بلا معارضة

    علشان اريح التعبانين .......

    قوللي أعمل ايه

    الوضع ده بيتكرر مراراً

    ):

  • sun_of_freedom

    هههههههههههههههه

    الصراحه انا مستخسرة التورته الى اترمت فيه دى


    صعبانه عليا ......


    ربنا بيحبه الصراحه حب
    بيزيد في عمره وبيكترله ذنوبه يااااااااااه
    مش بقولكوا ربنا كريييييييييم

    محدش بيصدقنى


    حسااااااااااام باشا

    شايف التعليقات كلها عامه ازاى الناس تعبوا معاك

    هما كمان صعبانين عليا بالذات انفاس الصباح نفسها اتقطع


    يلا ربنا يكلبه وكل سنه وهو نااااازل في " سقر " كدا لغايه ما وصل لتحت خالص

    باشا ذاكر بدل ما اوحى الناس عليك تعملك اضراب على التدوين واعتصام على الكتاب وترحيلات لدار الإمتحانات واعتقال ابو زعبل للاحتياط

    :)

    تحياتى لك ممزوجة بآيات القرآن تحفظك مدى الزمان

  • GiGi

    ياخبااااااااااااااااار
    انت مش هتجيبها البر
    ربنا يستر علينا جميعا

  • عبالعزيز يوسف لسه بحلم

    كل سنة وإنت .......................ياريس ربنا يارب يخليك لينا يامروقنا ومظبطنا ومرقصنا
    وإخترناه إخترناه إحنا الشعب وكلنا وراه
    مصر مش حزينة ياريس والناس زى الفل
    مفيش حد تعبان ولاحد متضايق ولاحد مش لاقى ياكل ولا حد عنده فشل كلوى أو سرطان أو إلتهاب كبدى وبائى
    ولا حد مرمى فى المعتقل من غير سبب ومفيش ياريس حد عاطل ومش لاقى شغل أو حد معاه كلية طب وشغال أمن أو عامل نظافة
    ورغيف العيش متوفر وحجمه ةعائلى كمان
    ياريس الناس فى دولتنا عارفين إن قيمتهم غالية عندك أوى وبتاخد لهم حقهم من كل اللى بيدوس ليهم على طرف
    عشان كده ياريس الناس بيشكروك إنك ريحتهم من الشاطر وحسن مالك ومن معهم
    الناس دى اللى منهم محتكرين للحديد ومنهم من تسبب فى غرق العبارات ومنهم من إستورد من إسرائيل مبيدات مسرطنة ومنهم من لوث دم المصريين
    ياريس الناس بتشكرك على الحرية المطلقة اللى إحنا عايشين فيها وبيطلبوا من سيادتك ياريت تقلل نسبة الحريات عشان هما شعب إبن كلب مش على مستوى حكم سيادتك وغير ناضجين سياسيا
    فالحرية الزيادة دى بيستغلها غلط

  • Hosam Yahia حسام يحى

    مشتاقه للجنه

    يااااااارب

    ادعيلى بجد :D

  • Hosam Yahia حسام يحى

    اصحى يانايم

    هى الثانويه بكلامكم عنها محسسنى انها وحش عملاق

    لئه ياخوانا دى حاجه لطيفه جدااا
    :D

    جربوها حتى :D
    --

    كتبت قبل كده على فكره عن المواد :D
    ---
    وشوفتك يابشمهندس اول امس فى شارع الترعه :D

  • Hosam Yahia حسام يحى

    خالد

    عشان تعرف بس

    :D

    وانت طيب انت كمان

  • Hosam Yahia حسام يحى

    محمد العتر

    : )

    خلص امتحانات وبعدها هاعملك انا الكارنيه بس ابقا فكرنى

  • Hosam Yahia حسام يحى

    شمس الحريه

    ربنا يكرم حضرتك يارب

    التورته على حساب اخوانا فى كفايه :D::D:D

    عادى يعنى :D
    ----
    آمين يارب :D

    ادعيلى :D

  • Hosam Yahia حسام يحى

    Gigi

    ادعيلى :)

  • Hosam Yahia حسام يحى

    عبد العزيز يوسف ( لسه بحلم )

    شكلك لسه بتحلم فعلا

    :)

  • محمد خيري

    ساندوا المدون أحمد محسن الذي أعتقل للمرة الثانية بواسطة جهاز أمن مبارك

    تضامن مع المدون أحمد محسن ورفاقه وطلاب جامعة الفيوم المضطهدين

    لا للظلم ولا للقهر ولا للإستعباد

    إننا في رابطة مدوني الفيوم نطالب جميع اصحاب الضمائر الحية بعدم الإستسلام لسياسة التخويف المتبعة لدي نظام أمن مبارك والمقاومة السلمية حتى أخذ جميع حقوق الوطن المهدرة

    http://www.freefayoum.blogspot.com

  • نور الاسلام

    السلام عليكم

    :( وبعدين خلاص يا حسام ما لقيتش غير اليوم ده اللى تفكرنا بيه !!!!


    يلا بقى شد حيلك كده فى المذكره عايزين مجموع كبير..وبالتوفيق ان شاء الله..

  • Hosam Yahia حسام يحى

    محمد خيرى


    ربنا يرجعه بالسلامه يارب

    يازُمل :D

  • Hosam Yahia حسام يحى

    نور الاسلام

    هو انا عندى اغلى منه :D

    ---

    حضرتك ادعيلى : )

  • اسلام الشربينى

    قشطة يا صاحبى

    اولا احب اطمن عليك وعلى اخبارك واخبار مذاكرتك

    ثانيا موضوع جامد بجد ههههههه

    وكل سنة وحضرتة طيب


    تحياتى يا صاحبى

  • أختكم فى الله

    يااااااااااااه 81 سنة

    ؟؟؟؟؟؟؟؟؟؟؟؟؟؟؟؟؟؟؟؟

  • Hosam Yahia حسام يحى

    اسلام

    ماشى

  • Hosam Yahia حسام يحى

    اختكم فى الله

    :)

  • جزيرة العشاق

    ماشاء الله تبارك الرحمن
    جهد مميز ..
    ومعلومات استفد منها بشكل كبير
    سأحتفظ بمدونتك لدي لأنني سأعود لها كثيراً
    وجدت بها ماأبحث عنه
    بالتوفيق أخي الفاضل


لو صندوق التعليق مش ظاهر ممكن تعمل ريفرش

next previous