مجرد تذمر









انا من هؤلاء الفتيه الذين يفشلون فى التعبير عن مشاعرهم وعن مايراود عقولهم من افكار عندما تأتى الحوادث بأكثر مما

يتحملون .. لكن اصررت على الكتابه رغم ذلك .. اريد الحديث عن نقاط معينه .. سأسردها سريعا حسب تسلسلها

الزمنى
---


عمرو خالد

الداعيه الشاب الذى استطاع جمع الشباب حوله من شتى الدول حتى الدول الناطقه بغير العربيه


عمرو خالد على خطى الحبيب .. عمرو خالد حتى يغيروا ما بأنفسهم .. عمرو خالد صناع الحياه


صُدمت كثيراً فى الرجل لاصراره على الهروب دوماً بحجه الحفاظ على الدعوه .


فى حوار معه بعد ما تردد عن طرده من مصر قال الرجل ان الحزب الوطنى طلب منه ان ينضم للجنه السياسات ويهاجم

الاخوان فى برامجه التلفزيونيه لكن الرجل رفض وسافر الى لندن


لا اعلم اين تكون الايجابيه التى يتحدث عنها الاستاذ عمرو مع اصراره على السكوت وعدم التطرق الى مايحدث فى بلده

بل يُصر على الصمت تجاه مايحدث له مُعززاً صوره عمرو خالد غاندى الذى عندما يصفعه رجل يعطيه خده الاخر


( تربيه الاخوان صحيح ) كان هذا تعليقى فور رؤيتى لحوار عمرو خالد هذا


===


مروه الشربينى شهيده الحجاب .... ندى شهيده الحريه


الاولى مسلمه قُتلت على يد احد المتطرفين الالمان داخل قاعه المحكمه بعد ان رفعت عليه دعوى بعد سبه لها واتهامه لها

بانها ارهابيه مسلمه وذلك لارتدائها الحجاب ... لم تكن هناك ردود افعال قويه من الشعوب او الحكام على السواء اللهم

الا من بعض الوقفات هنا وهناك ... والى الان لم يصدر حكم على الارهابى القاتل


اما الثانيه فهى امراه عاديه قادها قدرها الى شارع كانت تمر به مسيره لانصار موسوى فى طهران وقامت قوات الامن

الايرانى بضرب المتظاهرين وقُتلت ندى خطأ فى الزحام

بالطبع انا اعُرب عن أسفى لمقتلها وادعوا لاهل ندى بالصبر .. لكن انا مستغرب من ردود الافعال الدوليه على مقتلها

جعلوها شهيده الحريه بل وشبهوها بمحمد الدره فى فلسطين والفتاه ال الصغيره التى تهرب من الطائرات الامريكيه والتى

كانت عنواناً للثوره هناك

لا اعلم لماذا لم يستنكر الاوغاد ماقامت وتقوم به القوات الامنيه المصريه فى فض المظاهرات السلميه .. بل لم يستنكر

احد استشهاد طارق غنام احد كوادر الاخوان المسلمين 2005على اثر ضربه بقنبله مسيله للدموع وقعت فى راسه

فمات

بالطبع لاتوجد اى مقارنه بين مروه وندى

والله اعلم بهم

----

الاخوان المسلمين

لا اعلم من اين يأتون بهذه القدره على تحمل الصفعه تلو الاخرى فى منتهى ال ... (يسمى الاخوان مافوق النقط بالصبر

والشجاعه ) ويسميه الاخرون منتهى الخنوع


لكنى اتعجب فعلاً منهم .. اين هم مما يحدث لمسلمى الصين اين هم مماحدث لمروه الشربينى .. بل اين هم مما يحدث لهم


من اعتقالات طالت قياداتهم !!!!

نجح النظام فى جعلهم ينشغلون بمداواه جروحهم عن مايحدث حولهم .. وكلما اكملوا مداواه جروحهم اسرع النظام فى

ضربهم من جديد

والاخوان يتلقون الضرب .. صابرين محتسبين ( حسب تعبيراتهم )

ونجح النظام ... يا للسياسه

==

ماكتبته هنا مجرد تذمر لما يحدث من حولى

أنت مثلى ؟

-------------------------------------------------------------------------------------------

26 تعليق:

  • Shams

    ياااااااه على السياسه
    حاجه مش مفهمومه ولا ناس مفهمومه وصراعات وقتال والاهتمام بالغلاف وترك باطنه
    كنت بفكر فى كلامك بالظبط ولقيت الناس دايما بتهتم بالكبار اما الصغيرين بيتداس عليهم
    يطلعوا يتكلموا عن حادثه واحده مع ان نفس الحادثه دى حصلت وبتحصل بس الفرق ما بين الاشخاص
    ولسه وحفضل اقول السياسه عدو مكروه
    عامله زى الساقيه كده بتلف تلف تلف ولا حد فيها بيعمل ولا حد بيستفيد وناس بتتكلم وناس تطلع واللى بجد محتاج مافيش حد مهتم بيه
    نجحت النظامات الحكوميه بشغل الناس عن الحقيقه برافو عليها
    افضل السكوت احيانا عن الحديث واصلح ما استطيع

  • SostyPasha

    :D :D : D
    مجرد تذمر دا يا فندم ؟ :D
    ------
    1- عن موضوع استاذ عمرو خالد
    مش هعلق عليه :S .. مش لاختلافي معاك .. انا محايده ..لكن هو فعلا كدا بيحافظ عالدعوه :) ..مجرد انو يحاول يتدخل في اي امور سياسيه معناها هيتهدد بأنو يختفي .. مش شرط دايما عشان يكون ايجابي انو يكون ليه تأثير عالصعيد السياسي ! .. شوف في الاجتماعي عمل ايه وغير ايه وأثر في قد ايه ...

    ---
    2- عن دكتور مروة الله يرحمها و ندى
    فعلا انا استغربت من الاهتمام الكبير اوي باللي بيحصل في ايران خصوصا من عند المسيسين عندنا :S .. واعتبارها بأنها شهيده الحريه والهتافات ورفع الصور والتضامن دا كلو .. ما شفناهوش عندنا ! ..
    بس عارف .. بالنسبه لدكتور مروه .. اه مش هنعرف ناخد حقها للاسف ومفيش حاجه هتوفيها حقها .. لكن دا اثر فعلا في المحيط الألماني في ناس اتأثرت من اللي حصل ورفضت دا .. في اللي اسلم من بعد اللي حصل دا .. لكن كرد سياسي عشان اخد حقها .. الله المستعان :(

    ---
    3- عن الاخوان
    :D بارك الله فيك بجد (3)

  • anas3laa

    نجح النظام فى جعلهم ينشغلون بمداواه جروحهم عن مايحدث حولهم .. وكلما اكملوا مداواه جروحهم اسرع النظام فى

    ضربهم من جديد

    -
    ممكن تقولي ازاي بيداووا جروحهم اللي خليتهم ينشغلوا عن الأحداث العالمية ، و لو أنت شايف إنهم ممكن يتجاوبوا مع الأحداث دي كلها تتوقع هيعلموا ايه يعني غير بيان بيبين رأيهم : يبقى مفيش حاجه اسمها شغلتهم لأن الحاجه اللي هيعملوها لن تستغل الوقت اللي هوا

  • Karim Zaytoun

    رااائع يا حساااام ..
    بجد عبرت عن كل اللي أنا عايز أقوله ، ربنا يبارك فيك :)
    ---
    بس أختلف معاك شوية في نقطة عمرو خالد

    يا جدع الراجل مش سياسي ، الراجل إجتماعي وعايز يصلح على قد ومش عايز معوقات في طريقه ، وفعلاً نجح في ده ، أنا شايف إن وجوده في السجون مش هايفيد أي حد خالص ..

    وهو معندوش إمكانيات يواجه بيها طاغوت النظام وجبروته .. هو بيعد الجيل اللي يقدر بعديه يعترض .....

    بالظبط زي ما الرسول صلى الله عليه وسلم عمل أما هاجر يثرب
    ----
    لكن جماعة الإخوان جماعة عريقة وليها باع وخبرة طويلة وفيها كوادر كتير سواء من أول القياديين لحد الطلاب وإنتا أدرى مني بده ، وبعدين هي جماعة كبيرة وعالمية وليها أتباع ومؤيدين كتير وعندها قاعدة شعبية ومقاعد في مجلس الشعب ، صعب أوي أقارنها بشخص واحد زي عمرو خالد بالفعل قدر في فترة قليلة يعمل منظومة تنموية كبيرة نسبياً من الشباب ..

    أنا شايف ده فيه كتير ظلم ليه .. وللجماعة كمان ..

    بس بجد أنا بأحييك وأشُد على يديك إنك كان عندك الشجاعة الكافية إنك تقول وجهة نظرك بصراحة ووضوح كده مهماً كانت العواقب

  • محمد العتر

    أخيرا ياحاج كتبت الكلام اللي زي العثل ده ..

    * بص بالنسبة لعمرو خالد : أه بجد والله دي تربية الاخوان .. انت شايف ان ده غلط بس على فكرة اللي عمله ده صح اقولك ليه .. كان ممكن يقول لا ويعاند .. ساعتها هيكون مصيره زي مصير وجدي غنيم وهو الطرد برة مصر .. ومفيش أي دولة عايزة تقبله كل ما يروح دولة تطرده ..


    *بالنسبة لندا ومروة أنا معاك في كلامك

    * بالنسبة للإخوان : أنا معاك جدا ان الأمن عرف يلبخهم ... تمام

    بس نقطة اننا نظلع ثورة انا كنت أول واحد بيقول لازم نطلع ثورة ... بس بجد في مقال رائع جدا لرفيق حبيب موضحلك فيه ازاي اننا لو طلعنا ثورة ايه اللي ممكن يحصلنا [ بالمختصر هنتعلق على المشانق ] ...بس كان الحل هو ايه حملات توعية ووقفات علشان قضايا عده ..

    يعني فعلا تجاهل الاخوان لاخوانا في الصين .. وللقضايا التانية دي هي الحاجة اللي الأمن قصدها ..

    وياكبير تذمرك في مكانه ..

  • أبو أسامة

    السلام عليكم ورحمة الله وبركاته
    أخي الكريم :
    إجابة على سؤالك الأخير : هل أنا مثلك ؟

    أقول لك أنني بفضل الله كنت مثلك
    وبفضل الله أيضا لم أعد مثلك .

    1- عمرو خالد :
    رغم تحفظي على كثير مما يقول إلا أنه لابد لي من الإقرار أنه قد أصاب باختياره أن يبتعد على السياسة ليخاطب شرائح وليس شريحة واحدة من المجتمع تتوجس ريبة خيفة من أي داعية له ماضي أو مستقبل سياسي .

    2- مروة الشربيني وندي والغنام وغيرهم :
    قل لي ما هو المطلوب من الإخوان :
    أن يردوا بالضرب ؟
    أم ينظموا انقلابا ؟
    أم ما هو المطلوب تحديدا ، وبعيدا عن الكلام العاطفي ؟

    3- الإخوان والنظام :
    على مدونتي (كباية شاي ) طرحت تساؤلا واضحا : لماذا لا ينظم الإخوان حرب إعلامية تستهدف إسقاط هذا النظام ؟
    وبعدها بإسبوع قابلت أحد الإخوان ليصدمني بالواقع أنه حتى الإخوان أنفسهم ما زال بينهم الكثيرين الذين لا يقبلون التضحية من أجل إنجاح هذه الحرب المأمولة .
    فكر وأبدع كما تشاء لكن الواقع سيقيدك .

  • عاشقه الاقصى

    مش هرد هنا عن موقف الاخوان وانتظر بوست رد مني
    اما اعمرو خالد
    غدا تثبت الايام نظره هذا الرجل وموقفه وربنا معاه
    بس اقولك كلمه
    كم انت التغيير الذي تريد ان تراه في العالم
    ملحوظه ربما نتذمر لكن يبقي اسلوبنا بعيدا عن السخريه والتهكم

  • Hosam Yahia حسام يحيى

    شمس

    السكوت سلبيه رغم الصوره االقاتمه التى صورتيها ..

  • Hosam Yahia حسام يحيى

    @sosty
    عمرو خالد ك(داعيه ) المفروض يكون مثل جيد للشبان اللى بيقول انه بيمثلهم وانا موافق جدا لعمرو خالد الا فى نقطه ( السلبيه )
    هو لو عايز يطبق الاسلام يبقا يطبقه كله
    ربنا قال فى القران ( اتؤمنون ببعض الكتاب وتكفرون ببعض )

    مادام الاستاذ عمرو بيتكلم عن شموليه الاسلام
    يبقا لازم يطبق الايجابيه اللى بيتكلم عنها
    --
    نقطه ان عمرو خالد لو دخل فى السياسه هيبقا يضيع نفسه ودعوته
    اقولك ان لو كان كله فكر كده
    كان حسن البنا من الاول واى مفكر اسلامى آثر السلامه على نفسه وعلى دعوته واشتغل من غير سياسه
    والاسلام يضيع ..

  • Hosam Yahia حسام يحيى

    @ anas

    انت كده بتدين الاخوان من حيث اردت تبرئتهم !!!

  • Hosam Yahia حسام يحيى

    @كريم

    انا مش قلتله يدخل السجن ومش قلتله يبقا سياسى معارض
    انا باقول انه يبدى بعض الايجابيه ( من خارج الوطن ) حتى
    هو كده كده بره
    مش هتفرق معاه وهيكسب شعبيه كبيره لو عمل كده فعلاً ..

    اشكرك :)

  • Hosam Yahia حسام يحيى

    @ العتر
    شوف ردى على اسراء

    (عمرو خالد ك(داعيه ) المفروض يكون مثل جيد للشبان اللى بيقول انه بيمثلهم وانا موافق جدا لعمرو خالد الا فى نقطه ( السلبيه )
    هو لو عايز يطبق الاسلام يبقا يطبقه كله
    ربنا قال فى القران ( اتؤمنون ببعض الكتاب وتكفرون ببعض )

    مادام الاستاذ عمرو بيتكلم عن شموليه الاسلام
    يبقا لازم يطبق الايجابيه اللى بيتكلم عنها
    --
    نقطه ان عمرو خالد لو دخل فى السياسه هيبقا يضيع نفسه ودعوته
    اقولك ان لو كان كله فكر كده
    كان حسن البنا من الاول واى مفكر اسلامى آثر السلامه على نفسه وعلى دعوته واشتغل من غير سياسه
    والاسلام يضيع ..

  • Hosam Yahia حسام يحيى

    ابو اسامه

    نعم الاخوان غير قادرين على تحمل نتائج اى معركه مع النظام حتى لو معركه اعلاميه بسيطه للاسف

  • Hosam Yahia حسام يحيى

    عاشقه الاقصى



    انا مش تهكمت ولا حاجه يادكتوره

    انا قلت وجهه نظرى فقط !
    -
    انا استطيع ان اكون التغيير الذى ابتغيه لكن فى اطار الفرد فقط
    انا امنيتى تفيير وطن !

  • مشتاقه للجنه

    الشغل الاعلامى ظهر أهو :D

    بالنسبه لموضوع عمرو خالد,,فأكيد له عذر خاضة وإن حكومتنا العظيمه ليها دخل فيه.ربنا يعينه,

    اما موضوع دكتوره مروه

    فده مصير أى مصرى,,لأان كرامتنا كمصريين ضاعت خلاص

    إذا كانت ضايعه فى بلدنا

    اما موضوع الاخوان فأنا مؤيده لرأيك جدا
    ربنا يرشدهم للخير والصواب يارب,فلو لم أكن إخوانيه لوددت انا اكون اخوانيه :D

    جميل جدا ايها المتذمر :)

  • خالد فوده

    عن موضوع موضوع الاخوان يا حسام
    يسميه البعض خنوع زي ما هما عاوزين
    بس المشكله ان كل خطوه محسوبه يا حسام والكل يترصد لاي خطوه غلط حفاظا علي نفسها وعلي افرادها الاخوان مش في قوه النظام ..ومتنساش انه ده ضغوط خارجيه بسبب موقف الاخوان من حصار غزه .. صمود حماس لحد النهارده في المفاوضات .. تمرير التوريث
    .. دامت لك كتابتك الرائعه يا حسام

  • Hosam Yahia حسام يحيى

    مشتاقه للجنه

    :)

    ربنا يكرمك يارب

  • Hosam Yahia حسام يحيى

    خالد

    اقرا ردودى على التعليقات اللى قبلك عشان تفهم وجهه نظرى

  • sane3at el7iah

    يا حسام بيه ... ويلكم بااك ده أولاً ( مع اني .... (Q) بس يلا مش مهم )

    تعليقين صغيرييييييين اوووووي ده طبعاً بعد اذنك
    الاول بالنسبه للاستاذ عمرو خالد
    انا شايفه ان اللي عمله ده هو الحل المثالي و الوحيد علشان مافيش حاجه تانيه كانت ممكن تتعمل و على فكره هو مش ساب مصر لله في لله يعني هو مش صحي من النوم و قرر انه يسيب مصر لاء هو قُرر له زيه زي نااس كتير اووي
    و على فكره اللي عمله ده علشان الدعوه و ابسط مثال مثلاً ان ماما لما الامن و اقفها ماكانش في ايديها حاجه تانيه تعملها غير انها تصبر و على فكره دايما بتكون قرارات الامن الغبيه ده في صالح الشغل
    و على فكره عمرو خالد مابقاش عمرو خالد غير لما خرج من مصر اول مره

    بالنسبه للموضوع الدكتوره مروه و ندى مش عايزه افتي فيه علشان انا ماعرفش فيه حاجات كتييره و مافيش حاجه تتقال غير ربنا يرحمهما و كل موتى المسلمين

    بالنسبه لموضوع الاخوان فبعد اذنك يعني لو انت قلت كده سيبت للناس التنيه تقول ايه ؟
    يعني لما يكون واحد زيك عارف يعني ايه اخوان يقول كده فه ده دليل ان فيه لبس في الموضوع او نا في حاجه مثلاً قرأتها او اي حاجه هي اللي خالتك تقول كده
    على فكره الصبر ده هو الحل المثالي علشان علشان ظروف البلد اللي احنا فيها
    و على فكره هما مش مستسلمين ولا حاجه وعلى فكره بالنسبه انهم مثلاً مش عاملين حاجه في موضوع الدكتور عبد المنعم ابو الفتوح و المعتقلين و التنظيم الدولي و الكلام ده فهو علشان مافيش اي حاجه في ايديهم يعملوها ولا في ولا ضغوطات و لا كلام من ده خاالص
    وبما ان حضرتك متذمر ياريت حضرتك تقولنا لو كنت مكان عمرو خالد و مكان الاخوان كنت هتعمل ايه ؟
    مش تقولي هما ناس كبيره و عارفه هي بتعمل ايه
    علشان الناس ده في الاول و الاخير بني آدمين قابلين للخطأ و الصح

    نرجو بقى من سيادتكم التكرم علينا و على الاميه الاسلاميه بقبول الكومنت بتاعي :D

  • حسام يحى

    انا رديت على تعليقات مشابهه فوق

  • اصحى يا نايم

    اتفق مع وجهة نص مصعب أبو اسامة بخصوص عمرو خالد
    اما موضوع الاخوان .. فاعتقد أنك انزلقت الى حيث يريد النظام من الناس جميعاً بأن يرددوا طوال الوقت : الاخوان عملوا ايه ,, طب واى جد تانى عمل ايه
    نظرية : سنقاتل حتى آخر فرد من الاخوان نظرية اقصائية فاشلة
    اعتقد ما ينقصنا جميعاً أنا وانت وغيرنا يا سيد حسام : فقه الواقع المستند على معلومات حقيقية .. وحتى تكتمل لدينا المعلومات الحقيقية .. نحن مطالبون ب " الصبر " ...... انا عارف ان الكلمة دى بتضايقك بس مش مهم

    الصبر مفتاح الفرج

    جزاكم الله خيراً على حرصك
    .................
    معاك حق التذكرة اللى هاتيجى بيها طنطا والا ابعتلك الفلوس !!!!!!!!!!!ـ

  • حسام يحى

    :D
    ربنا يكرمك يارب ياباشا

    انا للاسف هاكون موجود فى القاهره عشان الكليه وكده (4)
    نا اسف جدا والله

    والف مبروك ياباشا عقبالك يارب

    ---
    بخصوص الاخوان انا رديت ياباشا ان راييى مش عايز ثوره يعنى
    انا باقول تصغيد
    يعنى تعمل حرب اعلاميه
    او حتى تصعيد فى مواجهات الشارع
    وقفه بسيطه النهارده تكبر كل فتره
    تبقا مظاهره يبقا اعتصام
    كده يعنى :)

  • Israa El-sakka

    أنا أول مرة أدخل المدونة و المصادفة البحتة هي اللي جبتني و أهنيك عليها و بالنسبة لموضوع صمت الإخوان الرهيب ده !! و يقولوا صبر ..صبر إيه ده؟؟ السياسة مفيهاش صبر أنا مش إخوانية لكن الموضوع مستفزني جدا إزاي يسيبوا الشاطر في السجن انا بحترم الراجل ده جدا و هو قيادي كبير إزاي الإخوان يسيبوه !! دي مش سياسة ده كده بطيخ ..يريت تقولي إزاي جبت شعار المرحلة القادمة ده " يسقط يسقط حسني مبارك" عشان أنا عوزاه بعد إذنك طبعا

  • عاشقه الاقصى

    حسام

    انا قصدت بكلمه التغيير مش تهكم ولا تقليل منك

    لكن بقولك ان احنا لو اتغييرنا هنلاقى العالم بيتغير

    ويبقى عمرو خالد له نظره غدا تثبت صحتها

  • Hosam Yahia حسام يحيى

    اسراء السقا

    :)
    الاغنيه دى مرفوعه على موقع استضافه
    موجود فيديو ليها على اليوتيوب باسم
    (الثوره المصريه )
    :)

  • Hosam Yahia حسام يحيى

    عاشقه الاقصى

    :)
    انا عارف يادكتوره ولايهم حضرتك
    :)
    ان شاء الله
    الايام ستُبدى


لو صندوق التعليق مش ظاهر ممكن تعمل ريفرش

next previous