السؤال الاكثر وجودية








باقى على بدايه المعركه الفاصله 18 يوم .......

يؤسفنى كثيرا ان معارك الاستنزاف التى استمرت 11 عام بين الابتدائى والاعدادى والثانوى كانت اغلب المعارك فى صالحى تماما

ليس مهما تلك التفاصيل الان المهم انه فى خِضم التجهيز للمعركه التى لم أبدأ الى الان فى التجهيز لها (5) .....

بعيدا عن السقطات التى تحدثت عنها فى البوست السابق وبعيدا ايضا عن التصميم الجديد والتطويرات المتتاليه بعيدا عن كل ذلك

اجد نفسى مهتما لان بالاسئله الاكثر وجوديه عن ما أدعى تسميته بالحماقه الكبُرى التى ارتكبها اهلى فى إلحاقى بالأزهر ( يُحب ان يسميه مُدرس فى معهدى ( الازهر الذى كان شريفاً )

ربما الازهر جيداُ فى الإجمال لكن إن تعمقت كثيراً ستجد انهه أمرُ خاطئ لكنه حدث ينبغى عليك ياعزيزى الآن ان تتعايش :s

أمامك الآن 16 ماده ... إن أصررت على تقدمك بشكل قوى فيها سيتوجب عليك حوالى نصف اليوم امام كُتب لاتصلح للاستخدام الآدمى ( أغلبها )
بعيداُ عن انها صفحاتها مازالت نظيفه عندى .. إلا انها عقيمه الاسلوب

.... حاضر تحت أمرك .. لقد تغاضيت عن عُقم الاسلوب , اجد نفسى الآن أمام حشو للكُتب اعتبره حشواً فارغاُ

ماذا يستفيد أحدهم من حفظ أوزان لا اعرف عددها لكن اعلم انها كثيره .. ماذا سيفيد الاضطرار الى حفظ ماده بالكامل تُدعى المنطق ( ليس لها علاقه بالمنطق )

عندما تريد اجتياح 16 كتاب مختلف غير ملاحق بعض الكُتب

تجد نفسك كما كنت قررت الابتعاد عن السقطات والقالب والتصميم الجديد تقرر أيضاً ان تبتعد عن الشعارات الهدامه امثال ( الله .. الوطن .. المذاكره ) :D

وتجد نفسك عاجزاُ امام السؤال الاكثر وجوديه الآن ...

( اللون البرتقالى جاء اولاً ام البرتقال )

أعزائى حد يعرف الاجابه عشان نِخلص ؟

40 تعليق:

  • خديجة عبدالله

    أهلا أهلا حيلة للهروب هذة المرة :)
    فعلا كل الأسئلة بتطلع وقت المذاكرة وتلاقيك عندك أفكار عدة ومتميزة
    عامة خير كل تلك مبشرات إن شاء الله بأنك هتسحق صنم المذاكرة الرخمة وتخلص بنتايج جميلة وترضيك بعون الله

    بالنسبة للسؤال : والله مش عارفة بس اساسا مش كل البرتقال برتقالى فى برتقال اخضر واصفر ههههههههه
    ما رأيك اجابة مقنعة صح

    أيام الثانوية دى ربنا لا يعودها فعلا مميزة ربنا يوفقك وييسر مذاكرتك وتفرح بنتيجتك وتدخل الكلية التى تتمناها

  • SostyPasha

    نعمل ايه بقى يا حسام امرنا لله ...
    والله بجد خلاص الواحد اتخنق من المناهج اللي ملهاش دعوة بالحياة دي !! (5)
    بس اهو اضغط على نفسك عشان تعدي وغيرلنا المناهج بقى اما تمسك وزارة التعليم :P
    و18 يوم معقولة جدا مع 16 مادة :)
    ان شاء الله تلحق تجمعهم
    عشان اعلام منتظراك :)
    ومعاك حق فعلن دي شعارات هدامة جووووووي والله ومش بفايدتها خالص :S
    حسبنا الله ونعم الوكييييييل
    ..وبعدين مين قالك ان اللون البرتقالي مرتبط بالبرتقال ؟؟؟؟؟؟؟
    دا مرتبط ارتباط وجودي بالبطيخ يا استاذ اصحى بقى

  • Hosam Yahia حسام يحيى

    خديجة عبدالله

    :)

    ربنا يكرمك .. اه مُقنعه :)

    --
    ان شاء الله . دعواتكم

  • Hosam Yahia حسام يحيى

    SostyPasha

    انا ازهر مش ليا دعوه بيكم (2)

  • الجنرال محمد العتر

    لمذاكرة شغلانة مش جايبة همها (H)

    على فكرة هو لما التفاحة جت البرتقانة بقت برتقاني علشان الموزة أول ما طلت فلطحت الجوافة (4)

  • عاشقه الاقصى

    بص يا أخ حسام تقولنا سريالي غامض مبهم عفركوشي عقيم
    هنقولك بأعلي صوت
    اعصر ع نفسك قفص لمون وتقبل غباء المناهج وذاكر
    عشان فيه حقيقه اكثر واقعيه وهي انك هتمتحن يوم 31
    ربنا معاك وعلي فگره في رايي ان البرتقال واللون البرتقالي مواليد نفس البرج

  • Hosam Yahia حسام يحيى

    لجنرال محمد العتر

    :)

    شاطر يامحمد

  • Hosam Yahia حسام يحيى

    عاشقه الاقصى

    يوم 30 مش 31

    ربنا يستر (5)

  • غير معرف

    عندك حق بجد بس يبختك عايش حياتك طول السنة وجاي زعلان أوي علي 18 يوم لو مكاني حتعرف قيمة الإحضرتك فيه يا فندم إحنا كليتنا دح طول السنة وإمتحن طول السنة وفالأخر النتيجة تطلع وتلاقي نفسك برضه من غير تقدير يارب نجيب تقدير السنة دي أصل أنا خلاص علي الأخر
    ربنا يوفقك

  • عمر

    بسم الله الرحمن الرحيم
    أخوي الصغير حسام :
    ياريت تشيل النظرة المتشائمة دي من جواك وتخلي مكانها تفاؤل
    وخلي يوم النتيجة ( السعيد) إن شاء الله دايما قدامك هتهون عليك المذاكرة
    وبص لنص الكباية المليان أحسن وحاول تستمتع بالمذاكرة
    وجدد نيتك في المذاكرة عشان ربنا يعينك ويثيبك عليها
    وخلي كل الأسئلة دي على جنب دلوقتي وشد حيلك يا بطل الأجازة مستنياك
    ........
    بالمناسبة ماشاء الله عاجبني النيولوك بتاع المدونة
    ......
    ربنا معاك

  • غير معرف

    مش انت كنت قولت انك هتعتزل ؟

    هتبقى راجل فى كلمتك امتى بقى ؟

  • مخبر قمل دولة

    يا حسام والله الازهر دا عسل
    طب تصدق بإيه انا لحد دلوقت امتحنت 11 مادة
    والله ياحسام كلهم مذاكرة ليلة الامتحان
    والحمد لله يعني ماغلطتش الا غلطتين بس
    على فكرة لا اللون البرتقالي ولا البرتقال جه الاول
    الكحك الاحمر جه قبل الاتنين يا فااالح

  • Hosam Yahia حسام يحيى

    غير معرف

    ربنا يكرمك يارب .. المفروض عندنا تذاكر برده :)

  • Hosam Yahia حسام يحيى

    عمر

    ان شاء الله

  • Hosam Yahia حسام يحيى

    غير معرف

    :)

    على فكره لولا انى شاكك ان حضرتك اكون انا عارفه وبحبه

    كنت هاقول ( اما تبقا انت راجل الاول وتكتب التعليق باسمك )
    بس حاسس ان ده حد ما انا باحترمه :)

  • Hosam Yahia حسام يحيى

    مخبر قمل دولة

    عاش الازهر حُرا مستقلاً

    ( انت لسه عيل ) اما تبقا فى تالته ثانوى هتعرف :D

  • sun_of_freedom

    والله هو فعلا سؤال فى غايه الاهميه بل اسئله وليس سؤال


    بس ل تركنا عقولنا للأسئله هنتعب

    علمنى والدى نمذ الصغر حاجه مدام شئ واقعي ولابد منه ولازم انجح يبقا لازم احب المادة علشان تحبنى وتنجحنى حتى لو على مضضت

    (N)
    وللعلم مش الدراسه بس الى كدا لو بصيت فى ج ميع نواحى الحياة هتلاقي اسئله كتير ملهاش اول من آخر والغجابه نظام فاشل وحكم فاشل لسبب كله مترتتب على كله
    تعليم متعلق باقتصاد متعلق بصحه متلعق باجتماعيات متعلق بسياسه ومش اي سياسه وفي النهايه بيصبوا تحت غطار واحد فى نظتام فاشل فى دساتره وقوانين وكل حاجه

    ولابد ان نخضع له

    بس تعرف اخى رغن النى بعانى من نفس سؤالك لكن بجد اول ما ابدا وامسك الكتاب وابدأ في القراءه بجد بحس بمتعه في المذاكرة وبكون مستمتعه فيها


    حاول انت كمان تستمتع بيها زى اختك هتلاقي ليها مذاق تانى بجد
    وخصوصا بعد كدا بفرحة النجاح والتقدير بعد التعب والسهر والكل فرحانليك

    بجد كان ليها طعم خاص عندى والله دمعت ومن كتر الفرحه كنت ببكى

    اتذكرت اللحظة دى كدا

    الله يوفقك يارب


    انا بخصوص بقا موضوع البرتقانه

    (2)

    في فرق لو برتقان سكرى او برتقان بلدى
    بيفرق برده ؟؟؟؟؟

    دمتات اخى بكل تفوق وغبداع وتميز

    تحياتى لك ممزوجة بآيات القرآن تحفظك مدى الزمان

    (F) (F) 9F)

  • Hosam Yahia حسام يحيى

    sun_of_freedom


    مستنى أجرب شعور النشوه بالانتصار ده

    ربنا يستر :)
    ---

    مفيش متعه من المذاكره لو انا حتى عملت قرد

    انا اقصد البرتقال الاحضر مش البرتقال البرتقالى
    :D

    --

  • فاطمة اسامة

    المدونة بقت فعلا أكتر من روعة

    بس دة ما يمنعش اني مش موفقاك في كلمة (الازهر اللي كان شريف)

    لو كان هناك أخطاء فهي منا والازهر ارفع واثمي من ذلك

  • Hosam Yahia حسام يحيى

    فاطمة اسامة

    (دى مش كلمتى )

    انا باكلم على الازهر الان كأشخاص
    مش كاسم !

    الازهر الان يمثله سيد طنطاوى
    انا اقصد شيخ الازهر ومؤسسات الازهر الاداريه والتعليميه طبعا

    :)

  • د/عرفه

    اكيد يا حسام
    مش لازم الواحد يحب كل شىء يدرسه
    بس اكيد مهم انه يحب الشىء الشىء اللى هيتخصص فيه

    كانت ستى بتقول دايما ان جالك الجبر خليه بجميلة

    يعنى الشىء اللى انت مجبر تعمله ومش حبه اقنع نفسك بحبه علشان تعرف تكمل وخليه بجميلة من عندك

  • بقول اللى اعرفه

    هما جابو ال 16 مادة دول منين (3) !!!!!!!!!

    على فكرة بقى اللون الاحمر هو الاول يلا ما هو احنا لازم نساعدك برضو ونخفف من عليك شوية هاهاهاهاهاهاها (Y)

  • مشتاقه للجنه

    "إذا لم تكن منا تريد فحب ما تكون"
    حكمه جميله جدا,,لو مش بتحب المواد فلازم غصب عنك تذاكر لأن قدامك هدف فلازم تضحى علشان توصله.

    ويلا عقبال اما نشوفك شيخ الازهر كده وتغير المناهج وتجيبها على مزاجك,,ساعتها يكون الاخ محمد فى الازهر ويدعيلك كده(اصل ناويين ندخله ازهر زى اخوه)

    وبعد اما يتخرج حضرتك تترقى وتبقى وزير اعلام,,ونختمها بقى برئيس جمهوريه وتعدم اللى بيظلموك دول(مع انهم مش ظالمينك بس يلا)(:

    ربنا يوفقك ويصلح حالك ويهديك للخير دايما

    دعواتكم

  • Hosam Yahia حسام يحيى

    د/عرفه

    :) ربنا يكرمك يادكتور ادعيلى

  • Hosam Yahia حسام يحيى

    بقول اللى اعرفه

    افدتنى فعلا
    :)

  • Hosam Yahia حسام يحيى

    مشتاقه للجنه


    ربنا يسعدك يارب ويوفقك ويكرمك يااااااارب
    :(
    بادعى والله

  • أنفاس الصباح

    (إن أصررت على تقدمك بشكل قوى فيها سيتوجب عليك حوالى نصف اليوم )(Y)

    اعطتنى هذه العبارة بعض الامل

    للعلم يا حسام عندما قرأت هذه التدوينة مع السطر الأخير الذى كتبته عندى بجد قلبى وجعنى
    ولم استطع ان اكتب اى تعليق حتى اعدت اليوم قراءة هذه التدوينه واستوقفتنى هذه العبارة بالاعلى

    تذكرت وعدك لى بأنك لن تكسفنى مع ربنا لما ادعيلك

    وتطمينك لى سابقا بانك يمكنك تجميع المواد فى وقت
    قصير

    وانا موقنه انك ستفعل

    اما عن السؤال الاكثر وجودية فيمكنك البحث عن اجابته فيما بعد ما دام ذلك لن يمنعك من تقشير البرتقالة والتهامها فذلك اجدى الان (:

    اعتدت مع اولادى ان اصلى صلاة الحاجة وادعوا لهم واقرء سورة يس أثناء تواجدهم باللجنة حتى ينزل الله عليهم السكينة ويذكرهم بما درسوه ويسهل لهم الاجابة ويلهمهم الصحيح منها
    وذلك لان بيكون صعبان على تعبهم طول العام
    فبأتمنى ان لا يضيع تعبهم
    ياريت ترسل لى على الاميل جدول امتحاناتك علشان اصلى وقت كل امتحان صلاةالحاجة وادعيلك واقرءلك سورة يس
    طبعا مش علشان صعبان على تعبك فى المذاكرة طول العام
    وانما علشان صعبان على مامتك وباباك P:

    ربنا يهديلك نفسك يا حسام

  • hamada

    يفتح باب بيت المدونين ذراعيه لكل الموهبين في :
    1/ القصة القصيرة
    2/ الشعر بشتى أنواعه
    3/ الرواية "رواية سنوية سنقوم بنشرها في الجريدة"
    4/ المقال الصحفي
    إذا وجدت في نفسك القدرة على المشاركة أرجوا التواصل معي على الميل التالي
    arabicsabah@yahoo.com

    أرجوا إرسال مواضيعكم لأختيار الأفضل لنشره العدد القادم
    http://www.facebook.com/inbox/readmessage.php?t=1069922064069&f=1&e=-12#/group.php?gid=78080770039

  • Hosam Yahia حسام يحيى

    أنفاس الصباح

    ربنا يكرم حضرتك يارب :D

    انا المطعون فى تعليمه :D

    .. حاضر ربنا يسعد حضرتك يارب:D

    على التعب فيه تعب بس اكيد مش عشان الدراسه :D

    :D

  • Hosam Yahia حسام يحيى

    hamada


    :)

  • بسمة ولكن..

    ياعينى
    ايام الامتحانات دى اكأب حدث ممكن يمر بيه انسان
    بغض النظر عن اي نوع الحشو بالظبط
    فهى سياسة عامة
    بتستفزك عشا تخرج منك مجموعة أعراض
    تشمل هذيان،وميوعة نفس،ضغط عالى وضغط واطى
    مواقف غير مبررة...الى اخره
    ربنا معاك
    والبرتقال هو اللى جه قبل اللون البرتقالى :)

  • صاحبة هدف

    السلام عليكم

    مش وقت الأسئلة خالص ولا وقت المدونة

    حضرتك بس احسب الوقت المتبقي وعدد المواد

    ضع خطة محكمة وجدول غير مضغوط ونوع في المواد

    تفائل أثناء المذاكرة

    واضحك كثيرا حتى ولو قيل هستيريا..ولكني تعطي جو آخر

    بين الحين والآخر..اقفز من مكانك..خذ مشوار لحد أول الشارع وأقرب سوبر ماركت واشتري حاجة حلوة ثم عد مرة أخرى

    كل ساعة أو ساعتين قم وافصل بخمس دقائق ثم عد

    حاول في هذه الفترة التركيز على العناصر الرئيسية وفهم سريع لما يندرج تحتها

    على فكرة..فترة وهتعدي

    وهتعدي بسرعة جدا جدا جدا

    لذلك..ضاعف جهدك قليلا..ستشعر بقيمة إنسانية عالية بعد الإنتهاء

    جدد نيتك..وعددها..وأحسن الظن في الله

    أعتذر عن الإطالة ولكن مهمتك كبيرة

    موفق بإذن الله

  • بذرة امل

    الله مدونتك باقت حلوة أوى ياحسام
    بص اقولك حاجة كنت بعملها أيام المزاكرة
    خد الموضوع ببساطة جداً
    حب الكتب لونها اختصرهاعلى قد ما تقدر
    وانت إنش اء الله هتلاقى الأيام عديت أسرع من الصاروخ
    ربنا يوفقك ويعينك


    عايزة أقولك أنى رجعت أكتب تانى

  • Hosam Yahia حسام يحيى

    بسمة ولكن..

    :) ربنا يكرم حضرتك

  • Hosam Yahia حسام يحيى

    صاحبة هدف

    جزاكم الله خيرا :)

  • Hosam Yahia حسام يحيى

    بذرة امل

    جزاكم الله خيرا

    ---
    جميل :)

  • اسلام الشربينى

    اخى فى الله حسام يحى


    ربنا اعلم انا
    بدعيلك ولا لا بس انا زيك كدة بالظبط لا افقة شىء انت مش عارف اخوك ولا اية ؟


    بس ربنا معاك ومعايا ومع اللى زينا :(

    دعواتك

  • moemin05

    الله معنا ان شاء الله و لا يضيع عمل عامل و انا مثلك لا اعلم لماذا اعجز عن الاستذكار كما ينبغي بس ربنا يستر

  • Hosam Yahia حسام يحيى

    اسلام الشربينى

    :)

    ربنا معاك

  • Hosam Yahia حسام يحيى

    moemin05

    ربنا يستر معاك ومعايا :)


لو صندوق التعليق مش ظاهر ممكن تعمل ريفرش

next previous